رجعت لكم بعد قضاء 31 يوما بالمغرب الجميل

خالد الرياض · 2022-07-27T14:04:14+00:00

سلاااااااام عليكم ياشباب وشابات شلونكم ان شاء الله بخير اليوم الفجر وصلت الرياض ولله الحمد بعد قضاء اجازتي بارض المغرب الحبيب ولله الحمد ، كنت لحالي ولفيت البلد من الشمال الى الجنوب بالمختصر : السيارة اكسنت 22 للاسف كسرت ظهري مع هالخطوط جيت ابدلها بس للاسف موسم والسيارات محجوزه بشكل دقيق وماعاد قدامي خيار ثاني قضيت 4أيام كازا بعدها : مراكش 5 أيام العودة لكازا 4 أيام طنجة 3 أيام العودة لكازا وريحت 3 أيام انطلقت لكادير بس مرررهق الطريق للامانه عكس طنجة وقعدت 4 أيام ورجعت مراكش للمره الثانية وجلست 6 أيام ثم رجعت كازا للمره الرابعه وجلست يومين ثم العودة لمطار محمد الخامس راح اعطيكم التفاصيل باذن الله بس بقول لكم بعض الملاحظات الصيف هذا كانت زحمة بشكل مستفز وغلا بالاسعار والخيارات محدوده سافرت وتنقلت لحالي وكنت ملك نفسي وحر بقراراتي وهذا اجمل شي سويته ، صح مرهقه ماليا بس محد يجيب لراسك الصداع اكادير ماتوفقت فيها كان مهرجان الامازيغ وزحمة والطرق مقفلة بشكل يقهر ،، اذكر مره طلعت اسهر وكاشخ والله ياجماعة طلعت من فندق رويال اطلس الساعة 12 الليل وصلت السهرة 2 ونص !! راحت علي السهره بالمختصر اخر زيارة لكادير كانت تقريبا 2016 تطورت للامانه نوعا ما وابشركم يبنى مول كبييير وانبسطو ياحقين الفرفره هههه الي لاحظته بشكل ملفت اكادير رخيصه بس للاسف فنادقها يذكرني بايام بفندق ام كلثوم وشهر زاد بالقاهره زمااان ،، ماعجبني الا سوفتيل ورويال اطلس ،، الباقي قديم او مزعجة واشكال بعض ربعنا الي الله يهديهم مسافر بطفسه وعايش لي دور هارون الرشيد طنجة تنفع للراكدين ويحبون الهدو والقنص وهو ع السايلنت واسعارها معقولة نوعا ما باستثناء السكن ،، وصادفت عوائل سعودية صراحة هي وكازا ،، اول مره اشوف عوائل خليجية بهذا الشكل صراحة عموما ً التنقل لحالك ممتع لكن مرهق

خالد الرياض

مزعوط فضي

المشاركات: 775

تاريخ التسجيل: Apr 2013

الدولة: الرياض

2022-08-02, 02:06 AM

المشاركه #1

اقتباس:

المشاركة الأصلية كتبت بواسطة شاعر كازا

الحمدلله على سلامه وسفرة سعيدة
يا خالد شفت كل اللي ماعجبك بالمغرب تراه اشوى من اللي حنا فيه ذبحتنا لواهيظ القيض ولا لقينا شي روحت ايامنا مع الصيف والحيف

لكن كيف قضيت ايام العيد الاضحى بالمغرب هل اعجبتك ايام العيد هناك؟

أرسلت بواسطة iPhone بإستخدام مزاعيط المغرب

الله يسلمك شاعرنا

فعلا الزحمات والمشاوير اهون من سموم نجد ههههه

العيد للامانة ثالث مره اعيد هناك وصرت متعود على اجواءها النايم بس الي مهونها عندي ان اجازتي طويلة ماخذ الموضوع برواق

ولو على كيفي مارحت بالصيف ووقت الزحمات لكن مجبر اخاك لابطل

__________________

.
أسلَي نفسي والدنيا تسلي نفسها فيني

أجاري الوقت لو عاند لوه ما يجاريني ي

BB :
[]

ضاري٢٠٢٠

مزعوط ذهبي

المشاركات: 1,226

تاريخ التسجيل: May 2020

2022-08-01, 11:35 PM

المشاركه #2

الحمد الله على السلامه ؛ وش ذا الهجوله رحت كازا ٤ مرات ومراكش مرتين كان ركزت على مدينتين او ثلاث احسن ؛ انا اشوف نفسي تعبت مع اني المدينه اللي اطلع منها مارجع لها ثاني

خالد الرياض

مزعوط فضي

المشاركات: 775

تاريخ التسجيل: Apr 2013

الدولة: الرياض

2022-08-02, 02:11 AM

المشاركه #3

رجعت لكم بعد قضاء 31 يوما بالمغرب الجميل

اقتباس:

المشاركة الأصلية كتبت بواسطة ضاري٢٠٢٠

الله يسلمك اخوي ضاري والله صادق ارهقتني المشاوير بس كنت مخطط للبرنامج ذا من ايام كورونا ههههه

