سفرتي أغسطس 2022

ابو سمير · 2022-08-11T14:22:24+00:00

السلام عليكم ورحمة الله وبركاته يالله انك تحييهم ومساء الخيير لجميع رحلتنا كانت بتاريخ ١٢/١ والعودة بتاريخ ١٢/١٠ على الخطوط السعودية من الرياض الى الدار البيضاء مباشر وكان سعر التذكرة ٣٥٠٠ ريال رحلة سريعة قبل تنتهي الاجازة قلنا نغير جو لانه الشوق غلاب وماقدرنا نصبر عن ديرة الحبايب لاكن الاسعار الحقيقة ماصدقت لحد مارحت وشفتها بنفسي الاسعار مبالغ فيها مره والكل تغيير التعامل مختلف كثير عن اول حتى الي تعرفهم من قبل ولك معرفه سابقه فيهم تغيرو ماجريين السيارات واصحاب المنتجعات التعامل سببلي صدمه مادري وش اقول الحقيقه المهم الوصول كان الساعة ٩ مساء وكنت متفق مع صاحبي اللي دايم استاجر منه سيارات قبل رحلتي بيومين ومرسلي صورة السيارة كانت موديل ٢٠٢١ والموتر اللي صوره لي كان بالفعل جديدة وممشاه قليل مره وتصلت فيه بعد ماستلمت عفشي وخذت شريحة اتصالت المغرب وينك ياصحبي قالي انتضرك بالمواقف وروح اسلم عليه وشوف السيارة والله انصدمت هاذي سيارتي يالحبيب قالي ايه هاذي سياراتك السياره فيه رفارف والتنده مغفصه وموديله ٢٠١٩ قلتله يالحبيب مو هاذي سيارتي اللي حاجزها قالي والله مو لي السياره جبتها لك من صاحبي انا سياراتي كلهم ماجريين والله علشانك دورتلك سيارة من اصحابنا ومن الكلام هذا مع انه انا متفق معه من اول نسبة التحمل ٥ بالمئة لا سمح الله قالي والله صحبي رفض الا تامين تتحمل ١٠ بالمئة قلت ماشي ويوم اخذت العقد وحصله كاتب 40 بالمئة نسبة التحمل وكاتبه بخط صغير والاربعة كاتبها كانها واحد وناضره ليه يالحبيب مو هذا اتفقنا قالي والله ماعندي سيارات وهاذي جبتها لك من صاحبي ومن هالكلام قلتله طيب نسبة التحمل كاتب 40 بالمئة قالي شوف هاذي 10 مو اربعين وكاتبها بخط صغير يبيلك مجهر علشان تشوفها وكرشته وحصلت واحد ابن حلال واستاجرت منه وركبت سياراتي وعلى الطريق السيار ولا يردك الا مراكش السكن كان في الروز قاردن طول وقت جلستي فيه كان في تركيز من الدرك مو طبيعي الى قبل البوابة بكم متر موجودين الدرك مزروعين من يمينك ويسارك سالت ايش اللي حاصل قالولي كان فيه حادث واحد لف على واحد وتقلبت السيارة ودخل العناية مع انه ماقنعني الكلام ولا دخل راسي كل الدرك المزروع هذا علشان واحد لف على واحد المهم مالكم بالطويلة الاسعار مبالغ فيها جدا اغلب السهرات دخولية ٥٠٠ درهم وارخص طاوله ٢٥٠٠ وفيها طاولات تاصل ٧٠٠٠ درهم الاسعار تدبلت كثير العساس اللي اول يرضى باقل القليل الحين مايرضى باقل من ٥٠ درهم والدفع مقدم مادفعت ٥٠ يقولك سير خويا ويطلعك من الموقف الطيور مع انه مالي فيهم بس معاي اخوياي قلوبهم خضراء يقنصون على ٨ الالف درهم الغربان اللي اول ماينعطون وجه يطلبون ٤ التعامل مختلف كثير عن اول مو بس ارتفاع اسعار ماني عارف ليه السبب الحقيقه مع احترامي للمغرب والشعب المغربي الحبيب بس ليه ايش اللي حصل ماني عارف والله مو من تجربه شخصيه شفت الكثير هناك يتذمر من ارتفاع الاسعار ومن تعامل اصحاب تاجير السيارات والمنتجعات والكل حصلته متفق معاي على اللي حصل معاي حصل مع غيري تفتيش عند بوابة الروز من الحراس بالبوابات الدرك مستحيل تمر من عندهم الا تدفع تدفع مع انها كله تبلي وغير صحيح يقولك ماسكك رادار سرعة مع انه كل مراكش مافيها رادارات سرعة ومو راعي سرعة انا ولا يبتليك انه ماسك الجوال ونت تسوق ونا مستحيل امسك الجوال ونا اسوق او اتدعى ١٢٠ يعني نضامي مئة بالمئة وبس ياطويلن الاعمار تجربتي نقلتها لكم بكل تفصيلها والمغرب والشعب المغربي حبايبنا واهلنا بس والله مستغرب من اللي شفته التعامل مختلف كثير عن اول من الجميع مو من موقف واحد وعممته واتمنى اذا احد عنده معلومه عن التغيير الكبير بالاسعار والتعامل يفيدنا لانه والله اللي شفته سببلي صدمة ونا نفسي مادري اصدق ولا اكذب مع انه شفت الشي هذا بعيني

ضاري٢٠٢٠

مزعوط ذهبي

المشاركات: 1,226

تاريخ التسجيل: May 2020

2022-08-11, 09:17 PM

المشاركه #5

ابوسمير حمد الله ع سلامتك ؛ انت سافرت في اجازة الحج واجتمع موسم عيد وموسم صيف فكل استغل الوضع ؛الدرك والله مايشم درهم اذا ماخطيت خله يوقفني ماعندي مشكله معه بيوقفك شوي ويمشيك بس لازم تكون عارف النظام وافرض شخصيتك باحترام وفهمه انك عارف النظام
بخصوص السهر والغربان هذي في ٣ سهرات بمراكش ولو طلعت بعيد عنهم بتشوف اسعار ثانيه
اما المدن الثانيه فالوضع عادي لأني كنت انا في نفس الفتره ورحت اغادير وكازا ورباط والدنيا هانيه ؛ مراكش مضروبه لأن نسبه كبيره من زوارها الخليجين خارج الخدمه يابزران او مهبل يسمحون باستغلالهم
ماشفت هالاستغلال في كازا او الرباط الناس هناك ثقيله ومكلعه .

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: سفرتي أغسطس 2022
الموضوع	آخر مشاركة
هل السفر للمغرب مناسب في أغسطس ؟	2025-09-07 08:41 AM
رحلتي الي تونس 1 أغسطس	2022-09-02 06:59 PM
هل أغسطس مناسب للسفر ؟	2015-08-07 04:41 AM

الساعة الآن 11:45 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

سفرتي أغسطس 2022

روابط سريعه