ممكن بليز شروط السفر الى المغرب وقت كورونا

مرحبًا يا اخوان
انا بسافر عن طريق البحرين الى المغرب
شنو شروط السفر الى البحرين والى المغرب هل جرعتين وبي سي ار؟ وهل اعطيهم بي سي ار في مطار البحرين قبل ركوب الطائرة او في مطار كازا ؟ وكيف العودة هل نفس الشيء لازم اسوي اجراءات وبي سي ار
فيدوني بليز

أحسب حسابك وانت راجع لازم تجيب معاك فحص من المغرب

لأنهم فالبحرين راح يطلبونه منك

__________________
لاتسمع كل ما يقال ولا تقول كل ما تسمع.

رجعته للبحرين ترانزيت ما اتوقع يطلبون منه pcr لان محطته النهائيه الدمام مثل حجزي دمام- كازا مرورآ بالبحرين و سلامي للجميع.

هو ماقال ترانزيت ، قال من البحرين كازا واعتقد انه بيطلع للبحرين بسياره ومن مطار البحرين مباشره لكازا

من قبل ماكانوا يطلبون فحص للي جايين من دبي للبحرين لكن انا قبل يومين رجعت من دبي للبحرين وطلبوا مني فحص كورونا

__________________
لاتسمع كل ما يقال ولا تقول كل ما تسمع.

صح كلامك تو انتبهت.

دامك من الشرقيه ليش ماتسافر من الدمام على الخطوط المصريه
مواعيدها حلوه وسعرها ممتاز

تطلع من الدمام الساعه 4 الفجر وتوصل القاهره الساعه 6 الصباح

ترانزيت ساعتين والساعه 8 الصباح تقلع لكازا والوصول الساعه 1:30 الظهر

طيران الخليج ممتاز فالذهاب لكن فالعوده الساعه 9 الصباح موعدها متعب شوي

طبعاً ماراح يطلبون منك فحص فالرجعه لمطار الدمام

__________________
لاتسمع كل ما يقال ولا تقول كل ما تسمع.

مشكورين ياجماعة بس والله الحين ضيعتوني وضحوا لي اكثر
انا بروح بسيارتي الى مطار البحرين ومن البحرين الى كازا والعودة من كازا الى البحرين
الان هل اسوي بي سي ار عشان اعطيه المفتشين على الجسر وبعدين اوريهم اياه بعد في المطار قبل ركوب الطايرة او كيف ؟ وهل كذلك يطلبونه مني اذا وصلت مطار كازا او كيف؟
وبالنسبة للعودة هل اسوي فحص في المغرب واوريهم اياه في مطار كازا وكذلك في البحرين في الجسر وانا راجع الى السعودية ؟
فيدوني ارجوكم على كل سوال والفحص لازم يكون قبل ب كم ساعة؟

اخوي بالنسبه لدخولك عن طريق الجسر للبحرين مو مطلوب منك فحص المطلوب فقط توكلنا مطعم جرعتين وجواز السفر فقط
فحص كورونا مطلوب منك فالمطار وتكون نتيجة الفحص 48 ساعه مطلوبه في كازا

وبالنسبه للعوده مطلوب منك تسوي فحص فالمغرب قبل وصولك للبحرين ب 72 ساعه

الله يحفظك

__________________
لاتسمع كل ما يقال ولا تقول كل ما تسمع.

تسلم لي
يعني قصدك ان الفحص ما يطلبونه مني في مطار البحرين مطلوب مني في مطار كازا بس؟
وبالنسبة للعودة مطلوب مني قبل 72 اسويه في المغرب عشان اطلعه في مطار البحرين في العودة ؟
صح؟

اصفط ورقة الفحص وحطها وسط الجواز في مطار البحرين بيشوفونها وبيرجعونها لك وفي مطار كازا نفس الشي

والعوده نعم مطلوب منك فحص من المغرب قبل 72 ساعه .

ولو رجعت من المغرب بدون فحص راح يسوونه لك في مطار البحرين ب 360 ريال وتطلع النتيجه في 4 ساعات

__________________
لاتسمع كل ما يقال ولا تقول كل ما تسمع.