اقتباس:
المشاركة الأصلية كتبت بواسطة عمر الفاسي
بالمغرب تشتري بيت بدون ما تكون عندك إقامة مغربية عادي لكن ما تقدر تشتري
سيارة وهذي من سلبياتهم والحل مثل ما قالت لك حبيبنا القطري تشوف معرفة
وثقة مغربي أو مغربية أو من المقيمين بالمغرب وتسجل السيارة باسمه مع ملاحظة
أن التأمين ما راح يشملك لأنك بالاصل ما عندك إقامة مغربية بالإضافة لرخصة
سواقة من المغرب ، يعني حتى لو التامين شامل ما راح تستفيد منه بالتالي
تشتري وتدفع تأمين والسيارة مو باسمك وفوقها صيانة دورية ولو السيارة
ديزل لازم على الأقل كل اسبوع تمشي لها ربع إلى ثلث ساعة مشوار
ثم لازم لها موقف وبما أنك قلت ما تعرف أحد بالمغرب ولقيت لك طريقة
تشتري فيها سيارة هناك فين راح تتركها لما ترجع من اجازتك ؟؟
من الحلول هو تتعامل مع الثقات من مكاتب تأجير السيارات المحلية
اللي لهم مكاتب فعليه قائمة تشوفها بعيونك أو شركات تأجير السيارات
العالمية مثل بدجت وهيرتز ويروب كار وتعاملك معهم يحكمه عقد وشروط
وتأمين مع ضرورة توفر بطاقة الائتمان المصرفي مثل فيزا كارد أو ماستركارد.
صح كلامك في بعض الأوقات المكتب المحلي مستغل خصوصاً بالمواسم
ومثل ما تفضلت شي يضايق لكن بالمقابل المسافر معه سيارة دافع لهم إيجار
الفترة مقدماً ولا شي غيره وكل اللي عندهم صورة من جواز سفرك ورخصة
السواقة وإذا صار شي للسيارة والمسبتأجر سافر المكتب راح يتورط في
مشاكل قانونية نظامية حتى يتم تعويضة بجزء من قيمة السيارة
التصرف بالسياره ماعندي لها أي مشكله حتى لو بدون تأمين أقدر اتحمل تكلفة حوادث السير للطرفين خصوصاً إني ماني راعي فره كثير والسياره ليست فارهه
و عندي معارف مغاربه واثق اني احط السياره عند بيوتهم بس ما اثق اعطيهم المفتاح أو أسجل السياره بأسمهم
وفكرة الديزل شايلها من راسي ناوي اخذ بنزين
وسفراتي للمغرب تقريباً 3 مرات بالسنه من اسبوعين إلى شهر بس تهدى الأمور ونرجع للإحتراف
المكاتب الحاليه والشركات العالميه نتضرر منها نفسياً قبل مادياً
همسه :
صدقني عزيزي المزعوط لو فيه حل لشراء سياره في المغرب غير انك تشتري بيت او تكون مستثمر انت الكسبان مادياً ونفسياً