صح رحت مرتين بعد كورونا بس ايام الاغلاق سفرة الساعة 11 ومره الاغلاق 2

يعني مايمدي

كازا كنت احطها نقطة الانطلاق وبنفس الوقت ارتاح وافر بمولاتها ،، واكادير جت فكرتها متاخرة قد رجعت من مراكش

__________________

.
أسلَي نفسي والدنيا تسلي نفسها فيني

أجاري الوقت لو عاند لوه ما يجاريني ي

BB :
[]

خالد الرياض

مزعوط فضي

المشاركات: 775

تاريخ التسجيل: Apr 2013

الدولة: الرياض

2022-08-02, 10:08 PM

المشاركه #4

فعلا افتتاح اوميني مراكش كان متواضع جداً ولا يرتفي للاسم ، مقارنة بدبي والقاهره فرررررق كبيييير

و دي جي MK معروف له جمهوره وشغله للامانه قوووووي في مستوى كناري و اصيل

والله يعين مراكش عليهم يفتحون انظار المبزرة والورعنه على المدينة الحمرا الي كانت اول تنعم بالهدوء

__________________

.
أسلَي نفسي والدنيا تسلي نفسها فيني

أجاري الوقت لو عاند لوه ما يجاريني ي

BB :
[]

شاعر كازا

مزعوط خبير

المشاركات: 3,264

تاريخ التسجيل: May 2017

الدولة: saudia arabia

2022-08-07, 08:03 PM

المشاركه #5

اقتباس:

المشاركة الأصلية كتبت بواسطة خالد الرياض

يا رجال زينه وتمام قضيت نص الصيف بالمغرب وان شاء الله ترجع لها بعد الصيف وازين منها

Sent om my iPhone using مزاعيط المغرب

__________________
ليت لي من عناء البعد راحه
يابهجة الخاطر وكثر الأمنيات

كربون

مزعوط نشيط

المشاركات: 62

تاريخ التسجيل: Aug 2022

2022-08-30, 06:55 PM

المشاركه #6

ايووووووه هذا التقرير وافي على طول بالمفضله

وتسلم وهنيالك السفرة الجميله ماشاءالله عليك

خالد الرياض

مزعوط فضي

المشاركات: 775

تاريخ التسجيل: Apr 2013

الدولة: الرياض

2022-08-30, 07:27 PM

المشاركه #7

الله يهديك صاحبي كربون وراك ترفع الموضوع احاول انسى موضوع السفره كلها لكن ماعليه نبشت الجراح الجميلة ياصديقي
ومرحبا فيك بين ربوع المزاعيط

__________________

.
أسلَي نفسي والدنيا تسلي نفسها فيني

أجاري الوقت لو عاند لوه ما يجاريني ي

BB :
[]

كربون

مزعوط نشيط

المشاركات: 62

تاريخ التسجيل: Aug 2022

2022-08-30, 10:46 PM

المشاركه #8

اقتباس:

المشاركة الأصلية كتبت بواسطة خالد الرياض

اليوم الوطني على الابواب

يومين مع ويكند وقبلها 3 ايام مرضي وقبلها ويكند

الباقي على ابليس خخخخ

__________________
بانت السيقان والقلب انكوى

خالد الرياض

مزعوط فضي

المشاركات: 775

تاريخ التسجيل: Apr 2013

الدولة: الرياض

2022-08-31, 08:30 PM

المشاركه #9

اليوم الوطني والله مهيب شينة بس اجازته قصيرة وقريبة مايمدي ،. نبي راس السنة احلى وعسى الله يسهل الامور ( فيس كفك )

__________________

.
أسلَي نفسي والدنيا تسلي نفسها فيني

أجاري الوقت لو عاند لوه ما يجاريني ي

BB :
[]

ستالين

موقوف

المشاركات: 185

تاريخ التسجيل: Aug 2022

2022-09-09, 11:55 PM

المشاركه #10

31 يوم مدة طويلة
اتمنى منك اخوي خالد
تقول لنا كم إجمالي خسائرك المادية
خلال هذه الفترة بدون مبالغه او تهويل
طبعا انت راعي عصير وطيور
ولكني لا أعتقد انك تأخذ كل يوم طير
ممكن يوم ويومين لا وهكذا
وايضا ممكن السهر مو كل يوم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه للموضوع: رجعت لكم بعد قضاء 31 يوما بالمغرب الجميل
الموضوع	آخر مشاركة
الى سمو المغربية و عادل أكادير وميلك شيك ولكل اعضاء المنتدى الاعزاء ابي رايكم في قضاء شهر العسل بالمغرب	2018-10-30 08:13 PM
رحلة أيام الزمن الجميل من الواليدية حتى مارتيل ( شهر كامل بالمغرب )	2014-05-18 11:18 PM
قضاء ليلة بكازا	2012-06-05 07:20 PM
جزائريون يأملون في قضاء عطلتهم في المغرب	2011-05-29 01:18 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

رجعت لكم بعد قضاء 31 يوما بالمغرب الجميل

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)