نصيحة اخوية لا تستأجر سيارة من المطار

ابو الفراسة · 2022-05-29T04:18:46+00:00

[CENTER]السلام عليكم وصبحهم بالخير نصيحة يا شباب لا أحد يستأجر سيارة من المطار خاصة شهور الصيف 6,7,8 لأن فيه استغلال ماهو طبيعي وخاصة من المعلنين لأنهم معتمدين علينا كخليجيين و ضامنك واذا ما جيت جا غيرك ويتفلسف عليك انه هو الاضمن والتأمين وانه بدون ضمان ومن هالخربطة والا الاجانب ما ياخذون من عندهم خاصة اللي عند محطة القطار تحت لان الاجانب ياخذون من الشركات المعروفة مثل بدجت وهرتز وغيره اللي لها مكاتب خارج صالات المطار و اصلا المكاتب في المطار ما يجون الظاهر حتى يمكن 6 مكاتب أنا بعطيكم مثال مثلا انت جاي مطار الرياض كم مكتب بتحصل في المطار وضاربين في العلالي لاكن إذا رحت داخل الرياض المكاتب في كل شارع وانت وشطارتك ماهو مثل المطار ضامن الوضع كل شوي رحلة جاية والاوادم عد واغلط لاكن الصراحة الأفضل انك تشوف احد المكاتب في كازا ويوصل لك السيارة للمطار واذا ما لقيت رح لكازا بالقطار ب 50 درهم وصدقني بتلقى مطلوبك وبفرق كبير مثلا السيارة اللي في المطار ب 400 و 350 درهم بتحصلها في كازا ب 250 درهم واللي ب 300 و 250 درهم بتحصلها ب 200 درهم وبدون ضمان ونفس شروطهم صورة من الجواز والرخصة ومبلغ الإيجار واي واحد يطلب منك مبلغ ضمان أتركه وشف غيره . وكلامي هذا ينطبق أيضا على المعلنين في الشقق وتاكد ان أرض الله واسعة وانطلق ماهي واقفة على احد وابحث بنفسك وبتشوف كيف المغرب بلد رخيص وجميل بعيدا عن الاستغلاليين وعلى قولة المغاربة أعطى الله .[/CENTER]

الرويلي ٢٠٢٠

مزعوط نشيط

المشاركات: 81

تاريخ التسجيل: Feb 2020

2022-06-02, 10:24 AM

المشاركه #1

اذا احد من الاخوة جرب تطبيقات التكسي في المغرب يفيدنا بالافضل

أرسلت بواسطة iPhone بإستخدام مزاعيط المغرب

ضاري٢٠٢٠

مزعوط ذهبي

المشاركات: 1,226

تاريخ التسجيل: May 2020

2022-06-03, 02:57 AM

المشاركه #2

اقتباس:

المشاركة الأصلية كتبت بواسطة الرويلي ٢٠٢٠

اذا احد من الاخوة جرب تطبيقات التكسي في المغرب يفيدنا بالافضل

أرسلت بواسطة iPhone بإستخدام مزاعيط المغرب

اوبر وكريم

مرادs

مزعوط نشيط

المشاركات: 72

تاريخ التسجيل: Aug 2012

الدولة: السعودية

2022-06-04, 10:55 PM

المشاركه #3

انا ليا اكثر من 20سنه اجي المغرب وكنا زمان نستأجر ومافي نصب ولاشي قبل خمس سنوات بطلت ايجار سيارات المطار اخذ قطار ولاوصلت جهتي استأجرت
لاني وجدت حقين مكاتب المطار اللي جنب القطار يستغفلون الخليجي ويستهبلون واهمشي عنده انه يضحك عليك او بلهجتهم يقولبك فكره غريب فيه نوع الحقد
لايغرونك بأعلاناتهم في المنتدى
في صيف اللي راح اعطوا افضل السيارات لمغاربة المهجر والسيارات اللي المفروض ماتتأجر لقدم الموديل او متهالكة اعطوها الخلييجين
ويردون في المنتدى ويشاركون ومسوين اذكيا
مايدرون انهم خربوا سمعت بلادهم اول شي ومافي ثقه من السائح فيهم
الاسعار حدث ولاحرج وفوقها تدور معاهم
يارجل شمكاره غير متعلمين وكل مكتب حاط طير زينه والله ماتعرف تشغل اسياره
انصحية بفلوسك في جيبك تستاجر من براء المطار
من بعد ماتريح على كيفك قطار 50درهم
ويجيبلك قهوه نص نص 10 درهم ونتى مرتاح
ولاوصلت عندك خيارات كثيرة
البعد البعد عن مكاتب المطار اااسف على الاطاله

