طمنوني عنكم يالمزاعيط

السلام عليكم ورحمة الله وبركاته يالله انك تحييهم وتبقيهم من زمان عنكم يالربع وحبينا نسلم ونتطمن عليكم وهل انتم محصنين بجرعتين ولا لا حاب اتطمن عليكم اسرتي الثانية عزيزين وغالين لبى والله قلوبكم نبي نخلص من كورونا ملينا وربي نبي الحياة ترجع زي اول والسفر يرجع مثل قبل بدون قيود وشروط وقروشه

وعليكم السلام
الله مير يسلمك اخوي ابوسمير ، تُشكر حبيبنا انك تسأل عن المزاعيط هذا من طيب اصلك ومعدنك

اما بخصوص كورونا خلها على ربك متعبنا حيل والنفسيات تعبت من هالوباء وطال هالشي والمتحور ارهقنا زيادة والله يعجل بزواله ،، ارهقنا هالوباء لاعاد عرفنا نمارس حياتنا مثل أول ،، حتى بالسفر مُتعب سافرت ثلاث مرات بعد فتح السفر ارهاق غييييير طبيعي

تخيل ارجع للبيت وانا شايل هم العزل عشان ما اختلط مع احد من الاهل او تتسبب على أحد من الناس الي مالهم ذنب

الله يعين بس السفر في زمن كورونا ،، اعتبره مُتعب جداًجدااااًًً جدااااًًً


Sent om my iPhone using مزاعيط المغرب

__________________

BB :
[]

حق وواجب يابعدي نسال ونتطمن عليكم ما نسال عنكم الا من غلاكم وربي ون شاء الله فترة وتعدي باذن الله

حيالله أبو سمير تسأل عنك العافية
وين الغيبة ي رجل اختفيت ومعك حبيب طنجه
عسى المانع خير انت رحت للمغرب وإلا لسى
تحياتي لك

الله يعافيك ويبقيك اخوي مشتاق والله يابعدي الكارونا اشغلتنا واشغلت العالم كله لا والله اخذنا تصبيره دبي كم يوم لحد مايرجع المغرب الحبيب لوضعه الطبيعي والسهرات ترجع زي اول واحسن

حبينا نسلم وناخذ علومكم من زمان عنكم ونتطمن عليكم من اكمل جرعات اللقاح

معقولة يالربع بس انا وخالد ومشتاق اكملنا الجرعات والباقين للحين جرعة وحدة بس

انا جرعتين وحياك الله اخونا الكبير ابو سمير

سلام يا الربع ..

ولله الحمد والمنه جرعتين من زمان والحافظ الله وحده لا شريك له ..

سافرت أول ما فتحوا السفر بعد عيد الفطر بإسبوع شهر 5 ميلادي وعفت حياتي من جهة الإجراءات في الذهاب والعودة

وبعد ما وصلت عزلت نفسي في قسم من شقتي خوفاً على الأهل لمدة ثلاثة أيام

صراحة تعذبت

السفر في زمن كورونا مزعج

ودي احجز وأسافر مرة أخرى لكن متردد

أخاف أتكسف مثل الرحلة الماضية إلى المغرب

افكر في نهاية 9 أو بداية 10

لكن زي ما أنتم شايفين عدد الحالات والحجر التاسعة مساءاً

ما زلت اترقب ..

وأقول حتى لو زانت الأمور وقل عدد الحالات
وتم رفع الحجر المسائي

يبقى PCR للذهاب
و PCR للعودة
واحجر نفسي 3 أيام (هذا الحجر غير ملزم ولكن خوفاً على الأهل وليطمئن قلبي)

هذا اللي مخليني أتردد في حجز التذكرة

ودمتم ،،،










Sent om my SM-G998B using مزاعيط المغرب mobile app

مرحبا ألف أبا سمير
افتقدناك مدة
عساك بخير
الله يسلمك من الشر
نعم جرعتين من زمان

عطنا علوم تصبيرة دبي لاهنت