اقتباس:
المشاركة الأصلية كتبت بواسطة سؤال
السلام عليكم
للاسف طيران الخليج كنت امدح فيه ويمكن بعض الاخوان شايف مواضيعي هنا ولكن بعد ما انقرصت منه والمشكله بشطنه فيها اغراض ثمينه واعترف اني غلطان..
الآن اتصل على رقمهم يقولون نحن عملنا حجوزات تقدم بشكوى على الموقع.. والموقع اشتكي فيه ويوصلني بريد الالكتروني ومن ايام لا حس ولا خبر .. هل فيه جهة ثانيه اتقدم لها؟ يعني مطار ولا الطيران المدني ولا القضاء بصراحه احسها انسرقت ما ضاعت لاني قلت للموظف فيها اغراض ثمينه ولا احط بذمتي شي ولكن الشيطان لعب فيني
وعليكم السلام
ما يقدرو يتجاهلو شكواك رح لمكتبهم اللي بالمطار سواء الدمام او البحرين لازم مكتبهم اللي في نفس المطار اللي انت سافرت منه و معاك تذكرتك و بطاقة صعود الطائره و كرت العفش و تقولهم اللي صار لك بالضبط كيف ضاعت الشنطه ووين ضاعت راح تملا عندهم ورقه و ياخذون بياناتك و بيقولون لك انهم راح يتواصلون معاك متى ما جد جديد لكن حط في بالك الشغله ممكن تطول لين يلقونها و ممكن ما يلقونها و هنا راح يعوضونك حسب محتويات الشنطه لكن لا تتأمل كثير.
انا صار لي نفس الموقف مع الخطوط القطريه كنت مسافر لتايلند من البحرين وضيعولي شنطتي و قعدت سفرتي كلها وانا اتواصل مع خطوطهم في تايلند بدون فايده و اضطريت اشتري ملابس من سوقهم و شغلات كثير و لمن رجعت رحت لهم البحرين المطار وعملولي نفس الاجراء اللي قلته لك سايقآ وقعدت تقريبآ سنه لين عوضوني عن طريق مكتبهم اللي في الخبر و ليته شي يسوى الانتظار و المماطله. بالنسبه لك دام فيها اشياء ثمينه إنسى انها ترجع لك و يعوضك الله خير و لا تعيدها وتحط شغلات ثمينه في شنطتك لانها بتكون على مسؤليتك و بيحاجونك انو معروف ان محد يحط شغلات ثمينه في شنطة السفر و الله يكتب الخير
كلامي هذا لك من واقع تجربه و ليست رأي.
2021-10-14, 01:53 PM
المواضيع المتشابهه للموضوع: طيران الخليج ضيع شنطتي لمن اشتكي اذا تجاهلو شكواي؟
العرض العادي
الدرهم المغربي مقابل عملات الخليج