عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


رحلــ 2021 ــــة ( طنجة - الرباط - مراكش )

إضافة رد
 الصورة الرمزية ابوسلمان الثاني
ابوسلمان الثاني
مزعوط مبتدء
المشاركات: 47
تاريخ التسجيل: Jun 2021
ابوسلمان الثاني غير متواجد حالياً  
قديم 2021-06-08, 11:55 AM
  المشاركه #1
رحلــ 2021 ــــة ( طنجة - الرباط - مراكش )

السلام عليكم

وبعد السلاااام ... اشتقتـو للتذاكر وريحـة الطياره والشنااااط

بعد التفكير السريع والي مافي اسرع منه .. تم الحجز ع الخطوط السعوديه

رحلة من الدمام - جده - كازا .... توصل كازا 5 ونص

طبعا تم عمل حجز وهمي من بوكينق لفندق ... ( مااحتجته ولا احد طلبه )

تم عمل فحص كورونا قبل السفره 48 ساعه ... يعني مشيت الاربعاء صباح .. استلمت النتيجة بالليل

الرحلة ثاني يوم الخميس .. امووورك تمااام التمااام

ربطت شناااطي وانطلقــت نحـو المطــار وكانــت الصدمـه سعر تاكسي زااادو لكن مش مشكله

ياولد طنش لاتتقيعط على اربعين ريال ... وصلت المطار وانصدمت حجزي شنطه وحده !!

من متى الخطوط السعوديه بالحبه يتحاسبون ع الرحلات الدوليه ..! المهم كانت غلطتي وقلت ياولد لاتتقيعط على 250 ريال

ركبنا طياااره ويقصون علينا بالتباعد الاجتماعي هههههههه

لكن قلت ماعليه المهم يغدونا وفعلا ماقصو غداء كبسه اللي يحبها قلبك

وصلت المغرب متاخرين ... طبعا المطار تبدل ... احسن شي سووه صالة المغاربه مالها علاقة بصالة الاجانب !!

وهذي ميزه تفتك شوي من بعض الروائح هههههه .. المهم وانت تمشي واحد ياخذ فحص كورونا منك ... ولايشوف فيها

اللي بعدو ... في ناس يعطونهم ورقه صفرا وناس لا مادري ليش ...

واحد يعده وانت تمشي في السيب اخذ منى ورقة اللي طبعتها بالانترنت ...

دخلت الجوازات وحطيت خمسين درهم في الجوااز قلت ياولد لاتتقيعط وقلتله ختم خفيف ....

قال ماخصكش تبين الطبعا .. قلت ايووووا الطبعا ... اقولكم قام يحك الختم حك على ورقه يبي يمسحه عاد يختم ههههههههههههه

المهم نزلت خذيت الشناط وكنت حاجز رحلة داخليه كازا طنجه ... السعر طبعا مبااالغ فيه 1040 درهم ..

ممكن تقولي القطار .. بقولك صح لكن معي رز واغراض فقلت ياولد لاتتقيعط على 600 درهم
رد مع اقتباس
 الصورة الرمزية ابوسلمان الثاني
ابوسلمان الثاني
مزعوط مبتدء
المشاركات: 47
تاريخ التسجيل: Jun 2021
ابوسلمان الثاني غير متواجد حالياً  
قديم 2021-06-08, 12:03 PM
  المشاركه #2
Red face

قعدت انتظر رحلة طنجة .. خذيتلي شريحة مغربية

انترنت .. انوي ... وقعدت ع الانترنت ومعاي الباتري بنك

صراحه في السفرات طويله الايفون ماينغزابه ... للاسف يفضى بسرعه !!

جاء وقت الرحله بالليل وكنت طفشت ومليت ..! يالله سلامه تقريبا بكمل 24 ساعه !!! من طلعت

من قبل الدمام .. لين بوصل طنجه .. يبيلها صبر ... المره الجايه انصح الكل يدخل كازا او الرباط

يعني تكون البدايه كازا والنهايه كازا ... لسكان المنطقة الشرقيه

اما سكاان جده

ماعيهم خوف ست ساعات وانت واااصل ياحظكم

المهم طياره صغيره خفت تطيح فينا

والسواق غشيم ويالله جعلهم الجوع ماعطونا حتى عصير او مويه

ياخي البحرين نروحلها من الدمام .. يعني اقل من نص ساعه

ويجيبولك بسكوت وعصير وهذولا خلونا بالجوع !!

وصلت طنجه وكنت مدقدق ..

ويجيني الجوازات ( الغبي ) ويقول وين فحص كورونا .. قلت خذوه بكازا

قال مفروض تجيبه .. قلت شلون اجيبه .. انا جاي من كازا مو من السعوديه

قال واش دخلتي كازا باش تقول جيت من كازا ..

قلت واش شفتي ختم اني دخلت المغرب او لا ..

