عطونا آخر تحديثات فنادق أغادير ؟

السلام عليكم

بخصوص فنادق أغادير

انا كلمت المؤيد قالولي خليج أغادير بدون فتح غرفة ويدخل أغراض من السوبر ماركت ولمن شفت التقييم في القوقل ماب في ناس قبل كم يوم يقولون عكس كلامه؟

ويوم دشيت المنتدى قريت موضوع عن مقاطعة خليج أغادير ومافي أحد يمدحة ؟

لان بصراحه ما أبي فندق صحارى خلاص راحت أيامه ودي بفندق يديد

شقق المارينا اللي جنب سكاي مغلق من زمان
و سمعت عن فندق اسمه مبروك بس لازم فتح غرفة


الحين وين أحسن فندق ومجرب من الشباب اللي توهم رادين من أغادير ؟

جرب اسكن ليله او ليلتين بخليج اغادير

شباب اللي توهم رادين من أغادير وينكم

احجز عن طريق المؤيد
ولا عليك من تعليقات تطبيقات حجوزات الفنادق
هذول حاجزين عن طريقهم واصدموا بالواقع المختلف
المهم اخي بكم قال لك المؤيد.

اذا المؤيد عطاك حول 500 ريال
او اقل احجز من عنده
وخليج اغادير حسب بوكينج غرفه نظيفه
وواسعه تقريبا 50 متر مربع.

خليج اغادير

الغرفة 1300 درهم
السويت 1550 درهم

بس بشوف منو توه ياي من هالفندق يعطينا وضعه لأن اهم شي عندي
فندق بدون فتح غرفه
والأهم أقدر ادخل أغراض من السوبرماركت

اذا قال لك المؤيد بدون فتح غرفة
احجز عندهم وخذ الغرفه لأنها كبيره 50 متر مربع
وتكفيك. عموما لا تستعجل ورتب كل شي تمام
قبل السفر وايضا شوف هذا الفندق اربع نجوم
ولكنه ارخص من خليج اغادير لكن لازم فتح غرفه
بس سعره مع فتح الغرفه تقريبا اقل خليج اغادير
بشوي... جولدن بيتش أبارت

المشكله الشباب اللي راجعين
خلاص يختفون.. يفترض كل واحد
يكتب لنا تجربته... انا مثلك يا بوجاسم
بعدني ما رحت ولكني مأخذ خلفيه كامله
عن المغرب واشوف البلد سهل اذا مرتب
امورك... واغادير ومراكش افضل وجهتين لنا بالمغرب..

المؤيد بطيئ بالرد عادي يرد عليك باجر او مايرد

اتصل عليه ديراكت