اليوم الي بعده صحينا على خبر ايقاف الترانزيت على دبي و رحلتنا تكنسلت
كان باقي اربع ايام على الرجعه و قلنا نشوف لها حل بعدين
و دقينا سلف على كييف الساعه 3 العصر و وصلنا الساعه 10 بالليل (مع الطريق الرئيسي اسرع و اريح)
طبعا طايرين مع الخط و مشغلين برنامج waze عشان ساهر و الرادارات و الحمدلله سلمنا منها كلها
في كييف حجزنا فندق اسمه Amarant اربع نجوم و طلع مخيب للآمال و طعنا منه الى فندق سكاي لوفت و طلع ممتاز جدا و وسط السنتر و سعره معقول
طبعا بسبب الرحله ما ندري كم بنقعد فما قدرنا نروح الى اوديسا و بنفس الوقت كان عليها امطار و كنسلنا الروحه
طبعا قعدنا بكييف 6 ايام بعد لفيف و حجزنا رجعه على الدمام مرورا بالدوحه
في الست ايام ذي اخذا لفه على كل شي في كييف و بلخصها لكم
يوم منها رحنا الى ميدان الرمايه Steel Argument و يقع على طرف لفيف حول40 دقيقه من السنتر
حنا رحنا و جربنا 5 انواع اسلحه
جلوك و شوزن و رشاش و ام بي 5 و قناصه
حنا اربعه و كل واحد اخذ 10 طلقات من كل سلاح ما عدا الرشاش 30 و كلفتنا كامله 12000 غريفن حول 1700 ريال
طلعنا من عندهم الا فيه منتجع جنبهم على بحيره
دخلنا المطعم حق المنتجع و انصدمنا بالفخامه و جمال الموقع و الهدوء على البحيره
و تغذينا فيه و جلسنا على البحيره نشيش و نطقطق الين طاحت الشمس
موقع روعه و لازم تمرهم و تاكل من عندهم ستيك بس غالين شوي
و من الاماكن الي الي جيناها
مدرسه تعليم الدرفت
ساعتين مع مدرب و سياره معدله ب 10000 غريفن على الشخص
تجربه ولا اروع و سياراتهم معدله بشكل كامل تخليك تعيش تجربه الدريفت صح
اذا معكم واحد ما يعرف يفحط خلوه يدرفت و امسكوا بطونكم و اضحكوا
طبعا حاولت احجز سكاي دايڤنق لكن للأسف ما يفتحون الى ويكند
زرت اماكن كثير بكييف خلال ال 6 ايام هاذي لكن هاذي الاماكن الرئيسيه
طبعًا انا من محبي المشي وحداني و الاستكشاف و كنت بالبدايه اروح اماكن اخاف منها لكن لا تخافون
اكتشفت ان الديره امااااااان و ادخل اي داعوس او حاره بأي وقت يعجبك و لا بتلقى الا كل خير
احيان اكون مواعد طير و يعيي يجي الفندق و يقول تعالي بحارتي في مطعم قريب و من هالسوالف
و كنت اروح و يدي على قلبي و لكن الحمدلله ما تعرضت لأي مشاكل مع اني وصلت اماكن لو يبون يذبحوني محد درى عني بس الحمدلله الديره امان
طبعا الي بيسأل عن الطيور
لقيت نظام البحرين ابو ساعه و الكلام الفاظي ذا و ما حبيته
و لقيت نظام اروتك مساج و ما حبيته و لقيت الي يتكلمن انجليزي نفوسهن بخشومهن و ما يتعاملون الا بالدولار و لقيت الستريب تيز غالي و ما اعجبني نظامه
و في الديسكوا ولا بالبار امورك زينه لين تخلص السهره
تجي تكلمها تخاف منك لانك ما تتكلم لغتهم و غير كذا قالي طير حنا نبحث عن العلاقات طويله المدى و انتم سياح و تمشون ما نبيكم لا بفلوس ولا بغيره
طبعاً حالفني الحظ بطير يدرس طب و يتكلم انجليزي زين و كملت السفره معه و اكد لي ان الطيور ما يحبون السياح لانهم يبون علاقه جديه او على الاقل اتكلم لغتهم عشان يرتاحون لك و هاذي مشكله كبيره لبعض السياح
و فيه نقطه اخيره
الي يبي موول فيه مول قريب من فندق سكاي لوفت بالسنتر كبير و فيه ماركات حلوه
و المطاعم عندك دبي و الي مقابله مطعم تركي و عندك المطعم الايراني خيام
هاذي الي جربتها من المطاعم العربيه و الباقي كنت اجرب مطاعم محليه
بالنسبه للصرف
خذ معك دولار ولا تحول بالمطار
انا من التعب حولت بالمطار 1000 دولار و التعبان حولها اي ب 23 بعد المكاسر
بالسنتر تحول ب 27 و اكثر و انت واقف
المشوار من المطار الى السنتر اخذت باص ب 1000 غريفن من الكدادين الي برى
و المواصلات هناك كنت استعمل برنامح blot قبل استاجر السياره
انصح الجميع فيه، رخيص و سريع تلقى سياره بأي وقت
بالنهايه اقول ترى الديره رخيييييصه جدا جدا و ما فيها نصب و امان ولا فيها عنصريه ابد
لكن
ليست جاهزه للسياحه و تحتاج وقت عشان توفر كل الخدمات السياحيه باللغه الانجليزيه
و اخيرا اقول ما تقدر سحب البساط من المغرب ابدا
الصراحه انا استانست بالسفره كثير مدري جوي حلو ولا شلتي خلونا نستانس غصب لانه عندي شله لو تكشت معهم للنعيريه بالصيف تسانس معهم و غير كذا كانوا يكسرون حاجز اللغه بالفلوس
ما فيه شي يوقفهم
ولكن ما راح ارجع لأوكرانيا سياحه مره ثانيه
سفره وحده تكفيها و ما تتعلق فيها مثل الكبيدا