مخطط السفر

مساكم الله بالخير اخواني المزاعيط

بالبدايه احب اقولكم اني ماني مزعوط جديد انا قديم بالمنتدى بس نسيت الرقم السري و لا عرفت استرجعه

عموما ما ابي اطول عليكم بالحكي

انا مخطط بإذن الله للسفر للمغرب الجميله نهاية شهر 10 يعني الذهاب 31/10 و العوده 9/11 السالفه كلها 10 ايام و الرحله مبدئيآ راح تكون بالشكل التالي:

انزل كازا و استأجر سياره من المطار و خلاص اتفقت مع الاخ يوسف صافوي كار على السياره و تم الحجز و الحمدلله

اول يوم راح اقضيه في مراكش ليله وحده عشان ارتاح و اتعرف على مراكش سريع سريع لانو هذي اول مره اروح مراكش و بالنسبه للفندق لم يتم الاختيار للان ما اعتقد ليله وحده راح تمثل مشكله بالسكن.

المهم نكمل المخطط اصحى ثاني يوم و امسك طريق مراكش اكادير لأني اكاديري من يوم يومي و مفتون بيها و النيه فندق مبروك وتم الحجز بالفعل عن طريق بوكينق ٧ ليالي لانو تواصلت مع مكتب المؤيد و قالي الفنادق اللي تسمح بالضبوف في اكادير هي خليج اكادير و فندق مبروك و اثنينهم لازم تفتح غرفه للضيف و طبعآ انا مستبعد خليج اكادير من حساباتي بعد الكلام اللي قريته في المنتدى من الاخوه الاعضاء و سلبياته الكثيره مع العلم اني نزلت فيه قبل الجائحه في 2019 وكان ممتاز و مريح و خدماته فل الفل . تواصلت مع مكتب المؤيد و سألته عن سعر الغرفه و السويت في فندق مبروك وقالي الغرفه 950 درهم و السويت 1750 درهم لكن الغرف صغيره و السويت معظم السنه فل الحجوزات فيه وما اوقع تلقى فيه حجز و دخلت موقع بوكينغ عشان اشوف الغرف و السويتات و الصراحه وجدت الغرف فعلآ صغيره مره و شيكت على السويتات و لقيت السويتات فعلا حلوه و شرحه و لقيت اخر سويت باقي متوفر بسعر 1200 درهم تقريبآ و مطل على البحر و حجزته على طول و دفعت المبلغ بالكامل من 1/11 الى 8/11
لاحظو مكتب المؤيد عطاني اياه بسعر 1750 درهم لليله ( شفتو فرق السعر)

نكمل لكم المخطط على اساس النيه اتحرك من اكادير يوم 8/11 الى مراكش و ارتاح فيها ليله قبل العوده الى الديار يوم 9/11 ونفس الفكره ماني شايل هم السكن بمراكش لانها مجرد ليله فقط.

الفندق تم الحجز و السياره تم الحجز باقي التذاكر

الان للحين ما حجزت التذكره للمغرب و محتار بين خيارين :

الاول اسافر على الخطوط السعوديه من الدمام الى كازا و ترانزيت بجده 2 و 40 دقيقه و بعدين تقلع الى كازا 12:55 من جده و توصل الساعه 17:30 العصر كازا
والعوده يوم 9/11 من كازا الى الدمام الساعه 19:25 مساء مرورا بجده و بعدين الى الدمام توصل صباح اليوم الثاتي

الخيار الثاني

طيران الخليج تقلع من الدمام الى كازا ترانزيت البحرين انتظار ساعه و عشر دقايق في البحرين و توصل كازا الساعه 7:30 صباحآ
و العوده من كازا الاقلاع 10:00 صباحآ و توصل الدمام الساعه 21:20 مساء مرورا بالبحرين انتظار قرابة الساعه في البحرين

سعر التذكره في الاثنين نفس السعر 2606 ريال

ملاحظه: ما احب الترانزيت يكون داخلي مره لانو مطاراتنا ما تحمس بالذات لمن ترانزيت الرياض يلهوي و يخرابي على الرياض ما ادانيها مره.

الحيره في وقت الوصول و الاقلاع بين الاثنين كل وحده لها ميزه و بالنسبه لي ما قد جربت طيران الخيلج للذهاب للمغرب

احبابي ايش رأيكم بالمخطط كامل عطوني ارائكم و اقتراحاتكم بالكامل في كل شي حتى لو فيه انتقدات ماعندي مشكله بس بدون الضرب تحت الحزام ههههههه

هل وقت الرحله مناسب و الا في احد عنده وجهة نظر اخرى

ماعندي منقول كل شي واجد تبارك الله
خصك لبن باش تنعس مزيان وتفيق مع 7 ونص صباح وتبدا بومك والبشر مافاقت فمطار السعاده ههههه
اشوف تكمل طريقك استراحات فالخط الظهر وانت فاغادير وغداء بحري ههههه خلي مراكش فرجعه على حساب ايام السفر واختمها بغدوه عند طباخ الملك فساحة الفنا نص طلي مشوي هههههخط
رحله منتعه وعامره بمسرات

يعطيك العافيه على كلامك بس انا مالي بالقياده الطويله 5 ساعات او 6 ساعات ….الصراحه ممله جدآ
بأخر رحله 2019 سقت من كازا الى اكادير مشوار طويل و ممل جدآ.

