طيران الخليج + الترانزيت ( صاحب التجربه يفيدنا) فقط

السلام عليكم
كيف الحال ياحلوين
استفساري من جرب طيران الخليج من جميع النواحي
علماً ان جميع حجوزاتي بزنس لكن ماعمري سافرت عليها
حصلت رحلة من الرياض الى كازا توقف ترانزيت ساعه وعشر دقايق
وهل العفش ( الشنطه ) تجي على نفس الرحله او تتأخر
هل مدة الترانزيت كافيه او تشوفون فيها قروشه وعجله
الاستفسار الثاني :
انا محصن جرعتين وباخذ معي فحص بي سي ار
هل البحرين مثل السعوديه فئة ب او انها من فئات ثانيه
خوفي احجز عليها والمتطلبات تختلف بالنسبه للدوله
ياليت اللي مجرب فقط يفيدني ويفيد البقيه والف شكر لكم

للاسف تجربتي معه اسوء تجربة نصيحه ما مثل الخطوط السعودية
ضاعت شنطتي عندهم ولليوم ما لقيتها
ان وقعت لك مشكله معهم والله ماحد يرد عليك

تضييع الشطة شركة الطيران مالها ذنب، المسؤول غالبا موظفين المطار ..

أنا جربتها مرات كثيرة والحمد لله تجربة مميزة جدا مقارنة بالسعر، حاليا أشوفها أفضل خيار كسعر وخدمة جيدة .. المصرية سعر كويس لكن الخدمة غير مميزة

معليش اسمحلي اخالفك الرأي اخوي السائح المثالي بالتسبه لموضوع تضييع الشنطه هذي مسؤليه شركة الطيران اللي الراكب حاجز عليها و الدليل على كلامي انت في المطار تسلم الشنطه لمين لموظفي المطار و الا موظفي شركة الطيران طبعآ الاكيد تسلمها لموظفي شركة الطيران إذن هم المسؤلين عن الشنط و ليس موظفي المطار و سلامتك

الحمدلله طمنتني بالنسبه لوضع طيران الخليج لاني كنت قلقان منها شكرا لك اخي الكريم.

أكرر مسؤولية المطار فقط..

الان أنت قلتها وأنت مسافر تسلم الشنطة لمين!؟ أكيد موظف المطار، لأن على سبيل المثال موظفين الكاونتر حق طيران الخليج اللي بمطار الملك خالد هم موظفين بالمطار ..

وبعد ما الموظف هذا يشحنها ويحط الملصق يجون العمال بمطار الملك خالد وغالبا هم آسيويين يسوون فرز للشناط ويمكن واحد فيهم يغلط .. ومن ثم تروح الشناط للبحرين وتنتقل الشناط من قبل عمال مطار البحرين إلى طيارة الدار البيضاء .. وبعدها توصل مطار محمد السادس ويجونك عمال المطار يسوون فرز وينقولون الشنطة ..

يعني الشنطة تكون ضايعة بسبب عمال مطار الرياض أو عمال مطار المنامة أو عمال مطار الدارالبيضاء .. أما شركة الطيران غالبا بنسبة 99% ليست هي السبب .. لكن بسبة 100% هي المسؤولة بإبلاغك بمكان وجودها ولو تروح مطار كازا تلقى حقائب ضايعة من كل شركات الطيران الموجودة ..

اخي ماعرف لكن انا اعطيتها موظف كنترول لبس لبس طيران الخليج مش موظف مطار وثانيا الان انا اطالب شركة الطيران وليس المطار لان شركة الطيران تقبلت الشكوى وتعترف انها المسئول الاول ولكن المشكله انهم مايرودون المكان الوحيد لتقديم الشكوى الموقع ويردك بريد الالكتروني وله ايام ولا حس ولا خبر

مرحبا يمديك وقت الترانزيت ، بزنس ممتاز الخليج مجربها، وبتنزل اول واحد من الطياره في وقت الترانزيت ويمديك. ولا خوف على الشنطه. وفحص بي سي ار وصوره من جواز الصحي وبس ماتختلف المتطلبات والرجعه الا الرياض مايحتاج تعمل فحص بالمغرب. وسفره سعيده. علمنا اي مدينه ناوي تروح؟.


Sent om my iPhone using مزاعيط المغرب

اشكرك

نصيحه لوجه الله شوف تعليقات الناس لهم في تويتر ليتني شفت التعليقات قبل اسافر فيها ضيعو شنطتي ولليوم ابحث عنها واتصل ولا احد يجاوب وارسل اميل ولا جواب .. نصيحه من مجرب تاكد من وسائل التواصل معهم قبل السفر وتاكد من تعليقات الناس في تويتر .. انا كنت امدح فيهم هنا بالموقع ولكن لما حصلت لي المشكله عرفت ان ما مثل الخطوط السعودية..صحيح طيران الخليج رخيص ولكن لو يحصل مشكله تندم على رخصها

والله ماعاد ادري لكن بشوف وش الأوضاع وبالنسبه للخطوط السعودية ممتازه ولكن توقيتها للذهاب ماش وشفت افضل توقيت طيران الخليج خصوصاً في الذهاب ومن ناحية الرخص ماهي رخيصه ذهاب فقط حول 5000 ريال