رجعت لكم بعد قضاء 31 يوما بالمغرب الجميل

سلاااااااام عليكم ياشباب وشابات شلونكم ان شاء الله بخير

اليوم الفجر وصلت الرياض ولله الحمد بعد قضاء اجازتي بارض المغرب الحبيب ولله الحمد ،

كنت لحالي ولفيت البلد من الشمال الى الجنوب

بالمختصر :

السيارة اكسنت 22 للاسف كسرت ظهري مع هالخطوط جيت ابدلها بس للاسف موسم والسيارات محجوزه بشكل دقيق وماعاد قدامي خيار ثاني

قضيت 4أيام كازا

بعدها :
مراكش 5 أيام

العودة لكازا 4 أيام

طنجة 3 أيام

العودة

لكازا وريحت 3 أيام

انطلقت لكادير بس مرررهق الطريق للامانه عكس طنجة

وقعدت 4 أيام

ورجعت مراكش للمره الثانية وجلست 6 أيام

ثم رجعت كازا للمره الرابعه وجلست يومين

ثم العودة لمطار محمد الخامس

راح اعطيكم التفاصيل باذن الله بس بقول لكم بعض الملاحظات

الصيف هذا كانت زحمة بشكل مستفز وغلا بالاسعار والخيارات محدوده

سافرت وتنقلت لحالي وكنت ملك نفسي وحر بقراراتي وهذا اجمل شي سويته ، صح مرهقه ماليا بس محد يجيب لراسك الصداع

اكادير ماتوفقت فيها كان مهرجان الامازيغ وزحمة والطرق مقفلة بشكل يقهر ،،

اذكر مره طلعت اسهر وكاشخ والله ياجماعة طلعت من فندق رويال اطلس الساعة 12 الليل وصلت السهرة 2 ونص !! راحت علي السهره

بالمختصر اخر زيارة لكادير كانت تقريبا 2016
تطورت للامانه نوعا ما وابشركم يبنى مول كبييير وانبسطو ياحقين الفرفره هههه

الي لاحظته بشكل ملفت اكادير رخيصه بس للاسف فنادقها يذكرني بايام بفندق ام كلثوم وشهر زاد بالقاهره زمااان ،، ماعجبني الا سوفتيل ورويال اطلس ،، الباقي قديم او مزعجة واشكال بعض ربعنا الي الله يهديهم مسافر بطفسه وعايش لي دور هارون الرشيد

طنجة تنفع للراكدين ويحبون الهدو والقنص وهو ع السايلنت واسعارها معقولة نوعا ما باستثناء السكن ،، وصادفت عوائل سعودية صراحة هي وكازا ،، اول مره اشوف عوائل خليجية بهذا الشكل صراحة

عموما ً التنقل لحالك ممتع لكن مرهق

__________________

BB :
[]

الحمدلله على السلامه ي بو وليد
رحلة موفقه بس احسها متعبه لك
من الشمال للجنوب والسياره صغيره
على الخط الطويل المهم عطنا علومك
كلها من ناحيه السكن والسهر والتنقل
وش البغالي بالاسعار قصدك السكن او السهر
وين سهرت في اقادير عطنا مرئياتك عنها
السهر في مراكش خابره غالي خاصه
على البست المهم عطنا علومك كلها
والاهم كم كلفتك شهر واحد وشكرا لك

ولاتعبت ياخالد ،، خطة سفر جميله ،، لكن مثل ماقلت التنقل بالسياره بين الشمال والجنوب متعب جدا ،، والحمدلله على السلامه


Sent from my iPhone using مزاعيط المغرب

مشتاق لك
قطر

الله يسلمكم من كل شر

والله كل شوي اتسدح من قو التعب والارهاق بالبيت

ودي اكتب لكم كل شي صار معي بس كيبورد الايفون متعب وممل بنفس الوقت مايعطي ع الكيف

اكادير : جلست ليلتين ع المسبح مبروك وصراحة ادارة راقية وماعندها جشع اسعار مناسبه للامانه تفاجئت صراحة،، وقزقزت كل الطيور الي جالسين للامانه لم تكن بالمستوى الي ف بالي ،، مره رحت تايقر ههههه صدق اذا قالو رزق الهبل ع المجانين ،، مكان بالبدروم تحت يجيب التكه وزحمة وترتيب الطاولات غلط في غلط ،، عرفت اني توهقت ،، الله وكيلكم تكه

