ياليت كل واحد يكتب تجربته مع مكتب تاجير سيارات حتى نستفيد

السلام عليكم
بالنسبه لي تجربتين الاولى سيئة بكل المقاييس والثانيه جيده جدا
تجربتي مع مكتب بالمطار اسمه Illy jet اكبر حارميه على مستوى الشرق الاوسط ولا ادعي الا بالاثبات..غشوني بسيارة قالو موديلها 2020 وبالنهاية طلع موديلها 2014 او اقل بعد اضافة الى ان الفحص منتهي والعجلات منتهيه وفي نهاية المطاف رفضو اعادة السيارة الا ياخذون مبلغ 1500 درهم اشتكيتهم لقيت الدرك يترجى المكتب اخذتها بلحيتي وفحصتها وتحملت تبعاتها لهالسبب وجب تنبيه الاخوان ومن يشك الاثبات موجود (دائم السماسره الي يعرضون عليك داخل المطار قبل تلف المكاتب فاشله)لوبضاعتهم زينه مارسلو سماسرتهم..
تجربتي الثانيه مع مكتب بنور كار بالرباط من توصيه من اخي الغالي خالد وكانت السيارة نظيفه وسعرها جيد
في كل التجربتين عندي مشكله بصراحه مانتبه للاوراق الي بتنتهي لان الاولى انتهى الفحص وعلمهم خايب مثل وجيههم والسيارة الثانيه انتهى التامين وبصراحه ارسل التامين الجديد لحد عندي علمهم غانم
لهالسبب اذا استلمت السيارة دقق بالاوراق لا يقول المواقف المؤقته لازم تطلع بسرعه لا اطلع معه خارج المواقف ودقق وهذا ماحبيت انصح الاخوان

ألحذر ثم الحذر ثم الحذر ⛔️⛔️⛔️

لا تأجر سياره وتوقع العقد وتدفع فلوس وبعدها تشوف السياره وبعدها تكتشف ان السياره متهالكة

حتي لو كان المكتب موثوق ومعلن بالمنتدي والكل يمدح ويثني عليه
أقسم بالله صار معاي اكثر من مره
ادفع واوقع وبعدها انصدم من السياره متهالكه والموديل قديم والاوراق منتهيه
وللأسف مع مكتب موثق بالمنتدي

كلنا فقراء لله
والي يفهم يفهم

استغرب منك كيف اتوقع على عقد وتدفع الفلوس وانت ماشفت السياره يعني لاتزعل ( القانون لايحمي المغفلين) والشي المتبع في الاجار سواء شقه او سياره او اي بضاعه اشوفها بالاول وبعدها ادفع فلوسي بس انت نظامك جاي بالعكس:morocco_5 (81):

تعرف متي تصير المشكلة لما تكون زبون عند مكتب وتتعامل معاها سنوات وسياراته زينه و معلن بالمنتدي. امر طبيعي تثق فيه يعطيك مرتين سياره ممتازه والثالثه يعطيك متهالكه وعذره خذها اليوم ونبدلها لك اليوم الثاني
والمشكله المكتب معلن بالمنتدي

ياخي انت وربي قاعد تتكلم عند تجربتي عنده

أخي عندهم حركات وسخة غير طبيعية ، اقسم بالله مرة اخدت السيارة سألت صاحب المكتب ايش الضمان قال لي أي شيء لم يقول لي الجواز بعد التوقيع ودفعت الفلوس قالت إليه جيب الجواز قال الضمان الجواز قالت إليه احتاج الجواز قال لي الجواز هو الضمان .. ومرة دخلت المطار بدون جواز عملني الشرطي عند مدخل المطار معاملة سيئة جدا فقط لاني لم يكون عندي جواز نصحية لا تعطي أحد الجواز حتى لو تصير مشاكل خليك على التاكسي ولا تسلم جوازك إلى أحد وفي مكاتب كثيرة تقبل بدون جواز خليه يصور جواز فقط وخلي الجواز في الجيب

لن أنسى حركته الوسخة اخذ الجواز بعد ما دفعت الفلوس

لا يالغالي الجواز لا ترهنه بي حال من الاحوال هذي وثيقة رسميه واعتقد يخالف من يرهن الجواز.. عمري ما رهنته ومن البداية اوضح هالنقطه حتى الهوية الوطنية ارفض ارهنها لا ترهن ولا تحط فلوس رهن

أدري يا غالي بس صاحب المكتب نصاب كبير قال الضمان اللي بدك اياه .

بعدين سحب علي بعد دفعت الفلوس قالت إليه الجواز قال الضمان الجواز ..

توك تقول اللي بدك اياه والحين تسحب الجواز ...


رحت إليه المطار اليوم التاني ارجع الجواز رفض قال لي ناس واجد ين جوازاتهم ....


حركته وسخة مرا .....


بعد سنة جاية المغرب شافني بالمطار قال تبي سيارة قالت لا وقالت في قلبي أخسي أخد منك سيارة ......

مستحيل ارهن الهوية الوطنية أو جواز أو حتى فلوس هذيك المرة كان درس لي أي مكتب يطلب مني جواز أو مبلغ تامين راح أروح مكتب تاني يا كثر المكاتب بالمطار وخارج المطار .......

انا من الفقرا لله وبعد شهر باخذ السياره منهم وافهم يافهيم لكن والله لنشف ريقهم قبل ماوقع ع اي شي واشوف كل تفاصيل السياره وهذا من ابسط حقوقك ك مستاجر


Sent om my iPhone using مزاعيط المغرب

مكاتب تأجير السيارت في المطار شارون اليهودي ارحم منهم