تحذير بخصوص الرنج من بعض شركات تاجير السيارات

مرحبا ياعمر ..


اولا تم الاعتراض مباشره بعد استلام السياره وتم تبديلها بفئة اعلى وموديل حديث وسياره توها طالعه من الوكاله لهذا السبب طلب مني دفع المبلغ الاضافي.بالرغم اني اعترضت واخذت منهم موقف اني ما اتعامل مع هالشركة مره اخرى


ثانيا بخصوص الاتفاق هذا فعلا اللي صار لي وكل شي موثق موجود صور السياره والصدمات حتى مسجل فديو للعطل الميكانيكي في القير محادثات المندوب ومحادثة صاحب الشركة.



السؤال هنا هل تقبل ادارة المنتدى اننا نفتح موضوع مفتوح للجميع ونوضح بالاثباتات ان كان صور محادثات واتس صور للسياره ويتم التشهير بالمكتب علنا؟

انا شخصيا تم حذف مواضيع لي وردود بخصوص ذكر تجاربي مع احد شركات التاجير .


بخصوص البلوك ابد تمون ياعمر وماراح يزعلني ابدا..

بالنسبة للنقطة الأولى وهي حذف مواضيع لك فهو غير صحيح هو فقط موضوع واحد بخصوص

خبر عن طنجة لكن مو مشكلة أكيد مشاركات سابقة وأنا معك جزئياً في خطأ حذف الانتقادات

عن المعلنين، هي سياسة حتى لا يساء استخدام المنتدى في تصفية الحسابات وعموماً هذا خلى

البعض يفكر انه فوق الانتقاد، والنقطة الثانية وهي الاتفاق مع مكتب التأجير أنت حاجز بشروط

محددة، هو ما وفر لك المطلوب يصير بشكل آلي يجهز لك البديل المناسب بدون أي زيادة بالسعر

تراها غلطته مو ذنبك، لكن أسمه مكتب بالمطار ومزعجنا أنه مكتب ضخم ومحترف وألف مشاركة

باليوم في المنتدى وكل اللي عنده سيارتن ونص وفوقها سيارة ونص منها خردة ويسوي أفلام علشان

يزيد عليك السعر ويحملك غلطه فهذا المفروض ما يكون مقبول والمنتدى ماله علاقة يشتكي العضو أو

يحذر وهو غير مقبول، راعي الحلال اللي أنت كلمته داج ولا يفهم وشغله كله بربسه وهياط

__________________

الله يرضى عليك ياعمر
علشان المكتب يتادب ويخاف على سمعته ومايسوي الحركات هذي مع الزباين ويتذكر ان في ناس راح يفضحونه في المنتدى.. ياليت يتم السماح بالانتقادات وذكر اسم المكتب والتحذير منه وانتم طبعا ابخص يا الادارة. لاني اعتقد هذا راح يكون رادع قوي .


مثله مثل التحذير من السكن خليج اكادير واقولها وبكل صراحه اخر زياره لي قبل اسبوع بالضبط كانت في ازمه سكن ومافي سكن في اكادير رحت اشيك اشوف وش التحديثات كان يهش ذبان والعالم ساحبين عليه الريسبشن يترجاك تجي تسكن فيه وصار مكان منبوذ.

طبعا انا ما اخلي المسؤولية على الزبون لكن حط نفسك مكانه توصل المطار غالبا الليل وواصل تعبان بعد رحلة طويله تبي بس توصل الفندق تريح فيه .
وعندك تطمينات من مندوب مكتب التاجير ان السياره جديده
متى تكتشف السياره فيها مشكله بعد ماتجربها.

