رجعت لكم بعد قضاء 31 يوما بالمغرب الجميل

خالد الرياض · 2022-07-27T14:04:14+00:00

سلاااااااام عليكم ياشباب وشابات شلونكم ان شاء الله بخير اليوم الفجر وصلت الرياض ولله الحمد بعد قضاء اجازتي بارض المغرب الحبيب ولله الحمد ، كنت لحالي ولفيت البلد من الشمال الى الجنوب بالمختصر : السيارة اكسنت 22 للاسف كسرت ظهري مع هالخطوط جيت ابدلها بس للاسف موسم والسيارات محجوزه بشكل دقيق وماعاد قدامي خيار ثاني قضيت 4أيام كازا بعدها : مراكش 5 أيام العودة لكازا 4 أيام طنجة 3 أيام العودة لكازا وريحت 3 أيام انطلقت لكادير بس مرررهق الطريق للامانه عكس طنجة وقعدت 4 أيام ورجعت مراكش للمره الثانية وجلست 6 أيام ثم رجعت كازا للمره الرابعه وجلست يومين ثم العودة لمطار محمد الخامس راح اعطيكم التفاصيل باذن الله بس بقول لكم بعض الملاحظات الصيف هذا كانت زحمة بشكل مستفز وغلا بالاسعار والخيارات محدوده سافرت وتنقلت لحالي وكنت ملك نفسي وحر بقراراتي وهذا اجمل شي سويته ، صح مرهقه ماليا بس محد يجيب لراسك الصداع اكادير ماتوفقت فيها كان مهرجان الامازيغ وزحمة والطرق مقفلة بشكل يقهر ،، اذكر مره طلعت اسهر وكاشخ والله ياجماعة طلعت من فندق رويال اطلس الساعة 12 الليل وصلت السهرة 2 ونص !! راحت علي السهره بالمختصر اخر زيارة لكادير كانت تقريبا 2016 تطورت للامانه نوعا ما وابشركم يبنى مول كبييير وانبسطو ياحقين الفرفره هههه الي لاحظته بشكل ملفت اكادير رخيصه بس للاسف فنادقها يذكرني بايام بفندق ام كلثوم وشهر زاد بالقاهره زمااان ،، ماعجبني الا سوفتيل ورويال اطلس ،، الباقي قديم او مزعجة واشكال بعض ربعنا الي الله يهديهم مسافر بطفسه وعايش لي دور هارون الرشيد طنجة تنفع للراكدين ويحبون الهدو والقنص وهو ع السايلنت واسعارها معقولة نوعا ما باستثناء السكن ،، وصادفت عوائل سعودية صراحة هي وكازا ،، اول مره اشوف عوائل خليجية بهذا الشكل صراحة عموما ً التنقل لحالك ممتع لكن مرهق

خالد الرياض

مزعوط فضي

المشاركات: 775

تاريخ التسجيل: Apr 2013

الدولة: الرياض

2022-07-30, 05:50 PM

المشاركه #11

رجعت لكم بعد قضاء 31 يوما بالمغرب الجميل

((( العودة لمراكش المرة الثانية بعد العيد الكبير )))

وصلت مراكش من بعد عودتي من اكادير

وتعتبر مره ثانيه ،، مره قبل العيد ومره بعد العيد

المره هذي نويت استانس شوي لأن المره الاولى سكن يم جهة المأمونية مناك فرفرت وهيصت بس مسوي كنترول صارم وتصوير وسعة صدر اللهم سهرت ثلاث مرات الاولى بالدبليو وكانت اسوء سهره لي لاوجيه تفتح النفس وزحمة والله وكيلكم فوضى بمعنى الكلمة

اخذت الطاولة ب 2400 لحالي

الليله الثاني رحت كي وان جديد ع طريق اوريكة اخذ الطاولة ب 2000 كان حلو ومرتب وكبيييير وتونست للامانه

الليلة الثالثه في كاش ،، طبعا بعد ماتملكه العيادي و شاتو سامر العراقي وصار الآمر الناهي أنس وسيمو ( حقين كوفي ارماني ) الي سافر وقت كورونا اكيد يعرفونه ،، المهم طوروه صراحة والدي جي حقه بحريني مجنووون يخلي العاقل يفلت ههههه

( طبعا السهرات هذي قبل العيد )

نرجع الى مابعد العيد :
بعد رجعتي من اكاديرلمراكش قلت مابي فنادق ابي مساحة شوي وحرية ،، رحت للدرقاوي السويتات فل بحكم اني لحالي ،، وروني شقة غرفتين ب 1860 قلت معصي

دزيتها للروز للامانه لقيت انسانه راقيه اسمعا سلمى تحرجك باخلاقها ،، وفدوه بس سلمى للامانه مدربه واضح انها مدربه تدريب مكثف بالتعامل مع العملاء وتحمل كثرة اسألتهم ،،، وولخ

اخذت عندهم شقة غرفتين
وطاولتي بالكاش محجوزة لمدة 5 أيام اعطونياها ب 1500

——————————-
الي لاحظته بعد فتح النوادي بعد رمضان
الدبليو كان اغلب رواده سعوديين قبل كورونا وصار مرتاديه الحين كويتيين

كاش كان رواده قبل كورونا كويتيين اصبح الان خليط من جميع الخليج والعراق وقليل من المغاربه

كي وان اغلبه سعوديين

__________________

.
أسلَي نفسي والدنيا تسلي نفسها فيني

أجاري الوقت لو عاند لوه ما يجاريني ي

BB :
[]

التعديل الأخير تم بواسطة خالد الرياض ; 2022-07-30 الساعة 05:53 PM

المواضيع المتشابهه للموضوع: رجعت لكم بعد قضاء 31 يوما بالمغرب الجميل
الموضوع	آخر مشاركة
الى سمو المغربية و عادل أكادير وميلك شيك ولكل اعضاء المنتدى الاعزاء ابي رايكم في قضاء شهر العسل بالمغرب	2018-10-30 08:13 PM
رحلة أيام الزمن الجميل من الواليدية حتى مارتيل ( شهر كامل بالمغرب )	2014-05-18 11:18 PM
قضاء ليلة بكازا	2012-06-05 07:20 PM
جزائريون يأملون في قضاء عطلتهم في المغرب	2011-05-29 01:18 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

رجعت لكم بعد قضاء 31 يوما بالمغرب الجميل

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)