سفرتي الى اغادير

ابوعبدالملك1 · 2021-10-30T17:54:45+00:00

السلام عليكم ورحمة الله وبركاته بكتب لكم عن سفرتي الى اغادير الجميلة في البداية نوينا السفر في جلسة انا وخويي وعلى طول دخلنا وشفنا الحجز بالنسبة للطيران والفندق المهم خلال بحث يومين حجزت الطيران والفندق الحجز كان عالخطوط السعودية (جدة - كازا) ومن (كازا- اغادير) للاسف عالخطوط المغربية هههههه واللي سبق وطلع عالخطوط المغربية يعرف ليه اقول للاسف المهم ترتيب الحجوزات والامور هذي كلها كانت عندي بحكم سفراتي للخارج وخويي يبغى يريح راسه وحطها براسي كلها ههههههه المهم سوينا الفحص في مختبرات البرج بجدة قيمته وقتها ٩١ ريال بمناسبة اليوم الوطني [emoji172] وطبعت الاقرار حق المغرب من موقع الخطوط السعودية وعبيتها وطبعت تقرير الجرعتين من موقع صحتي وجهزت كل شي السفر كان يوم ٧ اكتوبر بداية الشهر هذا ومدة السفرة كانت ١١ يوم مشينا من جدة ووصلنا وكان كل شي تمام التمام وزعو لنا نفس الاوراق بس احنا مجهزينها من اول المهم وصلنا المطار وكان الترانزيت ٥ ساعات ونص دخلنا عالجوازات عشان نبغى نطلع من المطار شوي طبعا وصولنا كان تقريبا الساعه ٥ بعد العصر المهم دخلنا عالجوازات وانا قلت لخويي لاتعطي احد ريال واحد والفلوس كلها معي بس هو معاه مبلغ بالريال السعودي ما ادري عنه المهم على طول طلبني الموظف اكراميه بكل صراحه ووقاحه قلت ماعندي على طول قال لازم اكراميه قلت ماعندي كاش كلها فيزا اذا عندك جهاز سحب؟ قال لا قلت خلاص حط الختم وخلني امشي افضل لي ولك طبعا ختم من غير نفس وعطاني الجواز وخلا باقي الاوراق عنده قام يتملعن قلت هات الاوراق قال لا قلت مو من حقك تسحبها وانا اقصد ورقة التطعيم والفحص بعد اخذ وعطا عطاني اياها المهم في وسط المعمعه هذي اناظر في خويي جنبي عند الموظف الثاني قام يطلع فلوس قلت لا لاتعطيه قام هذاك يرد علي لاتدخل قلت الا بتدخل هذا خويي وراح اقدم فيك شكوى الحين قام خوي يدفني الين ابعدني ومشيت وانا قافل منه واهاوش فيه قلت ليه تعطيه قال ياخي صدمني بجرأته في الطلب وارتبكت واعطيته ههههههههه المهم دخلنا ورحنا على طول المطعم اكلنا وطلعنا برا المطار تكينا شويات وبعدين دخلنا مرة ثانيه صلينا المغرب والعشاء وتفتيش قرف كل شوي داخل خارج تفتيش في مكل مكان تفتيش وخاصه اذا شافوك خليجي ياسلام كنهم طاحو على كنز المهم الساعه ١١ ركبنا طيارة المغربية على اغادير رحلة سيئة جدا طيارة متهالكة والحمد لله وصلنا بالسلامة المهم اول ماوصلنا لقينا نفس الاجراءات في مطار محمد الخامس لازم نعيدها المهم تكلمت معاه قلت هذي كلها سويناها في مطار كازا قال لازم تسويها هنا مرة ثانيه وعبينا ورقة التراب المغربي مرة ثانيه وصفينا سرا عن الجوازات الين وصلنا للموظف لقينا مختمين دخول في كازا قال ليه جايين عندي قلت له بلغت صاحبكم في البوابه وقال لازم نفس الاجراء المهم دخلنا واستملنا شناطنا وطلعنا للتكاسي وما ادراك ما التكاسي المهم انا عارف التسعيره انها ٢٢٠ تسعيرة الحكومة ولقيتهم يقولون ٣٥٠ اخر ٣٠٠ المهم قلت بطلع عالتسعيره قال هذي التسعيره قلت لا على تسعيرة الدولة توصلنا والا نشوف غيرك قال اركبو ركبنا ورحنا فندقنا كنت حاجز في فندق ياسمينا فندق هادي ومميز للي يبغى الهدوء ونمنا فيه وريحنا وثاني يوم الصباح قمنا وبدت رحلة البحث عن مقر للسكن في مارينا........ اذا حابين اكمل لكم عطوني خبر واذا مو حابين عشان اوقف [emoji16]

خالد الرياض

مزعوط فضي

المشاركات: 775

تاريخ التسجيل: Apr 2013

الدولة: الرياض

2021-11-01, 05:25 AM

المشاركه #1

الحمدلله ع السلامة ابوعبدالملك ،، ماشاء الله رحلة جميله وممتعة من سردك للتفاصيل ،، أهنيك

__________________

.
أسلَي نفسي والدنيا تسلي نفسها فيني

أجاري الوقت لو عاند لوه ما يجاريني ي

BB :
[]

ابوعبدالملك1

مزعوط نشيط

المشاركات: 115

تاريخ التسجيل: Sep 2021

2021-11-01, 12:30 PM

المشاركه #2

اقتباس:

المشاركة الأصلية كتبت بواسطة خالد الرياض

الحمدلله ع السلامة ابوعبدالملك ،، ماشاء الله رحلة جميله وممتعة من سردك للتفاصيل ،، أهنيك

الله يسلمك اخوي خالد

الاجمل تواجدك المميز دائما

المواضيع المتشابهه للموضوع: سفرتي الى اغادير
الموضوع	آخر مشاركة
تقرير سفرتي عن اغادير حياااااااااااااااااااكم	2022-08-27 06:09 PM
سفرتي بعد كم يوم	2022-08-04 05:32 AM
قربت سفرتي مطار كازا كيف اذهب اغادير	2019-03-27 07:51 PM
سفرتي الى مغرب	2017-01-21 11:57 PM
سفرتي تكنسلت	2012-02-02 03:35 PM