ابو الفراسة

مزعوط نشيط

المشاركات: 107

تاريخ التسجيل: Dec 2019

2022-06-07, 02:59 PM

المشاركه #4

اقتباس:

المشاركة الأصلية كتبت بواسطة مرادs

هلا بك يالغالي فعلا تكون متفق معهم على نوع سيارة معين يا اما يجيب نفس السيارة نفسها ومكروفة كرف والا يغير لك السيارة ويقولك هذا الموجود وأنا شفت مواقف قدامي في مواقف السيارات يجيك واحد مغربي والا اوروبي ويعطى سيارة نظيفة وجديدة وانت كخليجي تعطى اردى سيارة والا أدفع زود و يجيب لك سيارة جديدة .

DRWISH

مزعوط مميز

المشاركات: 384

تاريخ التسجيل: Sep 2016

2022-06-07, 10:46 PM

المشاركه #5

ارى ان الموضوع عرض وقرار .. لا علاقة للطلب في هذه المعادلة فلكل موسم طلب
قدامك سيارة معروضة وقرارك عندك تاخذها او تتركها .
شخصياً ومنذو ان عرفت المغرب لست بقديم او مخضرم فيه ولاكن الحمدلله لفيته لففف
تعاملت مع مكاتب المطار ومكاتب كازا ومكاتب مراكش وأغادير .. طنجة طلباتهم صعبه
اللي اشوفه مناسب لي ولميزانيتي وحسن المعاملة اتفقت معه وغير ذلك اقلب الصفحة .
عندك اشكال مع مكاتب المطار خذلك قطار وانزل ليلة كازا وافتح قوقل ماب وابحث عن
مكاتب التأجير في الخرائط وبتلقى العشرات استلمتهم واحد واحد وتفاوض وشوف الردود
وتجارب العملاء والصور وكل شيء بيدك .. قد تجد مكتب يقبل بطاقات الإئتمان التي
مستحيل تجد من يتعامل بها في مكاتب المطار . وموضوع انا زبونكم وعميلكم قديم
واسفط لي واحول لك وتفكرهم بيضربون حساب هالسالفة " انسى " وقت الموسم ينساك .
هذه خلاصة تجربة ورأي رعاكم الله

__________________
/ _ مـانـي بـطـفـلٍ تـمـسـك يـدي وانـسـاق لــك _ \

Kuwaiti_Man

مزعوط نشيط

المشاركات: 69

تاريخ التسجيل: Jun 2022

2022-06-07, 11:56 PM

المشاركه #6

شكرا

مرقاب الوله

مزعوط مميز

المشاركات: 296

تاريخ التسجيل: Jun 2015

2022-07-02, 01:04 PM

المشاركه #7

حقيقة الاسعار فيها مبالغة
احد المعلنين ارساله اليوم يقول الاكسنت ب460درهم
والالنترا ب560 درهم .
اللي بيحوس داخل المدينة الوحدة بيدفع اقل من نصف المبلغ تكاسي ولو فكرتو فيها السيارة اكثر شئ بتكون واقفة الجو صيف هاليومين واذا تبي تسافر داخلي القاطر مهو مقصر معنا في شئ .
دمتم بود

مجرووح الكبيدة

مزعوط مبتدء

المشاركات: 37

تاريخ التسجيل: May 2021

2022-07-02, 01:31 PM

المشاركه #8

غلاء غير طبيعي في ايجار السيارات الضعف

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه للموضوع: نصيحة اخوية لا تستأجر سيارة من المطار
الموضوع	آخر مشاركة
تأجير سيارة من المطار	2025-08-30 10:43 AM
نصيحة اخوية لوجه الله الرد رسالة خاص فضلا	2021-11-15 12:10 PM
أيهم أفضل تستأجر سيارة أم سائق مع سيارته؟ (رحلة الأحلام)	2021-11-14 10:53 AM
قبل أن تستأجر سيارة في المغرب ... إقرأ هذه النصائح	2017-01-23 08:34 AM
ايجار سيارة من المطار	2015-08-09 03:15 AM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

نصيحة اخوية لا تستأجر سيارة من المطار

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)