ليه السفر متعة ؟

كتب العبد الفقير الدكتور طايش و مطنش هذه الاسطر البسيطه للسفر في انحاء البسيطة

اللي يحبون السفر كثير سواء غني او فقير
لكن فيه ناس يحبون جلسة البيت بس لو يجرب متعة السفر كان يقول ياليت او ياريت

السفر متعة يفتح عيونك و ذهنك على العالم و تشوف اماكن جديدة و غريبة و مريبة وكلش

و تتعلم مو بس تقدير الجمال لكن برضه التاريخ المهمل في عقول البعض

يمكن تتعلم لغةاو كلمات او لهجه ا تعطيك صورة اخرى ذات بهجه

السفر متعة لانه يعطيك ذكريات مع الاحباب و الاصحاب وبعدين تقدر تروي حكايات و روايات ممزوجه بابتسامات

السفر يعطيك وقت لنفسك بس انت لوحدك بعيد عن الضغوط و الهم والغم من عمل او مشاكل اجتماعيه او اشخاص علاقتك معهم مو ميه ميه

السفر يخليك تفكر و تقدر و تكتشف واهم شي تغامر بس بعقل .. و يمكن تعرف اشياء عن نفسك ماكنت تعرفها في الاصل .

ايضا يعلمك السفر كيف تتحدى نفسك كيف تحل مشاكلك كيف تصفي ذهنك و القائمة طويلة

ترى السفر يعلمك الهروب المحمود يعني الزين الصحي من اشياء مملة

طبعا اكيد فيه الراحة و النوم و تجديد الهمه و ما لذ و طاب من اكل و شراب و سعادة توصلك القمه

والله عندي واجد بس ما بي اطول و تمصخ السالفه .. رجاء ان كان موضوعي زين قولوا وان كان شين قولوا وان كان ماتبوني اكتب برضه قولوا .. شكرا مقدما