محتاج خادمه بطنجة

السلام عليكم كيفك يا شباب
الله يخليكم محتاج خادمه بطنجة تكون امينه و فنانه في الطبخ
و العاده كم يوميتها و كيف نظامها هل تجي تبخ و ترتب و تمشي أو تبقى
و يعطيكم الف عافيه يا المزاعيط الكرام

اللي تستأجر منه السكان يوفرلك خادمه الأشياء هذي بسيطه بالنسبه يوميته ع حسب هي بتسكن عندك ولا بس تجي تطبخ لك وتنظف وتطلع يختلف

و الله يا اخوي جديد اول مره

وعليكم السلام والرحمه
هلا بوهادي
عاد هذي تجي بالتجربه انت لا تخاف عشان اول مره تبي كل شي مضبط ومرتب وتمام يابن الحلال روح وجرب وشوف وخذ الامور ببساطه وسهالات وجب وحده اذا جازت لك خلها ما جازت لك دور غيرها وصلى الله وسلم
بخصوص خدامه اللي استاجرت منها اذا تحسها ثقه قلها تعرفين خدامه تعرف تطيّب (تطبخ) وخذ رقمها وعيّط عليها (كلمها) وتفاهم انت وياها انت ونظامك والا وانت حول شقتك شفت واحد قله تعرف وحده تجي تطيب بالدار يعطيك رقم وحده وجربها وترى اغلبهن طبخهن ممتاز
بخصوص الثقه يابن الحلال خذ حذرك دايم بس لا تبالغ يعني فلوسك وجوازك وامورك احفظها بمكان وخلاص
بخصوص كم تكلف حسب نظامك كم وجبه تبي متى تبيها تجيك يعني كلمها وشف وش تبي
بخصوص الاسعار بشكل عام تقدر من 150 درهم باليوم الى 250 درهم باليوم وحسب كم وقت تبيها عندك وكم وجبه تبيها تطيّب لك
ولا تنلحس اذا قالت لك اجيك ب 3 الاف او 4 الاف لان ال 3 الاف ريال = 150 درهم و ال 4 الاف = 200 درهم
هههههه بدينا نعلمك اسرار المغرب اللي ما يعرفها الا المزعوط هههههههه
يابن الحلال رح وخلهم يلعبون عليك تعلم عادي وبخصوص نظامها فهو نظامك انت ... انت وش تبي؟ وش تبيها تطيب لك ؟ كم تبيها عندك ؟ شوف برنامجك وبناء عليه حدد متطلباتك وقلها وهي تجيك حسب اللي تبي انت وتعطيك تسعيره تشوفها مبالغ فيها كاسرها تشوفه معقول الحمدلله تراها مسكينه ووراها عيال وتبي رزق الله واختنا في الاسلام
بشكل عام اذا تبيها تطيب لك فطور وغداء اعتقد 200 درهم معقول اذا تبيها كل اليوم ممكن تزيد بالاخير هذي تجي مع التجربه وتشوف الخيارات وامر الله من سعه واللهم ارزقني وارزق مني

كفو و الله يا المعزز و انت و الف نعم شورتك و هداية الله
انا و الله بكرمها مو بكاسرها بس يقلون ما خاب من استشار دام امثاك الطيبين موجودين ولا يهنون الشباب ما قصرتو بإذن الله ما نخاف
شاكر لك و اكيد ما نستغني عن مشورتك و الأخذ برأيك ربي يخليك

اغلب الشقق يا بو هادي تلقى معاها شغاله نفسه اللي تستأجر منه تلقاه متعامل مع شغاله هذي اسهل حاجه لا تحاتي من هالناحيه


أرسلت بواسطة iPhone بإستخدام مزاعيط المغرب

ابو هادي ممكن ترسل لي رسالة راح اعطيك شغالة وامورك كلها تكون مثل ما تريد تطبخ تنظف وامينة وخلوقة وطيبة كثير كثير

جاتك رساله على الخاص