ياليت كل واحد يكتب تجربته مع مكتب تاجير سيارات حتى نستفيد

السلام عليكم
بالنسبه لي تجربتين الاولى سيئة بكل المقاييس والثانيه جيده جدا
تجربتي مع مكتب بالمطار اسمه Illy jet اكبر حارميه على مستوى الشرق الاوسط ولا ادعي الا بالاثبات..غشوني بسيارة قالو موديلها 2020 وبالنهاية طلع موديلها 2014 او اقل بعد اضافة الى ان الفحص منتهي والعجلات منتهيه وفي نهاية المطاف رفضو اعادة السيارة الا ياخذون مبلغ 1500 درهم اشتكيتهم لقيت الدرك يترجى المكتب اخذتها بلحيتي وفحصتها وتحملت تبعاتها لهالسبب وجب تنبيه الاخوان ومن يشك الاثبات موجود (دائم السماسره الي يعرضون عليك داخل المطار قبل تلف المكاتب فاشله)لوبضاعتهم زينه مارسلو سماسرتهم..
تجربتي الثانيه مع مكتب بنور كار بالرباط من توصيه من اخي الغالي خالد وكانت السيارة نظيفه وسعرها جيد
في كل التجربتين عندي مشكله بصراحه مانتبه للاوراق الي بتنتهي لان الاولى انتهى الفحص وعلمهم خايب مثل وجيههم والسيارة الثانيه انتهى التامين وبصراحه ارسل التامين الجديد لحد عندي علمهم غانم
لهالسبب اذا استلمت السيارة دقق بالاوراق لا يقول المواقف المؤقته لازم تطلع بسرعه لا اطلع معه خارج المواقف ودقق وهذا ماحبيت انصح الاخوان

ألحذر ثم الحذر ثم الحذر ⛔️⛔️⛔️

لا تأجر سياره وتوقع العقد وتدفع فلوس وبعدها تشوف السياره وبعدها تكتشف ان السياره متهالكة

حتي لو كان المكتب موثوق ومعلن بالمنتدي والكل يمدح ويثني عليه
أقسم بالله صار معاي اكثر من مره
ادفع واوقع وبعدها انصدم من السياره متهالكه والموديل قديم والاوراق منتهيه
وللأسف مع مكتب موثق بالمنتدي

كلنا فقراء لله
والي يفهم يفهم

استغرب منك كيف اتوقع على عقد وتدفع الفلوس وانت ماشفت السياره يعني لاتزعل ( القانون لايحمي المغفلين) والشي المتبع في الاجار سواء شقه او سياره او اي بضاعه اشوفها بالاول وبعدها ادفع فلوسي بس انت نظامك جاي بالعكس:morocco_5 (81):

تعرف متي تصير المشكلة لما تكون زبون عند مكتب وتتعامل معاها سنوات وسياراته زينه و معلن بالمنتدي. امر طبيعي تثق فيه يعطيك مرتين سياره ممتازه والثالثه يعطيك متهالكه وعذره خذها اليوم ونبدلها لك اليوم الثاني
والمشكله المكتب معلن بالمنتدي

مكاتب تأجير السيارت في المطار شارون اليهودي ارحم منهم

المفروض المكت اللي يأجر لك سياره تعبانه مشي حالك فيه وبعدين ارميه في اقرب شارع. وعلي المطار سافر

انا من الفقرا لله وبعد شهر باخذ السياره منهم وافهم يافهيم لكن والله لنشف ريقهم قبل ماوقع ع اي شي واشوف كل تفاصيل السياره وهذا من ابسط حقوقك ك مستاجر


Sent from my iPhone using مزاعيط المغرب

ياخوان الي يوصلهم من السفر يوصل تعبان من رحله 6 ساعات زين انه يركز هذي الاولى والثانيه مبدا الثقه فهم يلعبون على هالنقطه
لكن هالدرس اخذت فيه عبره ادقق لو تعبان ارتاح بالمطار شوي حتى اصحيح

للأسف والله يا الفقراء إلى الله انهم من اسوى المكاتب اللي تعاملت معها قبل شهر كان لي تجربه معاهم شغلهم اخذ الناس بالكلام المعسول ولا لا خدمة ولا مصداقية وفوق هذا مشغلك باعلاناته ( يعني شين وقوي عين )

Sent from my SM-G986B using مزاعيط المغرب mobile app

تعاملت يمكن مع 4 مكاتب مع المعلنين في كثير من الرحلات لي .. لم أواجه أي مشكلة، اتفق معاه قبل الرحلة بكم يوم على كل شي وارسله صورة الجواز والرخصة والأمور طيبة .. أما مكاتب المطار فأنا احذر التعامل معها ولم يسبق لي التعامل معهم بتاتا ..

للإحاطة أحد المعلنين تعاملت معاه يمكن 10 مرات مكتبه بعيد عن المطار أجي وأشوف السيارة جاهزة بمواقف المطار وادفع له وأوقع العقد وأمشي بدون أي وجع راس ..