افضل حجز تذاكر السفر من المواقع الاكترونية او مكاتب السفريات

السؤال من عنوانه وباختصار
هل من الافضل حجز تذاكر السفر من المواقع الاكترونية اون لاين
او زيارة مكاتب السفريات وحجز التذاكر ,, او عن طريق تطبيق كل شركة طيران= --------- افيدونا = تجاربكم ونصائحكم جزاكم الله خير ------------ ودمتم بخير

من البديهي ياصديقي ان المكاتب تاخذ زيادة لأن عليها التزامات مثل دفع رواتب موظفين وايجار محلات وكهرباء ووو الخ

لكن المواقع الالكترونية الوسيطة مثل المسافر و اجودا والمطار ،، ووووالخ
يجب ان تتابعها باستمرار لأنها كل فترة تنزل عروض وتاخذ تيكت الطيران او الفندق خمس نجوم بارخص من موقع الشركة الرسمي او الفندق الرسمي

عني انا منزل جميع التطبيقات ومفعل الجرس اي عرض ينزل مغري اخذه

__________________

BB :
[]

شكرا جزيلا لمرورك والمعلومة المفيدة -- سؤال اخير هل الحجز عن طريق التطبيق ثقة ؟

بشكل عام التطبيقات افضل .

والتطبيقات نفسها تتفاوت فيه بعضها هامش الربح فيها قليل مثل سكاي سكنر تقريبا 2.5 %
وبعضها هامش الربح فيها مرتفع مثل المسافر 10%
وبعضها بين وبين مثل ويجو .
احيانا وقت العروض يكون الحجز عن طريق الشركه الأم افضل واحيانا حتى مكاتب الخدمات يكون عندهم عروض تكون افضل من التطبيقات نفسها وهالشي شفته مثلا في مكه عندنا .
عندك مكتب المؤيد لو تبي تحجز في فندق صحراء اكادير بتاخذه بسعر اقل من الفندق نفسه .
باختصار اذا بغيت تحجز سوي تشيك سريع على التطبيقات والشركه اللي تبي تحجز منها وشف الأفضل لك .

ايه نعم ثقه بس بشرط يكون تطبيق لشركة ومعروفة و عريقة لها اسمها بالسوق ، ودامك رجال متخوف من التقنية

اشترِ عن طريق التطبيقات وليس المواقع والروابط ، لأن بعضها غير معروفة او ربما تكون وهمية

__________________

BB :
[]

مثل ما ذكروا الاخوان التطبيقات فيها عروض وأسعار منافسة وجيدة لكن يجيب قراءة الشروط

والتدقيق والتأكد قبل الشراء لأنه في بعض الاحيان يكون فيه تغيير في الوزن المسموع ويختلف عن

الوزن المسموح من الناقل (أقل منهم) والنقطة الثانية هي في الرغبة في تعديل الحجز ضروري

يكون عن طريق التطبيق خصوصاً حجوزات الخطوط السعودية وبالتالي يكون فيه صعوبة لأن بعض

التطبيقات خدمات العملاء خارج الشرق الأوسط والتواصل معهم صعب جداً

__________________

بطلوها مكاتب السفر وخدمات
الحجز الان عن طريق التطبيقات ويجو ،سكاي؛ قوقل فلايت ؛Hopper او مواقع شركات الطيران

إذا كان حجزك قبل الرحلة بفترة طويلة، يعني قبل مثلا شهر شهرين .. الأفضل يكون الحجز عن طريق شركة الطيران نفسها من الموقع الرسمي للناقل نفسه .. عشان يسهل عليك موضوع التأجيل لأي طارئ ويكون التأجيل بالموقع وأنت مرتاح

إذا كان الحجز قبل الرحلة بفترة قصيرة زي قبل بالرحلة بيومين مثلا .. الأفضل تدخل مواقع البحث زي سكايسكنر والا ويقو وتشوف أفضل وسيط وتشتري منه التذكرة بأقل سعر .. لأنك بالأخير ما راح تأجل الا نادر جدا جدا

بالنسبة للطيران الحكومي زي القطرية والسعودية والاتحاد والخليج والمصرية والمغربية .. إذا شريت من وسيط دولي يمديك تعدل الحجز عن طريق نفس شركة الطيران لكن من طريق الفرع أو المبيعات بالمطار وأنا سويتها مع أغلب الشركات مثلا أشتري تذكرة رخيصة من وسيط قبل الرحلة بيومين وبعدها أسافر ثم أقرر أغير موعد العودة .. ما أروح للوسيط أروح مباشرة لمكتب الناقل بالبلد اللي أنا فيه وأسوي تعديل برسوم قليلة ..

بالنسبة للتطبيقات الكبرى المحلية زي فلاي إن والمسافر والمطار .. هذه الشركات أصلا تبيع بأسعار أغلى من الشركة الناقلة عكس الوسطاء الأجانب .. هذه التطبيقات لا تجيهم أبد إلا مع العروض فقط فقط فقط لأن أصلا لو تروح بموقع الناقل نفسه تلقاه ارخص .. عكس مثلا لتروح موقع الوسيط التركي trip تلقاه يبيع التذكرة أرخص من موقع الناقل بفارق 5-10%


أهم ملاحظة مهمة جدا ..
بالنسبة للوسيط الأجنبي يحط مثلا رحلة الرياض كازا عبر الخطوط السعودية بدون شناط لازم تحط 300 ريال اضافي عشان تضيف الشناط هههههههههههههههههههههه طبعا كذاب 100% حط بدون شناط ولا تدفع إضافي وإذا رحت المطار بيكون لك 2 حقائب زيك زي أي مسافر حاجز من موقع الخطوط أو مثلا يقول مقعد أو وجبة أو تأمين حط لا لا لا دائما لأنها غالبا مالها أي أهمية وهي خدمات تقدم بشكل مجاني من الناقل لكن الوسيط الأجنبي يبي منك فلوس زيادة ..

تحياتي

السلام عليكم
اخوي خمسيني المغرب
المعلومه غير صحيحه وغير دقيقه
تطبيق الخطوط الرسمي احسن وارخص وأوضح بالنسبه للشنط ومدة الترانزيت ولايمكن يعطيك معلومه غلط لان هذي رحلاتهم مجدوله ويبين لك كم تدفع في حالة تغيير السفر تقديم او تأخير او كنسلت.
ماعليك من بعض السوالف فيه ناس تحب ترد على اي شي وعامل ابو العريف وأنه يعرف كل شي.
تحياتي

إختصار الموضوع
أدخل على محرك البحث قوقل واكتب حجز طيران حدد الوجهه ويعطيك السعر واحجز عن طريقه
أحيانا تحصل عرض مثلا كوبون خصم 10% في تطبيق المسافر او فلاي إن او اي تطبيق ويستخدم أو تتدخل الموقع الرسمي للناقل وتقارن في السعر .