أهل الخبره عن تأجير السيارات في المغرب

انا افكر استأجر وش تنصحوني انا خايف صراحه بس اذا رحت استأجر وش المعلومات الي تنصحوني فيها مثلا التأمين الكيلوات ونصائح ثانيه للي استأجر قبل فيالمغرب

التأمين يكون شامل
السيارة ديزل
الموديل جديد
القير اتوماتيك
الكيلو مفتوح
استلام وتسليم بالمطار
التأكد من كفرات السيارة او الصدمات قبل استلامها

أعتقد هذولي اهم شيء ياشايبنا وبالتوفيق يابعد حيي

القرم كفى ووفى

ازيد عليها تأكد يكون في السيارة طفاية حريق ومثلث سلامة
عشان ما ينشب لك عسكري ويعطيك مخالفة

ماقصروا الاخوان بس مافيه تأمين شامل بالمغرب نسبة التأمين من 70٪ الى 95٪ بالميه

ولو لا قدر الله وصار عليك حادث وانت المخطي راح تدفع نسبة التحمل من قيمة السياره جديده

مثلاً التامين يغطي 90٪ راح تدفع 10٪ من قيمة السياره

واذا الخطأ مو عليك ماتدفع شي

وانصحك تصور السياره من برى وجوى فديو قدامه عشان اذا جيت تسلمها لا احد يتهمك بشي ماسويته

واسالهم عن تفويض السياره لايكون منتهي

واذا اخذتها والتفويض منتهي و وقفوك الدرك بتكون المخالفه على صاحب السياره المكتب ماتكون عليك ( هذي صارت معي )

ماقصرتو والله كفيتو ووفيتو والله احس إيجار وجع راس ممكن تدخل بدوامات خاصه اني اول مره اجي المغرب كلمت بدجت قال لا إم بطاقه أاتمانيه وكذالك واحد ثاني قال لازم جواز سفر حجز

اخي الكريم
مافهمت لمن قلت واحد ثاني قال لازم جواز سفر ؟

الزملاء الكرام
هل فيه تاجير من مراكش وليس المطار الواحد ماله خلق يسمك خط بعد رحلة طويلة

فالقانون حتى لو الخطأ مو خطأك ، تدفع القيمة المسجلة فالعقد ، حتى تكون على بينة اخي العزيز

شف أخونا محمود اللي معنا بهالموضوع رجل ثقة وأخلاق. تواصل معه بخصوص ايجار السيارة من مراكش.

عن نفسي أشوف إني أمسك الخط ولا انتظر ترانزيت بعد رحلة دولية لرحلة داخلية لمراكش وبهذلة بالمطار لأن المدة الي بتنتظرها يمديك توصل مراكش وترتاح وانت ماوصلت بالطيارة(مع حساب وقت الانتظار قبل الطائرة ومدة الرحلة)

والنعم بالاخ محمود رجل محترم اتواصل معاه عندي رقمه