بخصوص المواصلات في اغادير

اغادير مدينة صغيرة ماتحتاج سيارة خاصة بتكفي معاك التكاسي بس انتبه للعداد لمن تطلع معاهم ..

Sent from my SM-N960F using مزاعيط المغرب mobile app

ان شاء الله

لازم تستأجر سياره
بدون سياره حياتك صعبه جدا
حتى لو السياره واقفه معظم الاوقات ، كفايه انها تحت رجولك . التكاسي ماتنفع ابدا . تقعد تنتظر لين يمر تكسي وحالتك حاله خصوصا بالليل يطلع شكلك كأنك متسول تطارد ورى هالتكاسي . هذا غير التكاسي اللي يحاولون ينصبون عليك هذولي عالم ثاني . السياره تحط اغراضك فيها وتقدر اذا مليت من اغادير تروح مدينه ثانيه . اشتر راحت بالك . اقولك هالكلام من تجارب طويله جدا . اسمع كلامي واعتمد. بكره تندم ياقميل

اذا انت باسلان احسن لك سيارة...اذا بصحارى از مبروك ما يبيلك كل شي حولك

Sent from my SM-G986B using مزاعيط المغرب mobile app

أخوي كيف يعني لازم تستأجر سياره
طيب اذا انا شخص دائم مطفي النور
كيف تريدني أخذ سياره اجار لا سمح الله سويت حادث
او وقفتي البوليس المغربي ووقفته لي كأنه طاح على كنز
استغلني بسبب وضعي ولهف مني مبالغ كبيرة لأجل اتخلص منه
عشان لا يسويلي قضيه وسين وجيم لو في بلادي عادي ما اخاف
لان فيه قانون وما فيه احد كان كبير او صغير يقدر يتجاوز عليك
او يستغلك بسبب انك في حالة سكر لكن في المغرب كيف الحل
.. الافضل والاحسن لي تكاسي خصوصا بمدينة مثل اغادير

اخوي اذا شخص عنده سوالف غلط الافضل يستر على نفسه ولا يجاهر فيها ، الله يستر علينا وعلى خلقه . ما اعتقد مناسب انك تكتب هالكلام. فيه ناس تحب تشوف المواضيع وتستفيد منها بعيد عن هالاشياء . ترى مو كل الناس تفكيرهم واطباعهم وحده وكل واحد وتربيته . ولعلمك اي شخص يسوي الغلط تراه راح يدفع الثمن عاجلا ام اجل . ولعلمك بالمغرب اذا انت مؤدب محتمل تتعرض لمضايقات فما بالك اللي بحاله غير طبيعيه يعني على قولتهم الواحد مايلوم الا نفسه . يعني تبي تسوي الغلط وتركب مع التكاسي !!! ايش رده فعل اصحاب التكاسي معاك ، يحطونك فوق روسهم مثلا !!

انا ما راح اختلط مع الشعب
تحركاتي بتكون بالمنطقة السياحية
واكيد الناس بالمنطقه متعودين علي السياح

تصرف سليم لن تحتاجها في المنطقة السياحية
وفالك التوفيق وترجع بالسلامة.

وش دخل التربيه بصلاح وطلاح الشخص!!
نوح نبي الله وولده من الكافرين لاتسوي السديس
علينا وتلعب على وتر الدين وهذا منتدى ماهو مجلس
بني عمك عشان تفرض رايك على غيرك بكلامك الفض
والنصيحه ماهي امام الملأ فيه خاص تقدر تنصحه
فيه بلطف اذا يبي يسمعك كان بها مايبي يسمعلك
هو حر عندك نصيحه قولها ماعندك اسكت
ولاتنسى هذا منتدى مزاعيط واغلب المزاعيط راعين كاس وطير

اشكرك