قسم الاسئلة و الاستفسارات عن المغرب اطرح استفسارك عن اي شئ يتعلق بالسفر للمغرب في هذا القسم .. للحصول على مزيد من المساعدة

بخصوص رحلتي من الرياض الى كازا بتفاصيل

Lam4220 · 2021-06-03T06:10:54+00:00

السلام عليكم. بعطيككم تفاصيل رحلتي ويارب يسر أمورنا وامورك الأول السفر كان من المدينه المنوره لكازا مرور بالرياض وصول للمدينه طلبو منى فحص كورونا وتوكلنا وبوردنك كان عندي بالجوال وشحنو العفش وطلعت الرحله الأولى ثانيا /عند الوصول للرياض رفضو البوردنق الي بالجوال وقالو لازم تتطبعه وماقصرو طبعوه بدون مااوقف طابور وطلبو فحص. كوروناوتوكلنا ثالثا /بطياره. الطياره زحمه يوزعون معقمات وجبات كل شي كالعاده للأسف الجزء إلى كنت فيه من الطياره كان في مشكله في التكييف عند جناح الطياره رابعا / الوصول لكازا الخروج من الطياره على مجموعات بعدين اول ماتنزل المطار وتمشي بالممر مسافه تلاقي شخص واقف تعطيه ورقه إلى تتطبعه من رابط المطارات المغربيه وأعتقد موجوده على الطياره الورقه كذالك وإذا ماعبيتها يعطيك. هو ورقه وتعبيها وتعطيه هي والأفضل عبيها من الرابط واطبعها ووقع عليها ولاكن والله لا طالع فيها ولا دراى عنها ولا حتى تأكد من بياناتي ياخذ من الناس والناس تمشي بعدها بمسافه تلاقي بنتين واقفين يادوب لمحو طرف فحص كورونا ولا يدرون عنه آخر شي دخلنا على الجوازات بطبع لكاعه بعضهم المعتاده عشان الحلاوه ويسالك. عن عنوانك. والبعض اعتقد سأله عن حجز وآه حجز بوكنج إلى غير مدفوع وتمشي وتنزل على العفش خذ شنطتك. وتوكل. بعدين في ورقه تنقل مليها وتلاقي مكتب يختمها لك والورقه عشان السفر إذا رحلتك آخر الليل بنسبه للقطارات للأسف آخر قطار الساعه ٦ تقريبا . يعني الي معتمد على القطارات زي حلاتي بيتعب أفضل حل إذا مالك. بالاجارات السيارات خذ كريم لكازا ب ٣٠٠ درهم الأمور بمجملها سهله خصوصا الطيران السعودي لا فحص بالمطار ولا شي بنسبه للعمله بالمطار أكثر سعرشفته كان تقريبا ٢.٢٩.وعليها قرابه ٢.٣٠ داخل المدن مااعرف كم بس اتوقع تنزل شوي عن نفسي أحول عن طريق الوسترن لشخص هنا ونروح. وفاء كاش ونسحب المبلغ واستخرجت بطاقه وفاء كاش ب ٩٩ درهم واحط الفلوس فيها وسعر التحويل في الوسترن عن طريق إنجاز اعلى شوي يوصل أوقات ل ٢.٣٢ ورسوم تحويل حاليا مجانا لي يوم ١٠./٦ ولاكن الطريقه ذي إذا لك. معارف ثقه هنا وعندك. حساب إنجاز وتقدر تستخدم بطاقه مدى عادي بتحويل المبلغ من جهازك. بنسبه للإنترنت شريحه خذها مجانا إذا جالس مده طويله عندك. اشتراك ب ٢٠٠ درهم انترنت مفتوح. تأخذ شريحه انترنت بس قبل تسافر بشهر تبلغهم انك. بتفضل الخدمه عشان ماتجلس تحسب عليك ششهريا ٢٠٠ درهم وذا تلاقيه بالوكالات بالمدن اعتقد ذي أهم الأشياء بنسبه لأجواء انا بالجديده والجو الصراحه بالليل بارد ينهار يقولو هنا حر بس ماشافو. حرنا بالسعوديه ههههههههههه يعني من الاخر الأجواء روعه بنسبه للشقق ماعندي علم بالاجارات انا جالس ببلاش ههههههه بس بنسبه للفنادق في كل الأسعار حسب إلى شفته والله يجعلها سفره سعيده على الجميع

كوفيد20

مزعوط مميز

المشاركات: 487

تاريخ التسجيل: Sep 2018

2021-06-03, 11:51 AM

المشاركه #1

الحمدلله على السلامه وماقصرت الله يعطيك الصحه

معلومه يمكن انك تجهلها تقدر تحول من ويسترن يونيون بأسمك بعني تحول على نفسك باسمك الصحيح لللي بالجواز

مايحتاج تحول لأحد وتاخذه معك عشان يسحبها

متى السفر

مزعوط فضي

المشاركات: 965

تاريخ التسجيل: May 2012

الدولة: فوق سحب الصدق

2021-06-03, 01:46 PM

المشاركه #2

الحمدالله على السلامة ورحلة سعيدة ياغالي
أتفق مع اخونا كوفيد الأفضل تحول بأسمك وتستلمها بنفسك ودايماً اسويها في المغرب
وتريحني من حمل مبالغ كبيرة

__________________

ألا يا صاحبي..الرفقة ترى ما هي ثياب جداد.. تبدلها متى مليت .. وتلبس غيرها ثاني

Lam4220

مزعوط مبتدء

المشاركات: 41

تاريخ التسجيل: Jan 2020

2021-06-03, 06:36 PM

المشاركه #3

فعلا انا كنت أحول باسمي
بس في شهر أبريل الماضي فتره الحجر كنت هناك وحولت باسمي وعلقت العمليه سحب المبلغ وجاني رساله ويسترن ولاكن اروح اسحبها يقولو لي بلوك
وأما اتصلت على الدعم قالو انه غير مسموح وعملو عكس العمليه
ولا ادري هل كان فتره مؤقته أو هو كان موجود التحويل باسمك وتوقف

التعديل الأخير تم بواسطة Lam4220 ; 2021-06-03 الساعة 06:39 PM

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: بخصوص رحلتي من الرياض الى كازا بتفاصيل
الموضوع	آخر مشاركة
رححلآت الخطوط السعوديهه ؟ الرياض - كازا	2015-04-21 02:03 PM
وحداني وعلى كازا يوم السبت 8/16 من الرياض .. هل من خوي ؟	2014-07-21 01:49 PM
اربطو الاحزمة رحلتي من امريكا الى الرياض ومن الرياض الى مراكش	2014-05-02 01:57 AM
طلبvip بخصوص فيلا في الرياض	2014-01-28 06:03 PM
الرياض - كازا - اغادير ومشكلتي مع العفش	2011-04-27 08:04 PM

الساعة الآن 06:18 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

بخصوص رحلتي من الرياض الى كازا بتفاصيل

روابط سريعه