اول مرة اجرب القطار استفسار

اسعد الله اوقاتكم وعساكم بخير مراعيط المغرب
كثر ماسافرب المغرب لكن ماعمري ركبت القطار وهذي المرة ناوي اجربه
استفساري هو وصولي الى مطار كازا ء5:35 دقيقة كم احتاج من الوقت للانتقال للقطار تقريبا وكم الاسعار للذهاب فقط الى مراكش وكم من الوقت يستغرق وسلامتكم

انا جربته من المطار إلى المحطه بكازا اضن ١٥ دقيقه درجه اول اضن سعرها ١٠٠ درهم أو أقل نسيت كم خذيتها تنزل تحت عند مكاتب التأجير السيارات في كشك قدامك تأخذ تذكره ينزلك بالمحطة بكازا بعدين بنفس المحطه تقص تذكره إلى مراكش انا ركبت باص ستيام من مراكش إلى كازا ممكن ٣ َنص تقريبا باص حلو مثل النقل الجماعي عندنا

إذا الباص أخذنا تقربيا من ٣ ساعات إلى ٣ ساعات ونص يمكن القطار ساعة أو ساعتين

افضل باصات فالمغرب الستيام وعلى الموعد .هي والسوبراتور تبع القطارات .
بس من مطار كاز لمراكش من 4 الى 5 ساعات .
ومن مطار لمحطة المسافرون كازا درجه اولى 52 درهم

تذكره درجه اولى حوالي 240 درهم درجه ثانيه خرده تحس ماتحتك كرسي كانك جالس على السكه . وتغير القطار في محطة لوازيس قبل دخول كازا وتنتظر حول نص ساعه فالمحطه لاتخرج برا المحطه شفاره فالليل يترقبونك و انت وحظك القطار اللي جاي من كازا ومتجه لمراكش. واحسب حسابك تطلع شناطك فالمطار وتنزلها وترجع تطلعها فلوزيس واذا غفت عينك وفتحت مالقيت شنطه عادي تحصل لاكبر العايلات هههههه اذا خفيف القطار حلو . او 1000 درهم وسواق يوصلك لمكانك وارتاح .

اخوي انا قبل شهر ركبت من محطه كازا المطار درجه اولى وعادي مررره اول القطار وانا متأكد خذيت التذكرة بي ١٠٠ درهم ما تتعدا ١٢٠ درهم للمطار

شفت الردود واستغرب من البعض عموما بخصوص الإنتقال عبر القطار إذا وصلت مطار كازا
تنزل تحت عن طريق السلم وتحصل مكاتب تأجير السيارات على يمينك ويسارك وفي الوجه كشك يقص تذاكر
خذ تكت للوجهه إلى تبيها فقط خذ درجه أولى طبعا دامك تبي تروح مراكش لازم تبديل القطار في محطه الدار البيضاء المسافرين ( كازا فياجور) أو محطه لوازيس سعر الإنتقال تقريبا 50 درهم وبعدها تنزل ويجي قطار ثاني المتجه لمراكش ويتوقف في بعض المحطات
الوقت من مطار كازا لمحطه لوازيس أو كازا فياجور نصف ساعه
من كازا فياجور لوازيس لمراكش 3.30 تقريبا
يعني تقريبا خمس ساعات من مطار كازا لمراكش فيها الإنتظار والتنقل والتبديل من قطار لقطار
ملاحظه تقدر تتدفع عن طريق الموظف داخل القطار ويزيد على السعر الأساسي انصح فيها اذا كان فيه زحمه عند الكشك إلى يقص التذاكر علشان تلحق عليه ولايروح عليك الوقت
وإذا تبي الوقت بالضبط والسعر ادخل موقع السكك الحديدية بالمغرب يعطيك التفاصيل

فالمغرب اجمل مواصلات تطلع فيها طروماي كازا او الرباط 6 دراهم ويمر على اجمل اماكن ومعالم .
الثاني البراق متعة كازا الى طنجه .
اما القطار العادي مخلفات استعمار خرده اذا نزلت منه تحس بعظامك مخلخله هههههه.

‏توصل بالسلامة إن شاء الله

عساك تاخذ اول رحله لمراكش لان اخر الليل لايوجد رحلات
اما مسألة الوصول إلى القطار خمس دقايق بعد تفتيش حقائبك في المطار تنزل تحت جهة المحطة قص تذكرتك خذ درجة أولى وانتبه لنفسك ومدامك كثير السفر ماعليك خوف باذن الله

اشكركم جميعاً على الافادة وشكلي بدقها سيارةً ايجار زي دايما والى مراكش