لماذا نعامل السائق كأنه احد أفراد العائله كسعوديين؟

المشاركة الأصلية كتبت بواسطة KSA1977

السلام عليكم ورحمة الله وبركاته
فيه ناس ما تعرف البلد وعندها خوف من السواقه ويضع نفسه في موقف ابتزاز بسبب ارتباطه بسائق باليوميه ويصرف عليه من طيبه وغباء في نفس الوقت والحسابه بتحسب
الأفضل إذا ما تسوق بنفسك تنقل بالطاكسي أو القطار او طيران
أو تتفق مع صاحب طاكسي يوصلك ويرجعك لمقر سكنك فقط ولا ترتبط فيه في كل مشاوريك ولا تعطيه وجه وتكثر كلام معه ...

المشاركة الأصلية كتبت بواسطة حازم2021

في بونشاك اندونيسيا نفس الوضع الشباب يجلسوا السواق معهم بنفس الفلة ومعطينه جو زيادة وانا والله حد السائق سيارة واذا تمشيت اخذ له وجبة ياكل لحاله

المشاركة الأصلية كتبت بواسطة saad007

السبب هو طيبة الشعب واحيانا سذاجته .
السواق اسمه سواق. يوديك ويجيبك فقط للاماكن اللي انت تبيها انت مو للاماكن اللي يبيها السواق .
سافرت مصر وعطوني الشباب رقم سواق شقردي يمدحونه وكان ينام معهم بالسكن وكل شي يبيه ياخذه منهم والصراحه علموني بوضعه قبل اسافر .

لما سافرت لمصر فهمته انت توديني لمكان العمل ومكان السهر والمطاعم والكوفيات وسكني ماتدخله والاماكن اللي ازورها ماتجي معي فيها بس توصلني وتروح تخلص اشغالك وفهمته بشكل مهذب وفعلا ماوجدت مضايقات منه ابد . يوميته اعطيه اول باول كل يومين ادخله معي مطعم او كوفي ياكل معي. اماكن السهر يحطني عند الباب ويتوكل.
محد يلعب عليك الا اذا كنت ابله وتمشي .اذا انت دقيق وحازم فبتعيش مرتاح وحتى لو راح عليك شيء فيكون شيء لايذكر.
كنت اديه يوميه ٥٠٠ جنيه بس محرم عليه يدخل معي الاماكن اللي ازورها.

المشاركة الأصلية كتبت بواسطة الزيداني

حياك وبياك مشرفنا الغالي عمر وأعتذر عل بعض الكلمات ولكن لاتلومني ياصديقي فأنا رجل مقيم معظم وقتي خارج السعوديه في شرق آسيا تحديداً في اندونيسيا وأري العجب العجاب من السياح السعوديين من البذخ والصرف والكثير منهم على قد الحال ولكن بسبب الجنسيه وانه من بلد غني لازم يصرف هنا وهناك وبعضهم يأتي بمبلغ كبير قرض أو خلافه ثلاثة أيام بالكثير وهو مفلس ويدور حق التاكسي للمطار ...
وهنا تشاهد السائقين يسمسرون عليهم في المراقص والمطاعم والكوفياهات وعيالنا متشققين من هذه المكانه وهذا الامر يغضبني جداً وأغير على كل السعوديين ولا أريد أحد أن يضحك عليهم أو يخرفنهم فلا تلومني ياصديقي فأنا بدأت السفر منذ ٣٠ عاماً ورأيت الكثير مما يندى له الجبين ...أعتذر على الإطاله والسموحه منك ومن الأخوة الأفاضل ...????

المشاركة الأصلية كتبت بواسطة ضاري٢٠٢٠

يعجبني والله اللي يدقق على الاجانب في الصرف لان سمعتنا عندهم معنا فلوس واغبياء وسهل يلعبون علينا

المشاركة الأصلية كتبت بواسطة خالد الرياض

ذكرتوني باحد السفرات قبل 8 سنوات تقريبا كنا مبتدئين بالمغرب وجاب واحد من العيال سواق عن طريق واحد هههه

الرجال صار يدخله بالصالة وانا تضايقت اقوله سلامات وش يبي ذا ؟ قال يبي يصلي معي هههههه ااااه يابطني

السايق ذكي دخل مع خوينا عن طريق الدين ( بكسر الدال )

اصطدمت مع خويي اكثر من مره وشخصن الموضوع للاسف ،، لأن الاغلبية من ربعنا ساذج وفي رواية دلخ

في النهاية تخيلو وش صار معه ؟ زرفنا هههههه يعني احنا انسرقنا ياقدعاااان

وقلبت على خويي وخليت ثوبه اطهر منه وبعدها صارت خيرتها لي ،، تعلمت السواقة ليومكم ولله الحمد ولا احد يوجع راسي ولا عيونه حاطها على فلوسي واغراضي الخاصة

المشاركة الأصلية كتبت بواسطة عمر الفاسي