تجربتي سفري للمغرب وحدي اول مره..

بخصوص الفلوس كل تعاملي في بطاقة وفاء كاش وكل ماقارب انتهاء الرصيد ادخل في حسابي بنك البلاد وحولي عن طريق ويسترون إلى اسمي صرفه ممتاز وطلع أقرب مكان وفاء كاش ويحولهم إلى بطاقتي طريقه حلوه جدا وفيها أمان عالي..
بس فيه نقطه ماعجبتني عندهم في أكثر محلاتهم أو كافي أو أي شي اخر لازم اذا بتحاسب يكون استخدام البطاقه يكون أعلى من 100 درهم غريبين..

نجي كيف رجعت للسعوديه بصراحه اول مانزل خبر تعليق الرحلات اسبوعين في المغرب اعتقد في تاريخ 27 نوفمبر كان لي في المغرب 11 يوم كنت في اغادير لي يوم واصل لسه مارحت للمراكش ولا شفتها..
وانا على طول اتخذت قراري في وقتها لان ارجع راح انتظر اسبوعين علما اني اقدر احجز عن طريق اي خطوط بس اطلع من المغرب..
َكانت في حجوزات متاحه وأسعار كانت عاديه جدا.. في عالم طلعت وقتها..
لم اتواصل مع السفاره في وقتها ( لاني قلت الحين السفاره تسوي إجلاء سريع وانا لسه ابغا اكتشف المغرب مادريت انهم مادرو عنك هههه)
تواصلت مع السفاره في 6 ديسمبر سجلت بياناتي عن طريق الواتساب وردهم يتواصلون معك الخطوط..
انتظرت يومين خمس ايام ماحولك احد في يوم 14 ديسمبر الساعه الواحده ونص ظهراً بتوقيت المغرب قلت مالك الا انت تتخذ خطوه وتتحرك اتصلت ع شخص اعرفه شخصياً في السعوديه يشتغل في الخطوط قلتله هذا وضعي رد على وينك من زمان المهم عطيته رقم حجزي وقفلت اتصل على بعد نص ساعه قالي في يوم 14 طياره وكانت تشير إلى الساعه 2 ظهرا في توقيت المغرب والطياره اقلاعه الساعه 9.45 وانا في مراكش قالي يمديك تطلع للمطار باقي سبع ساعات قلت تكفى طالبك شفلي رحله ثانيه انا ماتوقعت انه يلخمن هالسرع قالي ابشر في يوم الجمعه 17 ديسمبر قلت هذي المطلوب قفلت خمس دقايق الا تجين رساله على الجوال من الخطوط ( ضيفنا العزيز،،. اصدرت التذكره الإلكترونيه
رقم.......) يوم الجمعه 17 ديسمبر
الحمد لله تم رجوعي إلى أرض الوطن..

الحمدلله ع السلامة ،، وانا نفس التواريخ تقريباً كنت هناك وعلقت هناك واحلى علقة ههههه

احزني انها ماجازت لك !!؟ ليش ؟ صحيح العينات من ربعنا بعضهم تفشل وتستغرب شلون هالاشكال عدت على الجوازات معقولة مافيه ناس تقييم هالكائن انه راح يمثلك !!

بخصوص اكادير نفس رايي ماقتنعت فيها
مراكش محليها السهر غيره مافيها شي للامانه ،، ومن بعد كورنا اعتبرها مضيعة وقت ع الفاضي

لو رحت لكازا صدقني ماراح تشوف اشكال ربعنا الي بمراكش الي لابس جينز وزبيريات يقاله كاشخ ههههه

لاتستعجل بالحكم انا مثلك قبل قلت ماعاد ارجع للمغرب ههههه كلها كم شهر وحنيت

__________________

BB :
[]

الله يسلمك..
بخصوص ليه ماعجبتني لا أعلم هل السبب نفسي والله مارتحت أو عشان طول المده مليت.. أو عشان العينات اللي شفتهم.. في موقف ماانساه طلعت بعد سهره في اغادير واسمع واحد من ربعنا جالس يكاسر لا 800 هههههه لا تعليق
بصراحه طنجه أعجبتني وستانست طول ما كنت فيها كان المود عالي..
تحياتي لك