وجهة نظري الرحله قصيره لو حجزت ترانزيت طيران الى اقادير والسياره تجيك للمطار افضلك

بعض المكاتب يوصل لك السياره لمطار اقادير والا للفندق اللي بتسكن فيه بدون ماياخذ عليك غير حق الايجار ابحث عندهم كلهم وانا سويتها كم مره خصوصاً في غير المواسم والعطل

بالنسبه لفندق مبروك شفته في بوكينق قبل كم يوم الغرفه ب 700 درهم

وانت ذيبان وبحثت ما اعتمدت على شخص او مكتب واحد

روح على طيران الخليج لانك بالشرقيه وقريبه البحرين والطياره لابأس فيها

لاني مره رحت عليها من البحرين الى كازا واذا وصلت مطار البحرين اطلع مع المصعد الدور الثاني في محل عصيرات خذلك كاس على الماشي تسخين

وتوقيت الوصول ممتاز بس اركب الطياره مواصل واحلى نومه وامسك الخط لاقادير دايركت

خذ من كلامي مايناسبك ورتب امورك عندك وقت طويل

شكرا لك اخوي كوفيد على اقتراحاتك الجميله بس بالنسبه للطيران من كازا لأكادير او العكس انا متعمد ازور مراكش بالروحه و الرجعه لاني ما سبق لي زيارتها وودي اشوفها من كثر ما سمعت عنها و منها ارتاح من تعب السفر لاني شخص عندي فوبيا من الطيران و مستحيل انام بالطياره مهما كانت الاسباب و اذا نمت ما انام اكثر من ساعه بس من شدة التعب.

و بعدين سبعه ايام في اكادير كفايه عليها خصوصا اذا الحضر الساعه 9 بالليل ما زال مستمر


اما بالنسبه للعصير انا واحد مالي فيه نهائيآ لا ارض و لا جو.

ياليت اي احد عنده تجربه في فندق مبروك يعلمنا كيف تعاملهم و كيف نظافة الغرف عشان اذا نظامهم سيئ يمدي الواحد يدور غيره

و شكرا للجميع

الحمد لله على سلامة العودة في المنتدى بروكين ..
طبعآ انا اذكرك لان سبق وكتبت عن سفر سابق للمغرب هنا .
بالنسبة للسيارة ممتاز انك رتبت من بدري الوضع مع يوسف صافوي .
واما عن الطيران ربما طيران الخليج افضل لموعد وصولها كازا فقط .
وبالنسبة للسفر لمراكش انا اؤيد وجه نظرك في استكشاف المدينة والتعرف ولكن خليها يوم واحد في البداية ..
وضيف يوم زيادة الى ايام اكادير لاني متأكد انك في اخر الرحلة سوف تحلى اكادير عندك وخاصة انك من عشاقها مثلي .
بالنسبة للسكن ( هذا الصداع المزمن للجميع ) ياعزيزي 1200 درهم + 700 درهم غرفة للضيف ( 2000 درهم )
مبلغ مش قليل لليوم الواحد .
بس للاسف هذه الايام خيارات السكن محدودة بعد وضع كورونا ..
وان كان يوجد غرف فندقية في لاسويت اسعاره معقوله والغرف نظيفة ومساحاتها مش صغيرة ونظامها فتح غرفة للضيف ( ادخل على النت وشوف الفندق ) ربما يناسبك .

مع تمنياتي لك بسفرية تجد فيها كل ماتتمنى .

Sent from my SM-A705FN using مزاعيط المغرب mobile app

الله يسلمك اخي خالد
فعلآ الان وضع السكن في اكادير سيئ جدا و لا توجد خيارات كثيره الله يسهل الامور و من وجهة نظري انا اعتقد ٧ ايام في اكادير تكفي و بزياده

لو ابطبق مخططك سيكون :
استأجر سيارة من مطار محمد الخامس وانطلق الى المدينة الحمراء لمدة يومين لأن اليوم الواحد مايمديك تعرف على المدينة وضواحيها
ثم أنطلق إلى أقادير واقضي الرحلة واسلم السيارة في نفس المدينة (أكون منسق مع المكتب حتى لو أخذ زيادة معقولة) واكون حاجز ترانزيت الى الدار البيضاء ثم الى السعودية .

كل له وجهة نظر

فعلا انا مخطط لها ليلتين بس متفرقه ليله في الذهاب و ليله بالعوده من اكادير قبل الرجوع للديار اما بالنسبه لرجوعي ترانزيت لمطار كازا ياباشا اخر رحله من اكادير لكازا عشان الحق رحلتي توصل الساعه ١:٣٠ صباحا يعني بنقع في مطار كازا اكثر من 6 ساعات خييير عاد من زين المطار و الا من زين الكافيهات اللي فيه لا يا بوي انسى و سلفني البنسه هههه

السكن في كل المدن المغربيه صار مزعج مش بس باغادير واتوقع هذي الفتره ان الاسعار نازله قي الفنادق كلها لانها فاضيه من السواح يعني ممكن تكلمهم مباشره وتتفاوض معهم بالاسعار لان ممكن يعطونك سعر اقل من بوكينج ووجهة نظري خل عندك اكثر من بديل بالسكن ومر على اكثر من فندق وتكلم معهم وصدقني بيوافقون على كل الشروط اللي تطلبها