تشديد الدرك والتفتيش والتنكيد -- في الدار البيضاء

مدري عن وضع الشباب ،لكن خلني اخمن، هذولي يامعهم سواق او يركبون تكاسي بكثرة، وهذولي( من الممكن) يعطون اشاره للشرطه او الدرك ترى معنا صيده، اقول (احتمال) وليس اكيد .

لكن من واقع تجربه وخبره طوييييله في كازا اقدر اقول لك محد طق لك خبر اذا كنت مستأجر سياره وتسكن في حي محترم ،عش حياتك بالطول والعرض لكن وفق المثل الشهير (ياغريب كن أديب)

البعض اذا سافر للمغرب يجي مدرعم ومطفي النور ويحسب انه في بتايا او لاس فيغاس وهذولا اكثر فئة ياكلونها وتجيهم مقالب.
من الاشياء اللي تجيب لك المشاكل اذا سافرت عموما :
1-جهلك بالانظمة والقوانين
2- ثقتك في الغريب
3- عدم القراءه والاطلاع الكافي فالشخص الواعي يكون محضر كل شيء ، وين يسكن ،وكيف يتنقل، والأشياء اللي راح يزورها ،وطبيعة الأسعار الحقيقيه لكل شيء، ثم يرصد ميزانيه لذالك .
اعذرني على الأسترسال لكن حبيت افيد بعض السياح اللي ماعندهم ثقافة في السفر .
تحياتي