من المواقف اللي حصلت لي كنت رايح المغرب علي القطريه انا وصاحبي انا كان معي شنطة الظهر حاط فيها كل اغراضي الجواز والفلوس ومبلغ بحدود ميه الف مغربي وكنت بالسياحيه والطياره كان فيها كراسي فاضيه وخذيت لي اربع كراسي عشان النومه وصاحبي علي الشباك وقالي ابن الحلال جيب شنطتك خلها عندي قلت يا رجال بحطها فوق احسن محد جايها المهم طرنا والامور طيبه واسحبها نومه في نص الرحله اسمع صوت وحركه والعالم مستنفره وكلن يتفقد اغراضه العلم يا جماعه قالوا فيه صينيين سارقين فلوس واغراض يوم طفت انوار الطياره يفترون ويفتحون الادراج اللي فوق واي شي ياخذونه وانا كنت حاط الفلوس في ظرف داخل الشنطه واول ما قمت اتفقد اغراضي واشوف الظرف واقول لصاحبي ابشرك الظرف موجود يوم فتحته الا ملعون الجدف حاط اوراق مكان الفلوس اثاريه راثع في العالم اخذ فلوسي وفلوس شخصين وبنت لكن من حظنا الطيب فيه بنت مغربيه ما نامت وتشوفهم يفترون علي الكراسي وحفظت شكله ومكان كرسيه وقالت هذا اللي سرقكم المهم ونوقف انا وصاحبي علي كرسيه قلنا ما يتحرك لين يتفتش والكلب قام ماسك فرشاة وقلاص علي اساس بيروح الحمام ويدفه صاحبي علي صدره قال اقعد وتجينا مضيفه قالت مالكم حق تحجزون حريته قلنا حريه والا غيرها والله ما يتحرك خاف ياخذ فلوسنا ويقطها بالحمام ويجي مضيف مغربي ولد محترم قال ما يتحرك وفي اثناء النقاش سبحان الله المضيف شاف الوساده الصغيره جنبه ويخطفها الا هي مليانه من فلوسنا وفلوس الناس الثانيه وياخذها يوم شفنا الفلوس بغينا نرقص عرضه بالطياره
المهم قال اعطيها الكابتن ونسلمها لكم عند. الشرطه طبعا بلغوا امن المطار اول ما نزلنا جو الامن وخذونا للمكتب جنب الجوازات وطلعوا فلوسنا وكلن خذا فلوسه بس الشي المصخره انهم ما سووا اي شي لهم يقولون متعودين عليهم وما نقدر نسوي لهم شي عشان العلاقات مع الصين قلنا دام خذينا فلوسنا باللعنه
بعدها تبت توبه فلوسي لو اربطها في بطني ما اخليها فوق
أرسلت بواسطة iPhone بإستخدام مزاعيط المغرب