حاب اعلق على نقطة السماح بالانتقاد لابد نعرف ان المعلن له حقوق على ادارة المنتدى واهمها حمايته من تشويه السمعه وتصفية الحسابات ومن جهه اخرى للادارة الحق في التأكد من شكوى الاعضاء على المعلنين وحلها بطريقه تحفظ حق الطرفين في الخاص واذا المعلن رفض الالتزام يحق لهم وضعه في القائمة السودا واذا العضو رفض الحلول المقدمه من الادارة والمعلن (التي تعيد له حقه كامل حسب الاتفاق) من حق الادارة حذف تعليقاته المسيئه


Sent om my iPhone using مزاعيط المغرب

خد اللي تبي رنج او كليو محد له عندك شيء اذا كنت ماشي صح .اذا بغيت تستأجر شيك على السياره واوراقها قبل التوقيع والدفع عشان ماتندم بعدين 'بالنسبه لي افضل السيارات الصغيره لان لو قدر الله شيء المبلغ اللي ادفعه مايأثر كثير علي

نقطة اعتقد يغفل عنها الكثير وانا واحد منهم التشيك على اوراق السياره

اتفق معك مية بالمئة واغسطس الماضي اخذت مخالفة بسبب نقص بالمعلومات ركزوا بيانات السياره والمستاجر والتاريخ والتأمين

Sent om my 2109119DG using مزاعيط المغرب mobile app

__________________

كذا تمام، لا ردود فعل ههه ولا مرافعه ولا تنزل ولا تستبعد كل شي يفيد وفحص المشاركات دايم موجود والمشرفين على المنتدى ما قصرو لا بصغيره ولا كبيره يعلمونها والتوجيه من حكم خبرتهم ما يبخلون فيها وهذا دليل كرمهم واخص بالذكر الأخ عمر الفاسي ربي يوفقه. مايحتاج استحداث غرفه ولا شي.
ماله داعي الفشخره ودفع على سيارات غاليه، وترى يبان المطنوخ عن اللي قارض نص الميزانيه على سياره. اخذ اللي تبغي والانسان حر في ماله الحميع يتفق. هي نصيحه اخذ المعقول اللي على قدك احسن من جميع النواحي وياكثر ما انذكرت. بس اهم شي لا يجي احد يشتكي وهو راضي منصوب عليه. شفتها قديمه مو على طلبك نزل سعرها وإلا اتركها، تاخذ شي مو على اتفاقك وتدفع اكثر يعني ناصب عليك. لا تجي تشتكي. صحيح. بعدين اذا مالقيت بالمطار فيه في المدينه فيه الشركات العالميه بالمطار وغيره.
في المغرب شغل مخك هههه .. ودمتم


Sent om my iPhone using مزاعيط المغرب

كل المعلنين للسيارات ما عندهم اللي يغطي حاجة المزاعيط ويسحبون من المكاتب برا

لا معلن ولا غيره ، كلهم في الهوا سوا وسياراتهم محدودة ومعدومة ولا تفكروا تستأجروا

سيارة إلا تكون لوحاتها ww ويالله الخراج ، شي مهم جداً (وهي سياسة أنا ماشي عليها من سنوات)

اللي ما يعجبني كلامه أو طريقته أو خدمته اسحب عليه ولا ارجع اتعامل معه لو ببلاش، مثال

أنا اتعامل مع معلن وكان ماشي معي زي الحلاوة وممتاز في تعامله لكن المرة الأخيرة في نهاية

شهر نوفمبر الماضي كنت مسافر للمغرب وطلبت كالعادة منه سيارة بالمواصفات اللي محتاجها

وكان كل شي ماشي بشكل سلس ولما سألت عن الموديل حاول تجنب الإجابة، ولكن امام اصراري

كان رده "اخي سياراتنا منااح تعرف قانون شركات التأجيرات يعني دائما سيارات بكونو تمام"

ومن وقتها قررت التوقف عن التعامل معه بشكل نهائي وحولت لمكتب ثاني هو الخسران مو أنا

__________________

نفس الموقف اللي صارلي بالضبط .. ياخي يدي تحكني ودي اقول اسم الشركة هههه
حاول يتهرب لما سالته عن موديل السياره مع اني كنت زبون قديم عنده .. وهذا الشي اللي خلاني اتجه الى شركة اول مره اتعامل معها للاسف ماطاح الا انبطح ..

اللي حاصل في اغلب شركات تاجير السيارات قلة ادب وجشع واستغلال .. ياخي ماعندك سيارات نظيفة مو لازم تبيع وتقعد تكذب على الناس وتقول سياراتي جديدة ونظيفة