على بلد المحبوب وديني 30/09/2021
السلام عليكم ورحمة الله وبركاته
اسعد الله صباحكم بكل خير ياساده
يالربع جالس في المشب واشرب شاهي واتفرج على فيلم في النيتفلكس ومالي في الشر طاري .. المهم ان الفيلم خلص .. وفتحت السناب ورحت على الخريطه وبدون سابق انذار لقيت نفسي في اقادير .. المهم وانا اتفرج على سنابات العالم .. ما بين اللي يسوق سيارته .. واللي يمشي على المارينا .. واللي يصور قهوته .. الخ ..
الزبده دقني الشوق ومسكت معي اروح روحه سريعه ابو اسبوع لقل الفرصه والا ما يوفيها حقها شهر المغرب ..
.. قاعد اكتب لكم رسالتي الساعه الثالثه صباحاً وانا كل شوي اشيك الرحلات على بكره وبعده ..
وشكلي عزمت على الروحه وضميري يقول بصوت صغير وخافت: (اصبر ونسق مع العيال يمكن يخاويك احد) ..
وعقلي وقلبي يقولون: (احجز رحلتك واشعب ركابك وتوكل على الله ترى كلها اسبوع) والحين ماعمري رحت لحالي المغرب .. لكن اللي وده بروحه خطافيه وخوي وسيع خاطر ويقدر الخوه ولا يعارض خويه يتواصل معي وننسق قبل بزوغ فجر الجمعه
محبكم / مسودن
الدمام عروس الشرقيه