رجعت لكم بعد قضاء 31 يوما بالمغرب الجميل

المشاركة الأصلية كتبت بواسطة مشعل

اي هو الكي وان فتح عند تربل 555 طريق اوريكا

وعندهم DJ M7 حق الدبيلو سابقاً

جوهم بطل

المشاركة الأصلية كتبت بواسطة خالد الرياض

لا يالغالي مثل ماتفضل اخونا مشعل k القديم كان يم جهة مطار المنارة هذاك قفلوه بسبب التباعد وقت كورونا وناس يقولون وقت الاغلاق 11 زاد عن الوقت

لكن k on على طريق اوريكة قبل سكاي5 وانت داخل مراكش ،، الي على الحجوزات ريم وشكيب الي كانو في كوفي ارماني

المشاركة الأصلية كتبت بواسطة شاعر كازا

الحمدلله على سلامه وسفرة سعيدة
يا خالد شفت كل اللي ماعجبك بالمغرب تراه اشوى من اللي حنا فيه ذبحتنا لواهيظ القيض ولا لقينا شي روحت ايامنا مع الصيف والحيف

لكن كيف قضيت ايام العيد الاضحى بالمغرب هل اعجبتك ايام العيد هناك؟


أرسلت بواسطة iPhone بإستخدام مزاعيط المغرب

المشاركة الأصلية كتبت بواسطة DarkMoon

الله يعطيك العافيه على التوضيح وماقصرت في وصف مختصر للرحلة ..

لفت نظري وصفك الاكسنت فعلا السياره غير مناسبه للخطوط الطويله
بعض الناس يعتقد اذا استاجرت سياره من النوع الفارهه يعتبرها ترف وهياط وفشخره زياده مايدري ان اللي وضعه مثل وضعي ووضعك يلزمه سياره تكون مريحه في خطوط المغرب. علشان تكون هاني وظهرك ومفاضلك سليمه تحتاجها في السفره ههههه


وفعلا السفر وحداني له طعم مايعرفه الا اللي جربه صح انه بتدفع لكن لو تحسبها بيطلع الفرق مو ذاك الزود واعتبرها شريت دماغك..


بالنسبه لاكادير انا كنت هناك في عيد الفطر الشوارع اصلاحات وحفريات وزحمة سير بعض الاحيان ماكنت احرك سيارتي واقضيها مشي ولا اركب تكسي .. لان مشوار السياره مرهق بدنيا

ف اكيد الحين صيف وعز الموسم اكيد راح تكون الزحمه دبل وخصوصا اذا فيه حفلات او مهرجانات ..

الله يكون في عون اللي مجبور باخذ اجازته في الصيف ..


اهنيك يابطل واستمر

المشاركة الأصلية كتبت بواسطة شاعر كازا

الحمدلله على سلامه وسفرة سعيدة
يا خالد شفت كل اللي ماعجبك بالمغرب تراه اشوى من اللي حنا فيه ذبحتنا لواهيظ القيض ولا لقينا شي روحت ايامنا مع الصيف والحيف

لكن كيف قضيت ايام العيد الاضحى بالمغرب هل اعجبتك ايام العيد هناك؟


أرسلت بواسطة iPhone بإستخدام مزاعيط المغرب

المشاركة الأصلية كتبت بواسطة ضاري٢٠٢٠

الحمد الله على السلامه ؛ وش ذا الهجوله رحت كازا ٤ مرات ومراكش مرتين كان ركزت على مدينتين او ثلاث احسن ؛ انا اشوف نفسي تعبت مع اني المدينه اللي اطلع منها مارجع لها ثاني

المشاركة الأصلية كتبت بواسطة خالد الرياض

الله يسلمك حبيبنا اكدال

ارجع لبعض النقاط من ضمنها السكن :

سكنت اول ليله في فندق إنزي حجزته من بوكينج ومادققت مررره ،، كنت مرهق من طريق كازا الى اكادير وكان مصنف 4 نجوم والله ياجماعة كان اكبر مقلب ولا اعطيه ولا نجمه حتى الافطار الله يديمها نعمه مجرد جح وشمام كان يوميته تقريبا ب 660 درهم

اليوم الثاني ضفيت عفشي وعلى رويال اطلس واخذت الغرفه تقريبا ب 1690 درهم لليلة

صراحة انا اكبر شي يعدل مزاجي بالسفر النوم ،، اذا مانمت مثل الخلق انبعص جوي وانتزع نهاري ،، عشان كذا اتجنب الفنادق الي مرتاديها خليجيين لأن الاغلبيه فاهمين الفله والوناسه غلط

اخذت ثلاث ليال وكان الافطار شي يشرح الصدر صراحة والي مزينه فيه باب له يفتح بكرت الغرفه تطلع على كورنيش ع طوووول الين توصل مارينا ع رجولك اذا تبي تسوي رياضه

عرض علي اكثر من شقة وانا افرفر في مارينا وعلى الكورنيش اخذ ارقامهم واسلك لهم حسيت الشقق انها مستهلكه ،، هذا الي اتذكره حاليا اذا طرى علي شي رجعت اكمل هنا ههههه

المشاركة الأصلية كتبت بواسطة سيدي فهد

أهنيك انك تنام. من تالي صرت مقدر انام واتعب مالقيت حل لهذه المشكله