خبراء الفلبين وتايلند

اسعد الله اوقاتكم بكل خير

ناوي على رحلة استجمام
ومحتار بين الفلبين وتايلند

وحاب اعرف ايهما ارخص
في المعيشة والمصروف

طبعآ مالي في السهر
ولا احب اتنقل بين المدن والجز
مدينتين فقط
او مدينة واحده ومعها
جزيرة واحدة

المدة من اسبوعين الى شهر

اتمنى الافادة ممن زار الدولتين

تحياتي لكم ،،

اقول تايلند من واقع خبرة هذا البلد الجميل
أمن وأمان وحرية واحترام
وقسم اجازتك بين بانكوك وبوكيت بما انك اول مره
فلبين ما ادري ما زرتها لكن إذا هواك فلبيني
راح تجد الكثير ببانكوك... بانكوك فيها الكثير
كرة أرضية مصغرة ههههههههه

وتقدر تروح فيتنام وكمبوديا ولاوس واخر شي تدخل تايلند... شرق آسيا كله حلو جدا
والشعوب طيبه أمن وأمان والله لو عندك
مليار دولار بشنطتك ما احد يأخذ منك دولار غصب

يعطيك العافيه اخوي ستالين
سبق لي زيارة اندونيسيا خمس مرات مع ابنائي ولحالي
مع العائله كانت سفرات طويله
اكثر من ٤٥ يوم
طبعآ معشوقتي فيها جزيرة لمبوك
والشعب الاندونيسي طيب ومحترم
للغايه

لكني ماعرف شي عن تايلند او الفلبين

الله يسلمك اخي الكريم
خلي اجازتك بتايلند وما راح تندم
تايلند افضل بكثير من الفلبين وإندونيسيا
وفيها خيارات كثيرة وما تمل فيها
اذا نزلت مطار بانكوك تأخذ تاكسي ويوديك
فندقك واحجز من بوكينج في هذا الشارع soi 11
تكتب soi 11 ببوكينج والفنادق اللي عليها مدح من الخليجيين
احجز فيه مبدئيا اسبوع.. هذا المكان قريب من المنطقة العربية
وتقدر تروح مشي للمطاعم العربية .. خليك ببانكوك اسبوع وبعدين
تروح للشمال او الجنوب والطيران الداخلي يتايلند حلو ورخيص
انا بصراحة احيان اجلس ببانكوك فوق الشهر احب هذي المدينة
الكبيرة جدا لكن انت ما اعرف كيف جوك .. عموما تايلند سهلة وبلد
امان ومتي ما مليت وفي أي وقت انشالله اخر الليل تقدر تطلب
تاكسي وتروح اي منطقه قريبة مثل بتايا او هواهين .
في بانكوك اذا طولت استخدام تطبيق جراب للتاكسي حلو
وارخص من التاكسي الثانية .

بالنسبة للفلوس
خذ معك افضل دولارات
وتكون من الإصدار الاخير 2017
وكل يوم تصرف قدر حاجتك
200 دولار باليوم تكفى وزيادة
والبطاقات البنكية OK لكن يأخذون رسوم
عليك من البنك التايلندي ومن بنكك في الوطن .. لذلك افضل تاخذ معك كاش دولارات

ماقصرت اخوي ستالين
رايتك بيضاء
ومشكور على النصيحه وسرعة الرد
...
شورك وهداية الله
بانكوك وبوكت وكرابي
اسبوع بانكوك واسبوع بوكت
ويومين لاكتشاف كرابي
واسبوع اخير في بانكوك

هل ٢٠٠ دولار تشمل السكن
او مصاريف من غير السكن ؟؟

بإذن الله راح ترتاح كثير بتايلند
اهم شي لا تستعجل رتب كل امورك تمام قبل السفر
واذا احتجت اي معلومه او استفسار لا تتردد بالسؤال

فيه نقطة مهمة لا تنسها الطيران اللي راح تسافر عليه
خليهم يعطونك 50 او 60 كيلو هم بالعادة كلهم
يعطونك 30 كيلو لان ممكن اذا اشتريت أغراض لعيالك
وزاد الكيلو يدفعونك مبلغ اكبر لذلك افضل تأخذ كيلوات
اكثر تايلند بلد التسوق واكيد راح تشتري . انا اخر مره
زدت كان معي 90 كيلو ودفعوني مبلغ كبير عند العودة
هذي معلومة يمكن تحتاجها وإذ انت ما مشتري شي عادي

تقسيمتك حلوه اسبوع ببانكوك
وبعدين اسبوع بوكيت ومن بوكيت تروح بالعبارة
او الطائرة كرابي او كوه ساموي
وفيه جزيرة بعد كوه ساموي يحصل فيها
احيانا حفلات يسمونها اكتمال القمر اذا لك
رغبة ممكن تحضرها .... وحدك احلى شي واكيد بكل
هذي المدن راح تحصل خليجيين كثير

لا انا حسبتها بدون السكن
السكن رخيص وأفضل فنادق
200 دولار حد أقصى ممكن بعض الأيام
100 دولار يكفيك ويبقي بعد منها
200 دولار ممكن اذا سهرت ورحت اماكن كثيرة
بنفس اليوم وأخذت لك طير ممكن تصرف 200 دولار

انا ما اعرف انت ايش جوك وهل تشرب او لا
اذا ما تشرب ولا تحب السهر اكيد البلد رخيص جدا جدا