استفسار اللي عنده معلومه مؤكده ي مزاعيط

بصراحه انا من عشاق تركيا فقررت اطلع اسطنبول الأسبوع القادم عن طريق القاهره في تذكره مستقله سؤالي هل فيها مخاطره ولا الوضع لا من شاف ولا من دراا..
اتمنى اللي عنده معلومه أو جرب يدلي بدلوه وشكرا للجميع..

يعني تبينا ندعمك تخالف أوامر حكومتنا الرشيدة ..

إلا سمعا وطاعة سيدي والسياحة موب واقفة على تركيا وأظن الموضوع ما راح يدوم كلها كم أسبوع ويفتحون ..

مثالي انتا معلم

دز يا رجال ولا يهمك ما احد داري عنك اهم شي ترانزيت
الوطنجيه الي هنا لا تفكر بكلامهم


أرسلت بواسطة iPhone بإستخدام مزاعيط المغرب

وين المشكله لمن يكون الانسان وطني ؟!!!!
صار الشي هذا عيب يعني ؟!
هذا اوامر وانظمة دوله يا عزيزي و بكلامك هذا ممكن تعرض الرجل هذا لمواقف مايحمل عقباها

نصيحه اخي صاحب الاستفسار سعوديه زوجة مواطن كويتي عايشه في الكويت ونعرفهم شخصيا طلعت تركيا من الكويت مع زوجها وبعد فتره راحوا السعوديه زياره وتعرضت لمشكله بسبب سفرها لتركيا الان عليها منع سفر وزوجها حاول يرفع الى الاماره معروض مره ومرتين وشرح الموضوع على انها زوجته وهو مواطن كويتي ولا في فايده والى الان مو قادره تروح مع زوجها الكويت الامور ماهي بهالبساطه يجي الواحد يعاند حكومه نصيحه باب يجي منه ريح سده واستريح

الوطنجية تعني إنك تكون عنصري تجاه عرق معين أو بلد معين .. وأنا بعيد عن ذولا ..

أنت تضمن للرجال ما تصير له مشكلة إذا رجع، وثانيا تتوقع الحكومة سوت هالشيء عشان تضرك، أكيد هالموضوع فيه مصلحة لك وزي ما قلت السياحة موب واقفة على تركيا رغم إني أشوف تركيا أجمل بلد أوروبي حاليا ..

لا تهايط حبيبي وروقنا

تواصل مع حساب السفاره بتركيا بتويتر لو تطمنت لكلامهم سافر ودربك خضر ولو قالو ممنوع
يعني ممنوع الدوله ما تمنع شي عبث
بكره تسافر وتنبسط وترجع ويحجرولك لو اكتشف الموضوع وتكره اليوم الى سافرت فيه
وتجلس تتندم .
خلك دايم بالسيف سايد ولا تخلي لاحد زله عليك

__________________

انا دايم اسافر ويكون الترنزيت في البحرين لما اوصل مطار الملك خالد يطرح موظف الجوازات السؤال من وين جاي؟ اقول البحرين ثم يسئل وقبل البحرين؟ اقول المغرب فهالاسئله ما كانت تطرح قبل الان تطرح ..ملاحظه اخي ترا جوالك مربوط بمركز المعلومات الوطني يعني من الطبيعي يطلع امام موظف الجوازات انك كنت مسافر تركيا فان كنت ملزم لا تاخذ الشريحه السعودية معك او قفلها هناك والله اعتبرها مغامره
مع العلم ان احد الاصدقاء اضطر بسبب مشكله لا اذكر تفاصيلها لكن استاذن من السفارة السعودية في البلد المسافر له انه لضروره بيمر ترنزيت لتركيا وسمحو له ولكن من وصل السعودية تحقيق وافاد لهم ان السفاره سمحت له واظهر مراسلة الوتساب مع السفاره وبعده سمحو له بالخروج ولكن طلبو منه ان يحضر في حال اتصلو به وللان ما اتصلو لان القصه من اسابيع حصلت

تقدر تسافر لكن المخاطره اذا رجعت ممكن تمنع من السفر وغرامه ماليه وممكن تعدي .

ابيكم عون طلعتوووم فرعون خوفتوني..
أن شاء الله يفتحون بما ان رئيس تركيا زار الإمارات الأسبوع هذا وسياستنا وحده حنا والإمارات..
معلومه في عام 2021 السياحه في تركيا زارها عشر ألف سايح سعودي على حسب احصائيتهم نهاية العام 2021