سؤال بسيط ..

اغلب اللي يأجرونك شقق وفلل هم سماسره .

لو طلبت عقد اتوقع قليل جدا اللي بيوافق لأن شغلهم مو نظامي .

المهم لكل شي تستأجره سعر معقول والسمسار حقه ٢٠٠ درهم او نسبة لاتتجاوز 5% من سعر العقار غالبا .

اللي حاصل ان السماسره جشعين وياخذ احيانا نسبه لاتقل عن 20% واحيانا تصل الى 50% .

افضل طريقه انك تسأل وتعرف الشي اللي تبيه مثلا شقه غرفتين وصاله بتحصل اسعارها من ٨٠٠ درهم لليوم حتى ١٣٠٠ درهم حسب المدة ومستوى الشقه والموقع اللي فيه .

قبل ماتستأجر خل عندك عدة خيارات وعدة مأجرين ولاتجي تدور بشنطتك معهم ويحسونك مزنوق دائما خذ فندق ريح فيه ليله او ليلتين واطلع تمش وشف شقه وثلاث وخمس او فله وثتنين وخمس وافرض السعر اللي انت تبي وخلك مفتح وواضح .

(( القانون المغربي يسمح بعمل السماسرة ولهم الحق انهم يأخذون منك اجرا حتى لو لم تستأجر نظرا للمعلومات اللي وصلوك لها
المادة ٤١٥ من مدونة التجار التي نصت على :
يحق الأجر للسمسار إذا تم إبرام العقد الذي توسط فيه أو نتيجة للمعلومات التي قدمها للأطراف . ))
طبعا هالشي يصير في بيع الأراضي او الفلل او الشقق السكنية اما التأجير الخفي في الشقق والفلل فهو غالبا غير نظامي وحقك وحق السمسار غير محمي من القانون الا اذا كان فيه عقود مبرمه وواضحه .

نقطه اخيرا يجب ان ينتبه لها السائح اذا جيت تستأجر شقه او فله غير نظاميه ومعده للتأجير تراك انت في موقف القوة وليس هم واستخدم هالشيء لو صارت مشكله واستخدمه ايضا في التفاوض كورقة ضغط .