تقرير رحلتي الى اقادير

السلام عليكم صبحكم الله بالخير جميعا
تقرير مختصر على رحلتي الى اقادير الجميله
عدد الاشخاص 1 وحداني
خط سير الرحله الكويت القاهره.القاهره كازابلانكا.كازابلانكا الكويت
مده الرحله 13 يوم في اقادير
بسم الله نبدى
المعذره لايوجد صور لان التلفون خرب فا المعذره لان لايوجد صور
طبيت كازا بلانكا تاريخ 8/6
التعامل كان اوكي في المطار لايوجد اي مضايقات ولا يوجد اي تاخير
نعم هناك تدقيق خصوصا على الخليجيين ولكن الاجانب لاتدقيق عليهم
خلك رسمي مع موظفين المطار واذا شافو لايوجد تجاوب ماراج يطلبون شي
انا رسمي جدا وخصوصا ان مامعي اغراض من السوق الحره وهذا الشي الي خلاهم مايرطزون او يضغطون على
بس عبيت الورقه الي عطونياها في الطائرهولا سالوني عن تطعيم او اي شي
طبعا انا ماجر سياره عن طريق احد المعارف واصحاب السياره في المغرب اسم محله الو مراكش ماهي دعايه لكن حبيت اذكر لكم ما واجهت منه شخص طيب ومتساهل ولا عليه اي ملاحضه السياره الاولى ماجازت لي وغيرها بدون اي تردد
نشكر الاخ يوسف مادري اذا هل هو معنا في المنتدى او لا
طلعت من المطار بدون اي مضايقات ولا شي وركبت السياره وعلى الطريق السيار الى اقادير
المسافه تقريبا 470 كيلو
طبعا الجو ولا اروع
ولا يوجد اي مضايقات نع رجال الشرطه او نقاط التفتيش لكن تذكر خلك رسمي بدون اي ابتسامات
وصلت اقادير وتوجهت الى فندق مبروك لكن مع الاسف فل
وبعدها توجهت الى صحارى وسكنت بدون حجز مسبق
حجزت الايام كلها مقدما طلع اليوم تقريبا 1300 درهم مع الافطار
لو حاجز عن طريق مكتب المويد يطلع اليوم 1200 مع الافطار
الضيوف فندق صحارى هو الوحيد الى بدون فتح غرف
مبروك واماديل لازم فتح غرف
السستم واحد ومعروف تقريبا في اقادير مافيه اي تغيرات قويه
المغرب المارينا جلسه على القهاوي من الساعه 6 الى الساعه 9
طبعا الشمس تغرب الساعه 9 هناك
بعد الساعه 9 او 10 العموم يتوجه الى مسبح مبروك اكل خفيف وجلسه على المسبح وكل واحد يدور الهدف المحدد له وتكون الجلسه فيه الى بدايه السهره حول ال 12 ونص
الوجبات الرئيسيه عندك مطعم اسماعيل او مطعم بيت المندي
طبعا كلها حلوه لكن انا افضل مطعم اسماعيل لعده اسباب وراح اذكرها لكم
مطعم اسمايل قريب من فندق صحارى
بجانب مطعم اسماعيل حلاق صالون رجالي وسوبر ماركت صغير فيه كل احتياجاتك ومغسله ملابس والاكل فيه ممتاز جدا وبعد الاكل جلسته عالميه في الخارج ترد الروح
السهرات عندك مبروك وكاش وتايقر
راح اذكر لكم كل واحد والمميزات
طبعا رقم واحد في نظري كاش المكان اكبر والجو مناسب والطيور واجد (اغلبه كويتين) اقصد السهرانين سعر الطاوله 1500
رقم 2 المليونير(ترا في 2 اسمهم الميونير لحد يلخبط) مكانه مو وسيع نفس كاش وزحمه فل عالم سهرانين وطيور(اغلبه سعودين) سعر الطاوله 1200
رقم 3 تايقر جدا كلاس تحس انك تسهر ويا امراء وشيوخ ناس راقين بس مشكله العدد الي فيه قليل جدا من سهرانين وطيور(الاغلب سعودين) سعر الطاوله 1200
السكن في صحارى حلو وممتاز صح الجو شباب اوفر حيل من سماعات وامور مثل هاذي بس هذا السستم هناك ماتقدر تغيره
هاذي خلاصه رحلتي واتمنى اني فدتكم بالي اقدر عليه
اي سوال اطرجوه وابشرو ب الجواب باذن الله
استودعتكم الله

الحمد ع السلامة

تقرير مختصر وسهل وممتع للامانه

شوقتنا لكادير رغم انها مو جوي

وصراحة صراحة السفر لوحدك ياخي تحس انك كنق زمانك

بس ماشاء الله عليك مثابر للامانة شلون قزرتها من كازا لكادير بدون ماتريح بمراكش الطريق مرهق

__________________

BB :
[]

يامرحبا يا اخوي خالد سافرت بروحي لان مع الاسف الشباب ضروفهم ما تسمح يروحون معي فا قررت اروح
بالنسبه لتريحه من كازا الى اقادير اشوفها عاديه مالها داعي صراحه لان الجو ممتع ودرجه الحراره حول ال 27
والطريق ممتاز صراحه ويشجعك بعدين الطريق السيار ماهو الطريق الوطني يعني خدمات افضل وكانك على قار دوله اوروبيه

طريق اكادير السيار (الاوتوروت) الا طنجه رايح جاي كله روعه وتستمتع. ومراكش ماخذينا جنب ههه. زين اللي رحت اكادير ولا جلست بكارا طول وقتك. رحله موفقه وتسلم على التقرير.


Sent from my iPhone using مزاعيط المغرب

تقرير جميل
ذكرتني بمعشوقتي اغادير
فهناك عشت اسعد اللحظات
نعم صحارى هو الافضل من حيث الموقع وقربه من الخدمات ولكن يعاب عليه أنهم يجيرونك لحد ما على الطابق السادس وهو مزعج نظرا لظروف من يسكنه
المفروض يسألونك قبل أن يقرروا مكان اقامتك اذا كان لديك سلوكيات تجبرهم على ذلك ( مثل التدخين والشراب والمرسيقا الصاخبة)
ونظام بعد الساعة السابعة إلا اذا كلن لك معرفة بموظف الاستقبال
عموما صحارى خيار لا بد منه لمن أراد الفلة
مقهى - مطعم - متجر - مسكن - مسبح - ملهى- ديسكو ( كلها تحت سقف واحد )
ماادري باقي شهرزاد والعنبرة والا تغيرت الاسماء

__________________
كنبغيك وصافي

يا مرحبا ب الغالي
العنبره غير موجود شهرزاد موجود بس مقفل محد يجيه
المتسيد حاليا كاش والمليونير وتايقر
لايوجد افتر بارتي حاليا

حمدالله على السلامه تقرير شيق ومفيد بس من وجهة نظري ان 13 يوم في اغادير واجد عليها لانها مدينه صغيره ومش متنوعه وكذلك اماكنها محدوده خصوصا للخليجين ونفس الاشكال اتشوفها كل يوم وغالبية الطيور فيها مستهلك وقديم بس السايح الجديد مايدري هذي قديمه او جديده وتقبل تحياتي

بزعل منك وابخاصمك
أحب اغادير لا تعيب فيها
كل مدينة بما فيها

__________________
كنبغيك وصافي

كلنا انحب الشلوح بس حقايق لازم انعيشها

بالعكس باكادير الأعمار صغيرة ...من يكبرون يحترفون بمراكش...واخر سنين الخدمة بالدوري التركي او الإماراتي...

Sent from my SM-G986B using مزاعيط المغرب mobile app