مكتب تاجير سيارات

السلام عليكم عليكم ورحمه الله وبركاته
ابغى مكتب تاجير سيارات ثقه في مطار كازا
او في الرباط
اهم شي المصداقيه عنده لاني شفت كم واحد يعطيك كلام حلو لكن لم تتواصل معه تحصله رافع الاسعار كثير
شاكر ومقدر لكم

وعليكم السلام ورحمة الله وبركاته

بالنسبه لتأجير السيارات شوف المعلنين وتواصل معهم واحد واحد واذا ماناسبك شي من ناحية السياره او السعر ، الأفضل اذا وصلت المطار مر عليهم كلهم وبرضو اذا ماناسبك شي اخذ تاكسي لمكانك والا القطار واشتر راحة راسك ولا احد يستغلك من ناحية الاسعار المرتفعه لاني شايف الاسعار زايده هذا الصيف لكثرة الطلب وقلة العرض

واذا مالقيت شي بمطار كازا و وجهتك الرباط برضو سو نفس الحركه اذا وصلت سكنك و ريحت مر على المكاتب وانت مروق ، والافضل اذا شفت فيه استغلال التاكسي وش زينه

هلابك
المكاتب الي مسوين اعلان للاسف بس حاطين ارقام كذا محد يرد، هذا الي بيصير ان شاء الله بمر عليهم اذا حصلت شي زين وسعره معقول اخذنا ما حصلت الشكوى الله مالنا غير مثل ما قلت نريح لنا كم يوم بعدها نشوف وش الوضع ، شكرا

كنت متوقع ان المعلنين مايردون عليك

لاني اللي اعرفه وجربته اذا ماعندهم سيارات مايردون على احد مستخسر يقولك مافيه سيارات

والدليل الواضح شوف صفحاتهم والناس اللي تقول محد يرد علينا

المشكلة اذا دخلت صفحة كل مكتب كل واحد يمدح نفسه وان عنده تخفيض وكلام فاضي علي الاقل احترم الشخص الي تواصل معكم عندك سياره اهلا وسهلا ماعندك اعتذر اما تشوف الرسالة ولا كنك شفتها هذا مو اسلوب مكتب،

في المطار خذ شنطتك وافتح لك حساب بنكي في وفا او الشعبي واطلع منه

مكاتب التأجير اللي في المطار ما انصح فيها

عاد حركات التخفيض هذي ضحكه

تخيل مثال : سياره دايم اخذها بسعر 700 درهم

والقى احد المعلنين حاط تخفيض 30٪

المهم كلمته بكم السياره الفلانيه قال ب 700 درهم

قلت له اعرف سعرها ب 700 بس انت تقول تخفيض 30٪ !!

قال لا حنا بإجازة منتصف الدراسه والسعر ب 1000 درهم وخفضتها 30٪ تصير 700 درهم ههههههههههههههههههههههههه ههههههههههههههههههههههههه ههههههههههههههههههههههههه هههههه

معروف المكتب ما يحتاج نقول المكتب الفلاني بس فعلا أخذ أكبر من حجمه وفيه أفضل
مفروض إعلانات السياره يكتب الثمن مقابل كل سياره ويوضح أقل مده للإيجار كذا وسعر الشهر كذا
أما طريقه تواصل على الواتساب ويشوفوا إسلوب الشخص إذا عرفوا إنه ماعنده خبره وخلفيه عن المغرب ما يحتاج اكمل وافهم يا فهيم وإذا شافوا إنك عارف قال تخفيض 30 % وهو سعر الأول وزياده بعد
كثير من مكاتب تأجير السيارات أغلقت بسبب كورونا
؛؛؛
حاليا ما أنصح بالسفر للمغرب

كلامك كله صحيح 100٪

أخ بس لو يسمح النظام للسائح يشتري سياره والله لتقفل جميع مكاتب التأجير