غبي

المهم انا وياه تقريبا نص ساعه وانا نشرحله هذي رحلة داخليه .. ماهي دوليه

اشياء بسيطه للدول هذي ممكن تعكر صفوك وتخرب عليك .. ماتدري انت الصح او هم الصح

المفروض رحلة داخليه بين كازا وطنجه مالك شغل في فحص كورونا

اللي يسالون عنه اللي دخلت عندهم ف كازا

يعني انت جاي من المغرب لجده

ومن جده ركبت طيارة للدمام ..

الدمام مايسالك وين فحص كورونا ... جده اللي بيسالك وبيرجعك

لكن مش مشكله

التعديل الأخير تم بواسطة ابوسلمان الثاني ; 2021-06-08 الساعة 12:05 PM
رد مع اقتباس
 الصورة الرمزية ابوسلمان الثاني
ابوسلمان الثاني
مزعوط مبتدء
المشاركات: 47
تاريخ التسجيل: Jun 2021
ابوسلمان الثاني غير متواجد حالياً  
قديم 2021-06-08, 12:24 PM
  المشاركه #3
ايوا تنفست الصعداء بعد ماخذيت الشنطه .. وركبت طاكسي الابيض كبير

200 درهم تقريبا خذا مني .. وقلتله عنوان الفيلا .. قريبه من المطار

وصلنا نزلت اغراضي واطالع الفيلا فيها كلب

خرعني .. انا اخاف من القطو يطلعلي كلب

جلست معها راعية الفيلا قلتلها انا من طرف فلان وفلان شكرني

ولقيتها ياحليلها مسويتلي عشاء

دجاج محمر

تعشيت يالله لك الحمد وابغا السرير ابغى اناااااااااااااااااام ...

ياجماعه تحسبوني استاحشت او جاني وسوست او شي ... حطيت راسي سرير نفررررين

وراااحت سااابع نوووومه ....

اقوووم وارجع اناااااام اقووم وارجع انااااام ..

لين زهقت وقمت وباقي الليل

فتحت الباب واشوف الشمس تصفقني مع وجهي

اثر الغرفه فيها شلتر اللي مو ستاره .. هذاك اللي ينزلونه وماتدري الليل من النهاااار

الساعه طاقه الثنتين الظهر ...

نزلت الصاله وياجماعه كلمة حق ... شميت ريحة الاكل هههههههههههه

وانادي الحااااجه الحاااجه ...

نسيت اشرحلكم الوضع ... الفيلا صغيره فيها قبو تحت فيه مطبخ ...

انت القبو ماراح تشوفه تقريبا ... حتى راعية الفيلا او الشغاله .. يدخلون من باب القبو

ويطلعون من هناك .. انت عند الطابق الارضي واللي فوق والحوش ... هذاك عالمك

طبعا احسن شي عجبني مكيف في غرفة النوووووووووووم .. مهم مهم مهم مهم

ترى النامووووووووس طيارات حربيه هنااااك ... فنصيحه لازم مكيف بالليل وخاصه بالليل ( ههههه )

المهم ناديتها وقلتلها هاااه وش طابختلنا ( مسوي نفسي اني متقضيلها ) ههههههههه

قالت واش تفطر او تتغدا .. قلت نفطر ... وسووتلي شكشوكا ...

وجلستها عشان نتفاهم بالسعر .. مني منك مني منك مني منك ...

قالت مو اليوم .. بكره .. ليش ؟ قالت بكره نقولك مش اليوم ..

صراحه استغربت ؟ لكن فهمت بعدين السبب ..

فطرت وقررت اخذ جوله سريعه حول الحاره ... قلت عادي اطلع ... قالت شكون قالك لا ...

قلت مادري عنكم اخبر طنجه والرباط من تدخل مايبووونك تطلع مرررره ...

منطقة جديده مافيها احد ... ماحد يمشي على رجوله ... مافي جيران بس اراضي

وانت بالحوش تشوف البحر .... عجبني التلفزيون فيه نتفلكس ههههههههههههه

بالنسبه لمقاضي البيت من اكل وغيرو .. عطيتها الف درهم ...

وعااااد حطيت رجل على رجل وفتحت جوالي .... عشااان ابدى برنامجي هناااك

ولنا تكملة مع الصور والمناظر

التعديل الأخير تم بواسطة ابوسلمان الثاني ; 2021-06-08 الساعة 12:31 PM
رد مع اقتباس
 الصورة الرمزية انت النظر
انت النظر
مزعوط قدير
المشاركات: 200
تاريخ التسجيل: Jul 2013
انت النظر غير متواجد حالياً  
قديم 2021-06-08, 01:35 PM
  المشاركه #4
الحمدلله ع سلامتك وطنجة هذا وقتها بالصيف جوها روعه

ان شاء الله زرت تطوان ومارتيل ومدن الشمال مرره جميلة

بانتظار تكملة التقرير والصور

يعطيك العافيه
رد مع اقتباس
 الصورة الرمزية صقر الجنوب
صقر الجنوب
مزعوط خبير
المشاركات: 4,450
تاريخ التسجيل: Sep 2016
صقر الجنوب غير متواجد حالياً  
قديم 2021-06-08, 01:58 PM
  المشاركه #5
الحمدلله على السلامه وبانتظار تكملة التقرير المشوق وياليت تذكر لنا ملاحظاتك على التغيير في المغرب بعد كورونا
__________________

والله إن الأخلاق ؛
مثل الأرزاق فيها غني وفيها فقير !

