حاجز في الروز قاردن والسلطات علقوا السفر

السلام عليكم ورحمه الله وبركاته
حاجز في الروز قاردن والسلطات علقوا السفر اسبوعين بسبب المتحور الجديد طلبت استرجاع المبلغ تم الرفض وسمحوا بتغير التوقيت علما أن ليس لي ذنب في ذلك فما الحل يا اخوان؟؟

وعليكم السلام

الحل تغير التاريخ +تحمد ربك اذا رحت وماجحدوك بعد +يتحملها الي اقترح عليك سالفة الحجز في ظروف المغرب فاضي ولا هو صيف


أرسلت بواسطة iPhone بإستخدام مزاعيط المغرب

ومن قال لك ادفع معروف ان الدفع عند الوصول
لو مريت على احد المواضيع ترا الاخوان ماقصرو
بينو كل شيء لا تزعل مني لكن قهرتني حركتك

عدل كلامك..احيانا الروز يقول ادفع عربون يوم او يومين...لكن تدفع الرحلة كاملة ماعندك سالفة

Sent from my SM-G973F using مزاعيط المغرب mobile app

دفعت عربون بس يوم2500 درهم

اي زين....الروز الحين صار كبير ودايم فيه شقق وفلل منورة...انا بطلت ادفع عربون للروز

Sent from my SM-G973F using مزاعيط المغرب mobile app

يلا عوافي كل دقة بتعليمه حاول تاجل سفرتك لموعد أخر ولا تنسى تصور الشاشة للمحادثات وتحتفظ بايصال التحويل .. علشان الجحده عندهم بريال ...وهو مفروض اخوي ماتدفع عربون في اي مكان ولا يلعبون عليك في الواتساب يقولون الحق قبل لا تروح ولا عندنا ضغط تراهم يكشون ذبان صارلهم فوق السنتين والاسعار رافعينها وخدماتهم داخل المنتجع زي وجيهم تقعد تترجاهم علشان ينظفون .. ولايلعبون عليك بعبارتهم فلل جديده ولا قسم في اي بي كلها ماتصلح وغير قابله للسكن وازعاج وقلة حيا


اصلا من بعد قمصان السبعه والشكليات اللي شفتها في ريسبشن الروز قبل سنتين وانا جاي احجز كنت جاي وقتها من اكادير .. من بعدها مسكت الباب ومارجعتله مره ثانيه .. ولمت نفسي كيف ارضى وكنت راضي اسكن بهذا السكن السيء .


وصار نظامي حاليا اذا ماحصلت السكن اللي ابيه في مراكش سواء كان فل او غير متوفر اغير المدينه بكبرها اهم شي عندي السكن يكون نظيف وسهل الوصول له .

عربون يوم واحد سهالات
ولكن الى الان ماني مستوعب كيف في ناس يسكنون الروز ؟!

ايجابياته اكثر من سلبياته

Sent from my SM-G973F using مزاعيط المغرب mobile app

بصراحه مالهم حق المفروض يرجعون لك العربون لان القرار جاي من فوق وهذا استغلال بعينه والروز جداً سي وصخ وتعامله جداً زفت وريحت المجاري اعزكم الله بكل الفلل وتاصل الى حد غرفة نومك وتنقطع حتى بملابسك وقوة استغلال مع وصاخة وعدم نظافة وش اقول وش اخلي


أرسلت بواسطة iPhone بإستخدام مزاعيط المغرب