تخطيط من بدري بدري

المشاركة الأصلية كتبت بواسطة كربون

السادة الكرام والسيدات الكريمات



مدري وش جابني عندكم لكن لي فتره افتر واقرا بالمواضيع من الجديد للقديم

وتولدت فكرة سفرة للمغرب وتخمرت اخيرا وصفت على مراكش واغادير والمدة

15 يوم بآخر سبتمبر والطيران على الخطوط السعودية من الرياض مباشر

او ترانزيت عن طريق جدة كلو ماشي



الان ياطويلين العمر عرفنا الوجهات وعرفنا المدة والتوقيت والطيران



ببدا اخطط للسفرة من ال أ الى ال ي

واسمحولي اسالكم اساله على عدة مرات

وكل جواب على سوال بنفذه بنتقل ل الي بعده

عشان مااشغلكم وعشان اصمل والصمله ماتعقد الا بشراء التذاكر



اول اسالتي هو افضل يوم للسفر ومن وين

يعني يولد اطلع من الرياض مباشر يوم كذا فيه رحلة الساعه كذا الاقلاع وبتوصل الوقت الفلاني وهذا احسن لك عشان كذا وكذا وكذا او لا ياولد روح عن طريق جده يوم كذا وقت اقلاعها مناسب ووقت وصولها حلو عشان يمديك وكذا

عرفتو ياطويلين العمر طبعاً خوذو راحتكم ع الاخر وسعو الصدر بالاجابه من باي السوالف تدعيم بالمواقف السابقة من باب التهييض وكذا



والسوال الثاني مربوط ربط بالاول وعلى ضوءه يتحدد تنفيذ السوال الاول

بالنسبة لتقسيم المدة بين مراكش واغادير طبعاً كازا باخذها مطب عشان مانخرب على عشاق كازا ونخرب برستيجهم وكذا

وياليت لو الي بيدلو بدلوه بخصوص السوال يحسب حسابه اني ممكن استاجر موتر وممكن اخذ قطار لمراكش ووممكن اواصل رحلة داخليه لاغادير على طول حسب اغلبية الاراء على خيار معين



طبعاً وبكل تاكيد اليوم الاول واليوم الاخير اعتبره مسافة طريق يعني مدة التكيه الحقيقي 13 يوم



وصدقوني لو فيه تجاوب وردود حلوه يمكن اتحمس واسوي سحب :maroc (919):





يطولي بعمركم :maroc (967):

المشاركة الأصلية كتبت بواسطة عبدالعزيز ك

13 يوم في مراكش مع سهر يومي بيجيك اكتئاب ( طبعا يعتمد على عمرك و قدرتك على التحمل )
من رأيي لا تزود عن ٧ او ٨ ايام في مراكش و تفصل بين الايام هذي بمدينة ثانية عشان تشتاق لها.

Sent from my SM-N981B using مزاعيط المغرب mobile app

المشاركة الأصلية كتبت بواسطة خالد الرياض

ايه اييه ازين ماسويت ترانا نحب السحب خصوصا ايفون14 نسمع به هاليومين ههههه

شد الهمه ي كربون ههههه والله عليك اسم بعد بسس ماعليه ،، المهم لاتردد واعقلها وتوكل ،، منتب ندمان باذن الله

مراكش اذا جوك ليلي وتحب الهيصه والوناسه والنوادي الليليه ، بالنهار مافيها شي

اكادير اذا ميزانيتك محدودة ومامعك سيارة كل شي قريب منك مررره لانها صغيره

كازا حلوة بس تبي لها راس صاحي وواحد مصحصح ومركز اذا انت تكثر من العصير انحششش ماراح تستفيد وبالعكس يمكن تكون صيدة سهله ههههه

المشاركة الأصلية كتبت بواسطة النمله

خلك على مراكش واغادير بس كازا نقطه وصول وحرك على طول لا تجلس فيها مراكش تبعد ساعتين وجرب احجز خمس ايام بمراكش لاتزيد اذا جازتلك مدد واذا ماجازتلك حرك لاغادير ترا مراكش جو الثقيلين الكبار يعني فله واكل بيت وقهوه والطلعه مشوار مشوارين كافي لكن اخذ سهره محترمه وطيور صواريخ اغادير تختلف اختلاف كبير عن مراكش بحر وفيها روتين وتمشيه نهاريه والسهر جميل لكن مو بفخامه وطيور مراكش
مراكش تصلح للكبار اكثر
اغادير تصلح للصغار اكثر
وجهة نظر لا اكثر

المشاركة الأصلية كتبت بواسطة كربون

فيه دانكن في مراكش واغادير ؟