. (((أخوكم أبو مبارك)))
رد مع اقتباس
 الصورة الرمزية smmutairi
smmutairi
مزعوط مميز
المشاركات: 411
تاريخ التسجيل: Jul 2015
smmutairi غير متواجد حالياً  
قديم 2021-06-08, 02:37 PM
  المشاركه #6
الحمدلله عل السلامه وفي إنتظار تقاريرك


أرسلت بواسطة iPhone بإستخدام مزاعيط المغرب
__________________
صالح من الرياض
رد مع اقتباس
 الصورة الرمزية smmutairi
smmutairi
مزعوط مميز
المشاركات: 411
تاريخ التسجيل: Jul 2015
smmutairi غير متواجد حالياً  
قديم 2021-06-08, 02:40 PM
  المشاركه #7
أبو سلمان
إستفسار عن الفيلا بأي حي وهل هي بعيده عن الكورنيش وكم سعرها ؟


أرسلت بواسطة iPhone بإستخدام مزاعيط المغرب
__________________
صالح من الرياض
رد مع اقتباس
 الصورة الرمزية الفقير إلى الله
الفقير إلى الله
شركة سياحية معتمدة
المشاركات: 78,429
تاريخ التسجيل: Feb 2014
الدولة: مطار محمد الخامس
الفقير إلى الله غير متواجد حالياً  
قديم 2021-06-08, 03:49 PM
  المشاركه #8
الحمد لله على السلامة.

أخوك يوسف.

مكتب يوسف : تأجير سيارات في مطار الدار البيضاء
__________________

مكتب يوسف تأجير السيارات في مطار الدار البيضاء

للتواصل والإستعلام


الهاتف: 00212614656565

الواتسب: 00212614656565

اذا أرضيناك فتكلم عنا واذا لم ترض عنا فتكلم إلينا



تبسَّم ثم تذكر أن الله لا يُغلق أمامنا إلا الأبواب التي لا تُناسبنا

حتَّى لا تكون أوسع من صبرنا وأضيقُ من أمانينا ツ

و إذا ابتليت بـ ( محنَةٍ ) لا تبتئس
فلعلّ تلكَ النُّون .. تسبقُ حائها ツ


فقلتُ استغفروا ربكم إنه كان غفارا . يرسل السماء عليكم مدرارا . و يمددكم بأموال و بنين و يجعل لكم جنات و يجعل لكم أنهارا

رد مع اقتباس
 الصورة الرمزية كنبغيك1
كنبغيك1
مزعوط فضي
المشاركات: 960
تاريخ التسجيل: May 2020
الدولة: جدة
كنبغيك1 غير متواجد حالياً  
قديم 2021-06-08, 05:16 PM
  المشاركه #9
الحمدلله ع السلامة يابطل
تقرير راااااائع
ننتظر مداد ابداعك
__________________
كنبغيك وصافي
رد مع اقتباس
 الصورة الرمزية شاعر كازا
شاعر كازا
مزعوط خبير
المشاركات: 3,266
تاريخ التسجيل: May 2017
الدولة: saudia arabia
شاعر كازا غير متواجد حالياً  
قديم 2021-06-09, 12:31 AM
  المشاركه #10
الفله كم خذيتها
الحمدلله على السلامه
اسمع اذا تسوق ومعك رخصه خذ لك سيارة وتمشى عليها في طنجة ونواحيها
ترى بدون سيارة ما تنبسط بالمغرب


أرسلت بواسطة iPhone بإستخدام مزاعيط المغرب
__________________
ليت لي من عناء البعد راحه
يابهجة الخاطر وكثر الأمنيات
رد مع اقتباس
إضافة رد

الكلمات الدلالية (Tags)
الرباط, مراكش


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

الانتقال السريع

المواضيع المتشابهه للموضوع: رحلــ 2021 ــــة ( طنجة - الرباط - مراكش )
الموضوع آخر مشاركة
تجربتي في السفر الى طنجة ومراكش يونيو 2021 2022-02-13 12:57 AM
رحلتي الى بلاد العجائب (طنجة - الرباط - مراكش) 2021-09-12 06:54 AM
نصائحكم لسكن عائلي فى مراكش و الرباط و طنجة 2015-11-24 12:19 AM
لا عدمناكم فلة في(الرباط-طنجة-مراكش) 2012-09-18 10:19 PM
اهم الاماكن في المغرب[أكادير، مراكش ,الدار البيضاء ,الرباط ,طنجة] 2012-07-14 09:29 AM


الساعة الآن 06:15 PM