وفاء كاش

اذا حبيت تروح لاي دوله وحبيت تاخذ معاك كاش فلا تحرص انك تاخذ مبالغ كبيره او تفتح حساب بالبنوك بالدوله نفسها لانه مافيها خدمات زي البنوك السعوديه وتطبيقات ذكيه ، ولكن خدمه Stc pay روعه . عباره عن تطبيق بالجوال تدخل عليه وتفتح حساب بكل سهوله عباره عن تسجيل اسمك ورقم جوالك يعني سهل جدا، وبعدها تشحن رصيدك بالمبلغ اللي تحبه من التطبيق نفسه بالفيزا او ب apple pay او بخدمه سداد وتحول لنفسك او لاي شخص تبي تحول له سواءا بالمغرب او اي دوله ، وطريقه التحويل سهله جدا ، حط اسمك اللي بالجواز بالضبط واكتب اسم الدوله مثلا ( المغرب ) فقط ، ويطلع لك ( رقم سري ) عن طريقه تستلم حوالتك من ويسترن نيون بأي فرع بالمغرب او اي دوله ، وللعلم سعر الصرف ممتاز جدا ( ومافيه رسوم تحويل ) حاليا مجانا . يعني طريقه روعه . ولعلمك اذا سويت حواله وحبيت تلغيها تقدر بثواني وبكبسه زر تلغيها من نفس التطبيق طالما انك ماسحبتها . او مثلا لما تحول لشخص وبعد ساعه قررت انك تلغي الحواله ، تقدر تلغيها طالما انه ماسحبها او مثلا غلطت بالاسم وحبيت تعدله . وتقدر عن طريق التطبيق تسدد رسوم وفواتير و و و و . عندنا تطبيقات الكترونيه جباره جدا ريحتنا بقوووه

سلام عليكم شلونكم ي مزاعيط قبل كورونا بشهر كنت في مراكش وماخذ صرافة البنك الشعبي من مطار مراكش لما رجعت السعودية باقي فلوس في الصرافه حوالي 5000 درهم الان لي حوالي سنتين ماسافرت لكن انشاء الله خلال هالشهر راجع سوالي هل اقدر اسحبها ولا راحت علي الدراهم

افيدونا ي المزاعيط حسب خبرتكم

انت مزعوط اصيل
مستحيل يقفلون حسابك وفيه فلوس

اخر سفرة لي قبل عام استخدما بطاقة ( فلوسي ) وكنت مرتاح معها جدا
نسيت الان حد السحب او لازم من صرافة وفا بنك فقط
لكن ما اذكر اني عانيت منها

سفرتي قريبة وافكر استخدمها مرة ثانية

السلام عليكم
هذي احسن ميزه. stc Py اول مره اعرف انه لك 7500 دولار في الشهر بس ودي اتاكد هل اقدر اشحن stc بالشهر اكثر من 28000 او لازم علي مدي شهرين مثلا اشحن stc Py وانا اشوف ان بنك البلاد وبعض البنوك المحليه فيها وسترن تحول المبلغ المطلوب لكن فيه عموله بسيطه اريح من حمل الكاش معكم . وشكراااا