هل ينسحب البساط من المغرب (السفر الى اوكرانيا)

السلام عليكم

تحياتي الحاره لإخواني المزاعيط ادرةً و اعضاءً بعد غياب طويل عن المنتدى

من بعد فتح السفر و احنا نتجهز للسفر للمغرب و لكن حصل الي حصل و نسأل الله ان يحمي اخوننا بالمغرب من هذه الجائحه
ولكن الاجازه مرفوعه و الدراهم زاهبه و النفسيه تطلب سفره لو للهند

المهم نويت اغير الوجهه الى اوكرانيا بحكم اني سامع لها ضجه الفتره الاخيره و كل الناس تمدح
وفوقها كلمني واحد من المزاعيط البارح من اوكرانيا و هيظ مشاعري و مدح لي الديره من كل النواحي و قالي بالحرف "ما توقعتها كذا، الديره هاذي مظلومه" قصده من زينها

ما اطول عليكم
حجزت الاسبوع الجاي و كلفني الحجز 2600 ريال سعودي توقف واحد في دبي ثم على كييف و شيكت السكن في بوكينق و اسعاره جداً جميله اربع و خمس نجوم

الكلام هالحين نبي الي عنده خبره يفيدنا عن الاماكن الزينه للسكن و التمشيه لليل و للنهار (الليل قبل النهار ) و نصايح من واقع خبرتكم

طبعا المطلوب فحص 72 ساعه قبل الوصول و تأمين طبي يغطي المده و حجز سكن طول المده مؤكد و تذكره عوده (كلها مطبوعه معك غي المطار)
التامين بسويه عن طريق موقع السفاره و يكلف اقل من 100 ريال و باقي الخطه معلقه بإنتظار مشاركاتكم


ارجوا من الجميع ابداء رأيه و التكرم علينا بالنصيحه الطيبه و راح اسوي تقرير بعد ما ارجع و بنفس الوقت بحاول اشارككم بالأحداث كل كم يوم عشان يكون الموضوع هذا مرجع لي و لإخواني المزاعيط (لين الله يفرجها و ترجع الامور لمجاريها ) و يمكن الله يفتح علينا و نتعلق ب اوكرانيا و تصير المغرب الحب الاول

و سلامتكم