اقتباس:
المشاركة الأصلية كتبت بواسطة ابو صلاح
الحمد الله على سلامتك واتمنى لك رحلة سعيدة ابو سعود .
تقرير مختصر مفيد واقعي يخدم اي سائح بدون افلام هنديه وقصص غراميه .
ودي خلال رحلتك هذي تنزل كل يومين او ثلاثه تقرير مختصر عن الأماكن والمقاهي والمطاعم والأشياء المميزه اللي زرتها .
اسمتعت والله بقراءة هالتقرير .
الله يسلمك اخوي الغالي ابوصلاح
بالنسبه لنا جايبين معنا المعاميل من قهوه وهيل وعويدي وتمر وكيك دخن بالتمر ومعمول وعود
وكل يوم الصبح نزين دلة القهوة ونشب العود الأزرق نتقهوى وننزل نفطر فالفندق وبعد الفطور نطلع نتمشى.
المطاعم سبق لنا في سفرات ماضيه كنا ناكل في المطاعم العربيه وعددها محدود بالاضافة لمطعم هندي مقابل انفنيتي تاور . هالمره قررنا ناكل في شقتنا .
اما بالنسبه للمقاهي مرينا على ستار بوكس وهارد روك من باب تغيير الجو .
تخبر يابوصلاح منطقة مكاتي تعتبر مانيلا الجديده ومهتمين فيها بشكلٍ مكثف نفس الفندق اسكوت ملاصق لمول وجنبه لاند مارك وقريب منهم القرين بلت وفيه مول اسمه سنشري مول لكن ماتستهوينا المقاهي والمولات.
أكثر شي زرناه سوبرماركت SM عشان نشتري منه المقاضي اليوميه
جونا نطلع نتمشى ( مشي على الأقدام ) حول منطقة الفندق أو نطلع للمناطق المجاوره لمكاتي بالسيارة .
أسعدني مرورك وتعليقك ياصديقي العزيز