بخصوص فتح حساب وفاء كاش

اتفق معك

لكن اتوقع عندهم ناس فهلويه ومحترفين يشيكون ع الحسابات الخاملة الي ماعليها حركة وسسحوبات ،، ويبدون يسحبون منها مبالغ

انا صار لي موقف معهم بعدها صرت اسحب كل فلوسي اذا جيت ارجع

متاكد اني مخلي فوق 3000 وعليها كسور قبل عودتي للسعودية

تفاجئت بعد مارجعت للمغرب مالقيت الا تقريبا 18 درهم ،،

سألت وتساءلت ،، بس ماحولك احد لأنه بالنهاية حساب فلوسي سياحي مؤقت


Sent from my iPhone using مزاعيط المغرب

__________________

BB :
[]

زين ماسويت ياخالد اذا رجعت اسحب فلوسك كامله واحذف كرتهم بالزباله وحول العمله بالمطار للدولار وارجع لديرتك وكل سفره افتح حساب جديد

فتح الحساب في وفا بنك من رأيي أصبح من الماضي، مو معقوله اجيب مبالغ كبيرة و اقعد افكر كم باقي في حسابي و اسحب و ادور صراف وفا عشان اشوف كم باقي في حسابي، و يبقى مبلغ مقدر اسحبه لانه اقل من ١٠٠. واصلا سعر الصرف اللي يعطيك اياه وفا بنك او الشعبي اقل من سعر الصرف اللي يعطيك اياه بنك الاستثمار السعودي.

الحل بسيط: جيب مبلغ معين قيمة ايجار سكنك و سيارتك و مصروف يومين و حولها من المطار، و خلي فلوسك في البنك السعودي و حاسب ببطاقة السفر و كل كم يوم حول لك مبلغ لويسترن بسعر صرف معقول و بكذا تضمن انك ما تقعد تفكر في مصير بطاقة وفا بنك و فلوسك و كم نقصت و كم باقي فيها.



Sent from my SM-N981B using مزاعيط المغرب mobile app

للامانه يفك ازمة ويفكك شر سعر الصرف الي يتلاعبون فيه اغلب البنوك بس ع قولتك من ترجع لديرتك ذب كرتهم بسلة المهملات


Sent from my iPhone using مزاعيط المغرب

__________________

BB :
[]

والله ياخوي من 2013 وانا اجرب اغلب البطاقات السعودية ،، شف عليهم حركات

بعضهم يقول بعطيك سعر الدولار ثابت ،، اوك متفقين في هالنقطة مثل سفر بلس الراجحي و المسافر الانما وبطاقة العملات بنك ميم ووووالخ

لكن فيه نسب مخفيه مايذكرونها تسحب منك مثل فيزا العالمية أو الماستر او امريكانا اكسبريس تاخذ نسبه من مبالغك بعد ماتكون مقبولة وليس مفوضة واقلهم 2٪
حتى بالمشتريات ،، لاتقول مانيب ساحب كاش عشان اتجنب رسوم الكاش


Sent from my iPhone using مزاعيط المغرب

__________________

BB :
[]

الناس أجناس بعضهم يطمر الجبل ويرده الحجر الصغير
خذكاش اللي يكفي للأشياء الأساسية والباقي معك بطاقة مدى وكذلك فيزا فيها رصيد وضعه البنك لك حسب مرئياته
أصرف طول المدة بالطريقة هذي ولا تدوخ راسك في سبيل 500 ريال وانت يروح منك أكثر بدون عوض .
إلا إذ المدة طويلة من شهر فأكثر وانت هبسه فيفرق معاك الصرف .

انا اتكلم عن بطاقات السفر من الاستثمار

ما عليها نسب مشتريات، عندك محفظة تودع فيها بالدرهم المغربي، و ينحسم منها المبلغ بالضبط من دون زيادة

Sent from my SM-N981B using مزاعيط المغرب mobile app

الطريقة هذي تنفع لدبي او البحرين لكن للمغرب مستغرب منك تقول مدى ، معقولة اروح للمغرب واسحب بمدى !! الا اجازتك اقل من اسبوع عاد هنا موضوع ثاني


Sent from my iPhone using مزاعيط المغرب

__________________

BB :
[]

فاهم عليك اخوي عبدالعزيز للامانه ماجربت الاستثمار

لكن كل البنوك سياستها متشابهه واغلب البنوك مرتبطة بفيزا ، وفيزا مؤسسة مالية وليست جمعية خيرية


Sent from my iPhone using مزاعيط المغرب

__________________

BB :
[]

مجربه في أكثر من بلد و الاخوان بياكدون كلامي، مبلغ المشتريات نفس المبلغ المسحوب من المحفظة من دون زيادة

المشكلة فقط في سحب الكاش هنا تروح عليك مبلغ تقريبا ١٠٠ درهم ( للبنك السعودي و المغربي )

Sent from my SM-N981B using مزاعيط المغرب mobile app