اقتباس:
المشاركة الأصلية كتبت بواسطة سؤال
والله اكبر مصيبه تجيك في بلد الغربه لو الله ينكبك بواحد من بلدك مهبول .. انا ابتلشت بواحد كرهني رحلتي كامله صرت اوجهه ضايع بالمغرب بالنهاية اكتشفت انه محتاج واحد يخاويه بعذر ماعرف شي ضاع من رحلتي 3 ايام وبالنهاية هربت اتلفت وراي
ولا انسى ياخوان السحر منتشر فالحذر لا تثق باحد ولا تعطي اسمك الحقيقي لغريب ابدا بالذات الطيور والثقه خلها بالطياره وانت نازل المغرب وانت راجع خذها
اذا جاك مغربي يضحك لك انحش .. يضحك لجيبك ولا اعمم ولكن دائم اسئل عن الحساب قبل الاكل ودائم دقق بالفواتير هذي طبعا مواقف حصلت لي ولكن اختصرتها بنصائح
أحد الأشخاص كان أول مره يجي للمغرب وتعرف عليه بالطيارة واعطيته رقمي المغربي ونشب لي قال نسكن سوا قلت له كل واحد في غرفه وعند الوصول لمقر الفندق وكان غرفته جنبي طلعنا اول يوم سوا وشفت عليه ملاحظات ومن اول ليله عرفت انه راعي مشاكل ومشيت اول يوم وثاني يوم انواع الازعاج والمشاكل قلت انا جاي اغير جو ماني فاضي للمشاكل وبسببه غيرت الفندق وانحشت وعطيته حظر
عموما المختصر قابل الشخص اذا إنت شخص اجتماعي في مقهى كافيه برا اما أمور السكن وجلسه معاك انحش ولا تعطي الشخص مجال يدخل في خصوصياتك
وتحياتي للجميع