قسم الاسئلة و الاستفسارات عن المغرب اطرح استفسارك عن اي شئ يتعلق بالسفر للمغرب في هذا القسم .. للحصول على مزيد من المساعدة

تخطيط من بدري بدري

كربون · 2022-08-30T15:06:56+00:00

السادة الكرام والسيدات الكريمات مدري وش جابني عندكم لكن لي فتره افتر واقرا بالمواضيع من الجديد للقديم وتولدت فكرة سفرة للمغرب وتخمرت اخيرا وصفت على مراكش واغادير والمدة 15 يوم بآخر سبتمبر والطيران على الخطوط السعودية من الرياض مباشر او ترانزيت عن طريق جدة كلو ماشي الان ياطويلين العمر عرفنا الوجهات وعرفنا المدة والتوقيت والطيران ببدا اخطط للسفرة من ال أ الى ال ي واسمحولي اسالكم اساله على عدة مرات وكل جواب على سوال بنفذه بنتقل ل الي بعده عشان مااشغلكم وعشان اصمل والصمله ماتعقد الا بشراء التذاكر اول اسالتي هو افضل يوم للسفر ومن وين يعني يولد اطلع من الرياض مباشر يوم كذا فيه رحلة الساعه كذا الاقلاع وبتوصل الوقت الفلاني وهذا احسن لك عشان كذا وكذا وكذا او لا ياولد روح عن طريق جده يوم كذا وقت اقلاعها مناسب ووقت وصولها حلو عشان يمديك وكذا عرفتو ياطويلين العمر طبعاً خوذو راحتكم ع الاخر وسعو الصدر بالاجابه من باي السوالف تدعيم بالمواقف السابقة من باب التهييض وكذا والسوال الثاني مربوط ربط بالاول وعلى ضوءه يتحدد تنفيذ السوال الاول بالنسبة لتقسيم المدة بين مراكش واغادير طبعاً كازا باخذها مطب عشان مانخرب على عشاق كازا ونخرب برستيجهم وكذا وياليت لو الي بيدلو بدلوه بخصوص السوال يحسب حسابه اني ممكن استاجر موتر وممكن اخذ قطار لمراكش ووممكن اواصل رحلة داخليه لاغادير على طول حسب اغلبية الاراء على خيار معين طبعاً وبكل تاكيد اليوم الاول واليوم الاخير اعتبره مسافة طريق يعني مدة التكيه الحقيقي 13 يوم وصدقوني لو فيه تجاوب وردود حلوه يمكن اتحمس واسوي سحب يطولي بعمركم

كربون

مزعوط نشيط

المشاركات: 62

تاريخ التسجيل: Aug 2022

2022-09-09, 06:39 PM

المشاركه #30

اقتباس:

المشاركة الأصلية كتبت بواسطة خالد الرياض

انت وحظك شف الموقع والتقييمات اهم شي خذ باركينج معها ،، توهقت مره وخذت بحي شعبي والعويطلية والشمكارين متكين على طووووول برى 24 هههههه اشوا اني ماخذ يومين وعقبها انحححشت

هلا وغلا

ايييييه
اصلاً بالبحث حاط خيار مسموح التدخين وموقف خاص بنفس البنايه ومضيف متميز
وبالنسبه للاحياء اغلب الشقق حول جليز مدري عاد اذا جليز حي شعبي والا اش هرجت امه
لكن ان سكنت بحاره على قولة واحد من العيال البس قبوع وامش يدك اليمين ورجلك اليمين يتحركون باتجاه واحد هذي مشية المغاربه وكل 5 متر ازعق بصوت عالي راشيدددددد بتلقاهم يمشون لك الصاروخ من زود ماصدقو انك من الدراري

__________________
بانت السيقان والقلب انكوى

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: تخطيط من بدري بدري
الموضوع	آخر مشاركة
ممكن شقه بمراكش انا وحداني واحب انعس بدري	2022-08-30 10:43 PM
تخطيط رحلة المغرب	2016-08-21 05:26 PM
تخطيط الميزانية للرحلات	2016-01-11 09:56 AM
هذا تخطيط رحلتي في 28 يوليو	2014-08-10 06:55 AM
تخطيط رحله	2014-07-10 10:23 PM

الساعة الآن 03:07 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

تخطيط من بدري بدري

روابط سريعه