الليله الثانيه قي المليونير بجنب المسبح شرح وحلو وصغير شوي ،، بس عيبه ادور لي خشة تشرح الصدر ههههه مالقيت ،، بستثناء ثلاث طيور مواصفات مميزه صراحة ،،هم الطاولة الوحيدة الي حسيت اني بالمغرب ههههه

اليوم الثالث حاب اكتشف مطعم بيت المندي الخليجي ورحت له وياليتني مارحت ،، الله يديمها نعمه اول مره بحياتي اشوف رز مقلي ههههه اقل رز هنود يصبصب زيوت ،، وفوق هذا اسعار فلكية ،، تقييمي له 2 من 10 والله ماقلت الا الصدق

باخذ غفوة وبرجع اكمل التقرير هههه

__________________

BB :
[]

الحمد لله على السلامة اخوي خالد


ولا تعبت

وعودا حميدا


أرسلت بواسطة iPhone بإستخدام مزاعيط المغرب

الحمدلله ع السلامة أبا وليد
ننتظرك وتقرير رحلتك الميمونة
اعجبني الموجز ننتظر التفصيل

__________________
كنبغيك وصافي

حمدالله على السلامه كمل التقرير والتفاصيل

الله يسلمكم جميعا فرداً فردا

نرجع لبعض للتقرير وللاسف بعض التفاصيل غابت عن بالي بسبب المدة الطويلة وكثر التنقل ،، اتذكر اني رحت لكاش اكادير بس فيه حفلة حاتم عمور كانت الطرق مغلقه بشكل ما تتصورون

حتى الدوارات مقفلة والناس فوق بعضها،، ومن سوء حظي الحفل بين فندقي وبين مكان المهرجان وانا اطلع الساعة 12 وربع ،، ووصلت الساعة 2 ونص والله ماوصلت المكان ،،بسبب ربكة السير والزحمات الي اعجز اوصفها لكم ،، انا عاد تنرفزت وصار شغلي الشاغل كيف ارجع لفندق اكل شي وارتاح ،،

رجعت بالاخير للفندق وتكلت سناك خفيف ونمت

طبعا مايخفى عليكم مقاهي مارينا على حطت يدكم ماتغير شي للاسف اصبحت بدائية جداً ومهمله ،،

الخلاصة اشوف اكادير مهيب جوي ابداً رغم هدوءها ورخص الاثمنة وتنفع للوحداني المستجد الي مامعه سيارة

بعد ماصحصحت مسكت طريق مراكش

__________________

BB :
[]

هلا بالشيخ الحمدلله عالسلامه


أرسلت بواسطة iPhone بإستخدام مزاعيط المغرب

الله يسلمك حبيبنا اكدال

ارجع لبعض النقاط من ضمنها السكن :

سكنت اول ليله في فندق إنزي حجزته من بوكينج ومادققت مررره ،، كنت مرهق من طريق كازا الى اكادير وكان مصنف 4 نجوم والله ياجماعة كان اكبر مقلب ولا اعطيه ولا نجمه حتى الافطار الله يديمها نعمه مجرد جح وشمام كان يوميته تقريبا ب 660 درهم

اليوم الثاني ضفيت عفشي وعلى رويال اطلس واخذت الغرفه تقريبا ب 1690 درهم لليلة

صراحة انا اكبر شي يعدل مزاجي بالسفر النوم ،، اذا مانمت مثل الخلق انبعص جوي وانتزع نهاري ،، عشان كذا اتجنب الفنادق الي مرتاديها خليجيين لأن الاغلبيه فاهمين الفله والوناسه غلط

اخذت ثلاث ليال وكان الافطار شي يشرح الصدر صراحة والي مزينه فيه باب له يفتح بكرت الغرفه تطلع على كورنيش ع طوووول الين توصل مارينا ع رجولك اذا تبي تسوي رياضه

عرض علي اكثر من شقة وانا افرفر في مارينا وعلى الكورنيش اخذ ارقامهم واسلك لهم حسيت الشقق انها مستهلكه ،، هذا الي اتذكره حاليا اذا طرى علي شي رجعت اكمل هنا ههههه

__________________

BB :
[]