من وين اخذ شهادة اثبات الحصول ع جرعتين

السلام عليكم
هذي اول مشاركة لي وأول زيارة للمغرب.

اتا محصن حرعتين من أكثر من اسبوعين لكن وش الاثبات خاصة ان توكلنا ما يفتح خارج المملكة حسب ما اعلنوا

وشكرا لكم

اطبع تقرير من توكلنا واخر من صحتي .. اي تقرير بتقدمه بيمشي.انا مقدم حق توكلنا وماقالوا شي

بصراحه أنا اشوف التقرير المتكامل الي مكتوب به جرعتين فقط موجود في تطبيق صحتي في تطبيق صحتي وموضح كل شيء فيه وموقع مع الباركود أما تطبيق توكلنا غير واضح فقط مكتوب فيه نوع اللقاح أما عدد الجرعات ليست مكتوبه وعموما مايفتح والله اعلى واعلم

اطبعه من صحتي ملون وخذه معك وايضاً من توكلنا خذ احتياطك وحتى الجواز الصحي اطبعه احسن ماتدري اش يواجهك خاصة كل فترة لهم قرار

تطبيق توكلنا تقدر تطبع الجواز الصحي جاهز pdf وفية معلومات عدد الجرعات جرعتنين مثلاً محصن

وشغال في المغرب توكلنا

__________________
‏هلا بالصمت دام الصمت ما يجرح مشاعرنا.

زي ماقال الاخ لازم تحفظ الجواز الصحي من توكلنا ملف بي دي اف واذا بترسله الى احد عشان يطبعه لك ملون ارسله ملف بي دي اف لاترسله صورة .

الفرق بين الصورة و pdf :

الصوره اذا طبعتها مايمكن تقرأ الباركود مايكون واضح

ملف pdf اذا طبعت الصورة منه يكون واضح وتقدر تقرأ الباركود.

أصلا من تتلقح يعطوك ورقة فيها تاريخ كل جرعة

وغير كده في التطبيق

__________________
كلآم الناس بالنسبة لي ،، مكآلمة لم يتم الرد عليهآ ..!!!

من توكلنا لكن لازم يكون ورقي يعني مطبوع .
جاي مالي اسبوع

ادخل على توكلنا واختر الجواز الصحي واضغط على المستطيل الأخضر اللي في نهاية الصفحة بيحولك هلى طباعة PDF واطبعه بتلقى المعلومات كامله فيها جميع تطعيماتك وتاريخها ونوعها وجوازك ورقمه وكل شيء واضح

وادخل على صحتي واختر لقاح كورونا ثم اختر التقرير الطبي بتلقى أعلى الصفحة يسار علامة مشاركة اضغط عليها بيحولك على أشياء كثيرة اختر طباعة واطبعها PDF

بيصير عندك شهادتين .. أي وحده تعتبر معتمده ياخذون اللي يبون

عملناها وسافرنا فيها وللمغرب بعد

أهلاً وسهلاً ومرحباً

Sent from my SM-G998B using مزاعيط المغرب mobile app

امس اخذت الجرعه الثانيه

الجواز الصحي في توكلنا موضح فيه الجرعه الاولى والثانيه وتواريخهم ونوع اللقاح وموجود الباركود اسفل الصفحه

تحمل الجواز الصحي pdf وتطبعه مثل ماقالوا كل الشباب بالردود

وهذا المعتمد اللي بتوكلنا وليس اللي بصحتى
لان فيه رقم جواز السفر وصورتك ومكتوب الاهليه الصحيه للسفر