متى يصل المغرب الى مناعة القطيع ؟

واحد من اخوياي الان قاعدين بالاستراحه وانا بنفسي حجزت له على الخطوط السعوديه هاليومين سفرته

ويحاول فيني اروح معاه واعتذرت له مع انه خوي السفر بالنسبه لي

صحيح انا ماني موظف بس مرتبط بأمور واشغال ولو يسكرون علي بالمغرب يمكن اجي مشي ههههههههههه

بس خويي وقته مفتوح ولاهو مرتبط بشيء و يقول على الله وبالاحترازات وبحاول اصنع المتعه واذا حسيت ان الامور ماتطمن ولا تسعد برجع أي وقت

بعض الاشخاص فاضين لا شغل ولا مشغله والبعض مولع بغرنوق ومشتاق له ولا يفرق معه تمشيه ولا حظر ولا غيره والبعض غشيم بالسفر ويهابد والبعض يبي يكسر الشوق في المغرب ويرد بسرعه وو و إلخ

واللي ماسافروا مثلي خايف يسكرون البلد والبعض خايف من اصابات كورونا المرتفعه وعدم التقيد بالتدابير الإحترازيه والعض يقول ماتسوى اسافر واخسر مبلغ وقدره وبالاخير مافيه متعه كامله وحظر من 9 والبعض ينتظر النايتات كلوب تفتح لأن هذا جوه ووو إلخ

هنا عزيزي المزعوط يكمن الفرق بين كل شخص حسب ظروفه وإلتزاماته وتفكيره