استغربت عدم وجود موضوع في المنتدى يختص بالنصب، مع انه من اهم الاشياء الي الواحد يحتاج يعرفها
عن نفسي انصح انك ما تعطي اي معلومات صحيحة عنك، بداية من الاسم وتاريخ الوصول والمغادرة وحتى عمل حسابات تواصل اجتماعي وهمية ما تحط فيها صورك الشخصية ولا تتابع اي شخص تعرفه بالواقع ولا تستخدم اي شي ممكن يوصلهم لمعلوماتك الشخصية، لان ممكن ياخذون صورك واسمك ويضيفون الناس الي انت تعرفهم ويطلبون منهم فلوس او تطيح بواحد دني نفس ممكن يطلع عليك كلام ويحاول يشوه سمعتك من باب الابتزاز والضغط عليك عشان تدفعله، وللاسف سبق لي شفت رجال عمره بالستينات فاضحينه بالفيسبوك وحاطين صوره ومحادثاته الله لا يوفقهم لكن من حسن حظه انهم مايدرون اننا ما نستخدم الفيسبوك بالخليج
عطونا تجاربكم او المواقف الي ممكن السائح يتعرض لها، وشنو الطرق الواقعية لمواجهتها سواء في حال تعرضك لسرقة او ابتزاز او اي شي ثاني ممكن ينغص عليك