حجز الخطوط السعودية ؟؟؟؟

سلام عليكم

في موضوع شاغلني ومحيرني في نفس الوقت
وباين من العنوان بخصوص حجز الخطوط السعودية
مدري اذا كان الموضوع سبق وناقشتوه او ماخطر على بالكم

قاعد اشيك على حجز من جدة لكازا في فبراير
الحجز بحدود 2600
بس الغريب لمن تحجز من الاردن ومطار الاميره علياء
على الخطوط السعودية يجي الحجز ب 1500
من مطار علياء وترانزيت جدة وعلى كازا
والعودة نفس الطريق كازا جدة ترانزيت وعلى الاردن

هل سبق واحد حجز وطلع من جدة والعودة نزل في جدة
وايش الضرر اوالمشكلة لو حجزت نفس التذكرة وطلعت من جدة

اتمنى اللي جرب هالطريقة يعطينا فكرة واضحة

وشكراً …


Sent from my iPhone using مزاعيط المغرب

عليكم السلام
الخطوط السعوديه والشركات الكبيره الاخرى تسوي عروض من مدن مثل عمان والاسكندريه ودبي وشرم الشيخ وتلاقي اسعار مشجعه لكن حط في عين الاعتبار قوانين الطيران المدني العالمي تعتبر نقطة البداية هو خط سيرك المعترف به في النظام الالي والمعتمد
فلو حطينا بالمثال اشتريت تذكره عمان الدار البيضاء عبر جده او الرياض وانت تخلفت عن السفر من عمان وحاب تركب على رحلتك المواصله من جده او الرياض فلن يتم تصعيدك لان سجل حجزك اصبح عليه هدم الي no show وبهذي الطريقه ضاعت تذكرتك لان جدة او الرياض كانت رحلة مواصله بينما نقطة الانطلاق عمان
وعلى العكس رحلة العوده
الدار البيضاء عمان عبر جدة او الرياض ونزلت في محطة الترانزيت في هذه الحاله انت حر نفسك اذا كنت من المصرح لهم بدخول جدة او الرياض


أرسلت بواسطة iPhone بإستخدام مزاعيط المغرب

كلامك مقنع اخ اسامة
لكن سمعت ومو متاكد
ان البعض يقص البوردينغ اون لاين
مثلا هو في جدة وقص بوردينغ من عمان وبورينغ جدة وقدر يصعد الطيارة
كلامك هو الصح لكن ماني متاكد من هذي الحيلة اذا فعلا قصيت البوردينغ وماطلعت الا من جدة فتقدر تطلع على رحلتلك


أرسلت بواسطة iPhone بإستخدام مزاعيط المغرب

ابدا غير صحيح، و كلام الأخ اسامه هو الصح

Sent from my SM-N981B using مزاعيط المغرب mobile app

الف شكر يا عبدالعزيز
وصلت المعلومة


أرسلت بواسطة iPhone بإستخدام مزاعيط المغرب