مشاعر زايفه

روحي عن ادروبي .. صعب يا جاهله لك ألتفت
عندي عن اهمومك شغل .. نفسي عزيزه نايفه
ما هو على مثلي عجب .. ما هم لو عينك بِكَت
وسيّل على الوجنه الكحل .. كلها مشاعر زايفه
هاك امسحي بجال اللهب من فيض أرواح ٍ شِقَت
هاك اقبلي مني العلل .. وش بك حزينه خايفه؟
غروك .. قالوا لك: ذهب .. والسعد والفرحه لِفَت
بيديك مفتاح الأمل .. خلّي الليال الصايفه
يا بنت انا كنت السبب روحي لوجداني شِكَت
في ما مضى كنت الطفل .. عاشق سحابه طايفه
مخدوع ووعودك حجب .. مأسور بقيود البخت
أجري بلا كلّ وملل .. أتبع أماني هايفه
كسرت صندوق اللعب .. عيني عن الماضي عِفَت
طفلك غدا عقله كهل .. واليوم أمسي عايفه