ماشفت شي انشدني 2011 وش صار في مراكش وقليز قمصان سود وطواقي

كنت اتوقع المشكله فلوس لين لقيت واحد راعي معرض سيارات ويشارك في المزين ومصروف ابله 20 الف شهري ولبسه وحده كل السفره بعدها صرت مركز مع نفسي

الي شفتهم انت حقين شرق اسيا اندونيسيا تيس تيس تيس
وحقين 2011 مابعد الثورات

https://i.top4top.io/p_2179pqyoz0.jpeg


Sent om my iPhone using مزاعيط المغرب

ههههههه استغفر الله العظيم

والله فضيحة معقولة ذولي حتى الاحساس ماعندهم ،، يخرب بيت الحياء الي عندهم


والله ياصار لنا موقف يا اكدال قبل كم اسبوع ،، جانا طير وحنا طالعين من احد الكافيهات الراقية بمراكش ،، خش بعيونا وطلب من خويي زقارة ودردش معنا شوي يبي الرقم ،، المهم خذتنا السوالف انا وخويي معه ،، تحمس شوي بالسوالف وقال اهم شي ماطلع مع أسبان ههههه تعرفون وش اقصد منهم الأسبان ،،،

قمت انا وصاحبي وكرشناه وذبينا كم كلمة عليه ،، طبعاً مافيها قلة أدب بس خلته يراجع حساباته مليون مره وسحبنا ومشينا وخليناه ،، لحقنا عند السيارة وصار يعتذر ويتأسف وقال بس الاغلبية للاسف مايتحممون ومن هالكلام

المهم قلنا انت قاعد تتكلم عن 30 مليون انسان ياغبية ،، على أي اساس تحكمين عليهم بهالسهولة ،، المهم طلب منا ناخذ رقمه زحلقناه بطريقتنا


ف الاشكال ذي مثل الي بالصورة هي الي خلتنا مضرب مثل للقرف للأسف ،، حقين سوريا وشرق اسيا والدبكات هم أساس البلاء

__________________

BB :
[]

الحمد لله على سلامتك، اخي الكريم كون المغرب ما عجبتك لايعني انها غير جيدة، بالعكس المغرب فيها كل شي تقريبا وبلد سياحي في اغلب النواحي، لكن اعتقد الامر نفسي وربما اصابك الملل، انا جلست في اغادير لوحدها شهر كامل وما مليت، والاشخاص اللي تنتقد لباسهم وطريقتهم خلهم على راحتهم وبالاخير الشي راجع عليهم، فلا تشغل بالك فيهم فتضيع او تقل متعتك، وهي اخي الكريم قناعات ووجهات نظر، مدام ماصل الامر حد الاساءة.
وما اذكره الان يعبر عن رأيي وما شفته وعايشته في المغرب.
تحياتي لك

Sent om my SM-N980F using مزاعيط المغرب mobile app

انا زرت دول كثيرة و هناك اشكال لا تمثلنا و لكنها من بني جلدتنا للاسف
مثل هولاء اتركهم لان النصيحة قد تنتهي بما لا يحمد عقباه .
الحمدلله الدي عافانا مما ابنلاهم الله

على فكره الأسعار اللي استأجرت الشقق في أرخص من كذا بس انا اخذت اللي جازتلي كالنظافه موقع..
الأسعار تبدأ من 500 درهم وانت طالع..
علما كل إيجاراتي غرفتين وصاله شخص واحد...
مثلا أغادير لقيت شقق في المارينا قريب الكفيهات أسعارها من 700 درهم بس فضلت السكن في الفندق في اغادير.. أسعار السماسره يبدأ من 1200 شفتو الفرق..

الحمد لله على السلامة ....
والاولى الواحد يهتم في اهدافه وسفرته وماله ومال الاخرين .
مجرد اشغال تفكيرك فيهم راح نص الوقت والمتعة في مراقبة الاخر سواء كان زين او شين .

دمتم بود .