وفاء كاش

المشاركة الأصلية كتبت بواسطة شايب حائل

لو ضاعت البطاقه وانا ابي فلوس هل اروح أي فرع بنك الشعبي واسحب من داخل البنك

المشاركة الأصلية كتبت بواسطة حبيب طنجة

وعليكم السلام ورحمة الله وبركاته
هلا وغلا ارحب يابوسمير نورت من جديد

العزيز والمبدع مشعل وضح لك سالفة بطاقة وفا كاش وانا بما اني استخدم بطاقه مشابهه لها من البنك الشعبي بقولك عن هالبطاقه
البطاقه اللي استخدمها اسمها Global Exchange تبع البنك الشعبي هذي البطاقه تطلعها ب 200 درهم والظاهر صارت ب 250 درهم الحين وتقدر تسحب منها 2000 درهم لكل سحبه وفيه واحد قالي تقدر 4000 درهم خمس سحبات باليوم يعني 20 الف درهم باليوم وشبكه مفتوح طبعا بس يبغى لك تتأكد من سالفة الحد الاعلى باليوم لاني ما قد سحبت مبلغ كبير حدي كل يوم اسحب لي 500 والا 600 درهم والباقي شبكه بس تقدر تحط فيها الى 100 الف درهم

شركة البطاقه موجوده فقط في المطارات يعني لو صارت مشكله لا قدر الله ما لك الا المطارات الرئيسيه انا دايم اطلعها من مطار كازا لهم 3 مدري 4 فروع بس البطاقه سلسه وتقدر تستخدم صرافات البنك الشعبي وتطلع لك رصيدك وتغير الرقم السري والسحب من صرافات البنك الشعبي ما عليه رسوم بس بنك ثاني 6 دراهم رسوم وش باقي بعد عن البطاقه امممم ايه اذا فيها فلوس وانت راجع المطار تمر مكتبهم خمس دقايق بالكثير يعطونك كل الفلوس الي فيها بكل سلاسه غير انها اصلا صالحه لمدة 18 شهر انا صراحه اذا باقي مبلغ اخليه للسفره الجايه ان شاء الله صراحه اعتبر البطاقه ضروريه لكل مزعوط يحط فيها على الاقل نص الميزانيه والا اكثر لانك تقدر تسحب مبلغ عالي كل يوم + تغنيك عن حمل الكاش المزعج

مهم يابوسمير انك تحتفظ بالاوراق حقت البطاقه عشان لو احتجت اي شغله تتسهل امورك انا والله ما عمري حفظت اوراق بس يقولون مهمه قلت اقولك

اتمنى اني افدتك وافدت جميع القراء عن بطاقة البنك الشعبي الرايعه
تحياتي لك ابوسمير

المشاركة الأصلية كتبت بواسطة حبيبتي المغرب

خلك على البنك الشعبي افضل . مبلغ سحب اكثر وتعامل مع اي فرع زي ما قال اخونا محمود .
سبق صارلي تجربه مع بنك وفا التجاري ، البطاقه الوحده مسموح ايداع 20 الف درهم فقط يعني لو معاك 60 الف ، لازم ثلاث بطايق . وحد السحب 6 الالاف من كل بطاقه . بس المشكله لو حبيت تسحب مبلغ كبير ((لازم ترجع للفرع اللي فتحت فيه الحساب )) ، وما ادري اذا هالنظام مازال عندهم او تغير . ولكن دائما المغاربه احس انهم مع البنك الشعبي، ومن اسمه اصلا ( شعبي )

المشاركة الأصلية كتبت بواسطة ابو سمير

هلا فيك كم اقدر اسحب من البنك الشعبي اللس عرفته من الاخوان انه اقل من بنك وفاء كاش اعلى حد الفين وناس تقول ٤ الالف انا بالنسبه للنك وفا كاش الجميع متفق انه تقدر تسحب الى ٦ الالف

المشاركة الأصلية كتبت بواسطة مشعل

هذا موضوع فية تفاصيل التعاملات المالية في المغرب

المختصر المفيد للتعاملات المالية للمسافر للمغرب
المختصر المفيد للتعاملات المالية للمسافر للمغرب

المشاركة الأصلية كتبت بواسطة حبيبتي المغرب

ماعمري اخذت بطاقه منهم بس طالما ان عندك بطاقتين مثلا . تقدر تسحب من كل بطاقه بحدود 6 الالاف اقل شيء ( احتمال تكون 10 الالاف )
اذا انت معاك مبلغ كبير فيه طريقه ثانيه تقدر تحول لنفسك عن طريق STC PAY الى ويسترن نيون وتستلمه من اي فرع بالمغرب بكل سهوله وبدون رسوم تحويل لان عندهم عرض حاليا . وحد التحويل الدولي شهريا 7500 دولار ( 28125 ريال )

المشاركة الأصلية كتبت بواسطة متى السفر